Last Updated :
15 March 2024, 07:55 AM IST
Chandighar News: ਟ੍ਰਾਈਸਿਟੀ (ਪੰਚਕੂਲਾ-ਮੋਹਾਲੀ ਅਤੇ ਚੰਡੀਗੜ੍ਹ) ਵਿੱਚ ਦੋ ਕੋਚ ਵਾਲੀ ਮੈਟਰੋ ਦੀ ਜਲਦ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਕੇਂਦਰ ਨੇ ਚੰਡੀਗੜ੍ਹ ਪ੍ਰਸ਼ਾਸਨ ਅਤੇ ਯੂਐਮਟੀਏ ਵੱਲੋਂ ਐਮਆਰਟੀਐਸ (ਮਾਸ ਰੈਪਿਡ ਟਰਾਂਜ਼ਿਟ ਸਿਸਟਮ) ਵਿੱਚ ਭੇਜੇ ਗਏ ਮੈਟਰੋਲਾਈਟ ਦੇ ਪ੍ਰਸਤਾਵ ਨੂੰ ਰੱਦ ਕਰ ਦਿੱਤਾ ਹੈ। Rail India Technical and Economic Services (RITES) ਨੇ ਹਾਲ ਹੀ ਵਿੱਚ ਪ੍ਰਸਤਾਵਿਤ ਮੈਟਰੋ ਰੂਟ ਦੀ ਅਲਾਈਨਮੈਂਟ ਵਿੱਚ ਕੁਝ ਸੋਧਾਂ ਕੀਤੀਆਂ ਹਨ, ਜਿਸਨੂੰ ਸਾਰੇ ਹਿੱਸੇਦਾਰਾਂ ਦੁਆਰਾ ਮਨਜ਼ੂਰੀ ਦਿੱਤੀ ਗਈ ਹੈ। ਇਸ ਪ੍ਰਸਤਾਵ ਨੂੰ ਹੁਣ ਅੰਤਿਮ ਮਨਜ਼ੂਰੀ ਲਈ ਸਬੰਧਤ ਮੰਤਰਾਲੇ ਨੂੰ ਭੇਜਿਆ ਜਾਣਾ ਹੈ। ਦੱਸ ਦੇਈਏ ਕਿ ਕੇਂਦਰ ਨੇ ਟਰਾਈਸਿਟੀ ਮੈਟਰੋ ਨੂੰ ਮੈਟਰੋ ਤੋਂ ਇਲਾਵਾ ਸ਼ਹਿਰ ਵਿੱਚ ਹੋਰ ਵਿਕਲਪਾਂ 'ਤੇ ਲਾਗੂ ਕਰਨ ਲਈ ਗਠਿਤ UMTA ਤੋਂ ਪ੍ਰਸਤਾਵ ਮੰਗਿਆ ਸੀ, ਜਿਸ ਵਿੱਚ ਮੈਟਰੋਲਾਈਟ ਦਾ ਪ੍ਰਸਤਾਵ ਵੀ ਭੇਜਿਆ ਗਿਆ ਸੀ। ਇਸ ਤਹਿਤ ਮੌਜੂਦਾ ਸੜਕੀ ਢਾਂਚੇ ’ਤੇ ਵਿਸ਼ੇਸ਼ ਕਿਸਮ ਦੀਆਂ ਬੱਸਾਂ ਚਲਾਈਆਂ ਜਾਣੀਆਂ ਸਨ ਪਰ ਸ਼ਹਿਰ ’ਤੇ ਵੱਧ ਰਹੇ ਟਰੈਫਿਕ ਦੇ ਦਬਾਅ ਨੂੰ ਦੇਖਦਿਆਂ ਕੇਂਦਰ ਨੇ ਇਸ ਤਜਵੀਜ਼ ਨੂੰ ਰੱਦ ਕਰ ਦਿੱਤਾ ਹੈ। ਹੁਣ ਟ੍ਰਾਈਸਿਟੀ ਵਿੱਚ ਮੈਟਰੋ ਕੋਚ ਸਿਸਟਮ ਹੋਵੇਗਾ।
70 ਕਿਲੋਮੀਟਰ ਦੇ ਟਰੈਕ ਤੇ 3 ਰੂਟ ਕੀਤੇ ਪ੍ਰਸਤਾਵਿਤ
ਪ੍ਰੋਜੈਕਟ ਦੇ ਪਹਿਲੇ ਪੜਾਅ ਵਿੱਚ, ਕੁੱਲ 70.04 ਕਿਲੋਮੀਟਰ ਦੇ ਟਰੈਕ 'ਤੇ ਤਿੰਨ ਰੂਟ ਪ੍ਰਸਤਾਵਿਤ ਕੀਤੇ ਗਏ ਹਨ, ਜਿਸ ਵਿੱਚ 66 ਸਟੇਸ਼ਨ ਸ਼ਾਮਲ ਹੋਣਗੇ। ਇਨ੍ਹਾਂ ਦਾ ਨਿਰਮਾਣ 2034 ਤੱਕ ਪੂਰਾ ਹੋ ਜਾਵੇਗਾ। ਲਗਭਗ 19 ਹਜ਼ਾਰ ਕਰੋੜ ਰੁਪਏ ਦੇ ਇਸ ਪ੍ਰਸਤਾਵਿਤ ਪ੍ਰੋਜੈਕਟ ਦੇ ਭੂਮੀਗਤ ਨੈੱਟਵਰਕ ਸਬੰਧੀ ਡੀਪੀਆਰ 'ਤੇ ਆਰਆਈਟੀਈਐਸ ਅਤੇ ਯੂਟੀ ਅਧਿਕਾਰੀ ਕੰਮ ਕਰ ਰਹੇ ਹਨ, ਜਿਸ ਨੂੰ ਮੰਤਰਾਲੇ ਨੂੰ ਸੌਂਪਿਆ ਜਾਵੇਗਾ।
