Last Updated :
20 February 2025, 10:31 AM IST
Canada News : ਕੈਨੇਡਾ ਦੁਨੀਆ ਭਰ ਵਿੱਚ ਵੱਖ-ਵੱਖ ਦੇਸ਼ਾਂ ਨੂੰ ਆਪਣੀ ਅੰਤਰਰਾਸ਼ਟਰੀ ਮੱਦਦ ਰਾਹੀਂ ਆਰਥਿਕ, ਮਾਨਵਤਾ ਅਤੇ ਵਿਕਾਸ ਪਲਾਨਾਂ ਵਿੱਚ ਸਹਿਯੋਗ ਦੇਣ ਲਈ ਵਚਨਬੱਧ ਹੈ। ਤਾਜ਼ਾ ਅੰਕੜਿਆਂ ਮੁਤਾਬਕ, 2024 ਵਿੱਚ ਕੈਨੇਡਾ ਨੇ ਸਭ ਤੋਂ ਵਧੇਰੇ ਮੱਦਦ ਯੂਕਰੇਨ ਨੂੰ ਦਿੱਤੀ, ਜੋ ਕਿ $5.437 ਅਰਬ ਡਾਲਰ ਰਹੀ। ਯੂਕਰੇਨ ਵਿੱਚ ਚੱਲ ਰਹੇ ਯੁੱਧ ਦੇ ਕਾਰਨ, ਕੈਨੇਡਾ ਨੇ ਇਸ ਨੂੰ ਵਿਦੇਸ਼ੀ ਮੱਦਦ ਦੇਣ ਵਿੱਚ ਸਾਰੀਆਂ ਹੋਰ ਦੇਸ਼ਾਂ ਦੀ ਤੁਲਨਾ ਵਿੱਚ ਕਈ ਗੁਣਾ ਵਧੇਰੇ ਸਹਾਇਤਾ ਉਪਲੱਬਧ ਕਰਵਾਈ। ਇਹ ਮੱਦਦ ਯੁੱਧ-ਪੀੜਤ ਲੋਕਾਂ ਦੀ ਭਲਾਈ, ਪਨਾਹਗਾਹ, ਭੋਜਨ ਅਤੇ ਮੁੜ-ਨਿਰਮਾਣ ਯੋਜਨਾਵਾਂ ਲਈ ਵਰਤੀ ਜਾਵੇਗੀ।
ਯੂਕਰੇਨ ਤੋਂ ਬਾਅਦ, ਨਾਈਜੀਰੀਆ ($277 ਮਿਲੀਅਨ), ਇਥੋਪੀਆ ($251 ਮਿਲੀਅਨ), ਅਤੇ ਬੰਗਲਾਦੇਸ਼ ($234 ਮਿਲੀਅਨ) ਕੈਨੇਡਾ ਦੀ ਵਿਦੇਸ਼ੀ ਮੱਦਦ ਲੈਣ ਵਾਲੇ ਸਭ ਤੋਂ ਵੱਡੇ ਲਾਭਪਾਤਰੀ ਬਣੇ। ਇਸੇ ਤਰ੍ਹਾਂ ਨਾਈਜੀਰੀਆ ਨੂੰ ਅੱਤਵਾਦ, ਭੁੱਖਮਰੀ ਅਤੇ ਆਰਥਿਕ ਸੰਕਟ ਦਾ ਸ਼ਿਕਾਰ ਹੋਣ ਕਰਕੇ, ਇਸ ਦੇਸ਼ ਨੂੰ ਵਿਦੇਸ਼ੀ ਮੱਦਦ ਵਿੱਚ ਵਾਧੂ ਹਿੱਸਾ ਮਿਲਿਆ। ਇਥੋਪੀਆ ਨੂੰ ਗ੍ਰਹਿ-ਯੁੱਧ ਅਤੇ ਭੁੱਖਮਰੀ ਦੇ ਸੰਕਟ ਵਿੱਚ ਘਿਰੇ ਲੋਕਾਂ ਦੀ ਮਦਦ ਲਈ ਇਹ ਰਕਮ ਵਰਤੀ ਜਾਵੇਗੀ। ਬੰਗਲਾਦੇਸ਼ ਨੂੰ ਇਹ ਅਧਿਕ ਤੌਰ ‘ਤੇ ਰੋਹਿੰਗਿਆ ਸ਼ਰਨਾਰਥੀ ਸੰਕਟ ਦੇ ਪ੍ਰਬੰਧਨ ਅਤੇ ਆਰਥਿਕ ਵਿਕਾਸ ਯੋਜਨਾਵਾਂ ਲਈ ਹੈ।
ਕੈਨੇਡਾ ਨੇ ਤਾਂਜ਼ਾਨੀਆ ($229 ਮਿਲੀਅਨ), ਕਾਂਗੋ ($207 ਮਿਲੀਅਨ), ਜੋਰਡਨ ($188 ਮਿਲੀਅਨ), ਅਤੇ ਮੋਜ਼ਾਮਬੀਕ ($173 ਮਿਲੀਅਨ) ਵਿੱਚ ਵੀ ਵੱਡੀ ਮੱਦਦ ਭੇਜੀ। ਜੋਰਡਨ ਨੂੰ ਸ਼ਰਨਾਰਥੀਆਂ ਦੀ ਸਥਿਤੀ ਸੰਭਾਲਣ ਲਈ ਇਹ ਮੱਦਦ ਦਿੱਤੀ ਗਈ। ਮੱਧ ਪੂਰਬ ਵਿੱਚ, ਸੀਰੀਆ ($125 ਮਿਲੀਅਨ) ਅਤੇ ਯਮਨ ($120 ਮਿਲੀਅਨ) ਦੀ ਮੱਦਦ ਯੁੱਧ ਕਾਰਨ ਉਥਲੇ ਮਾਨਵਤਾਵਾਦੀ ਸੰਕਟ ਨੂੰ ਸਮਝਣ ਲਈ ਕੀਤੀ ਗਈ। ਇਸ ਤੋਂ ਇਲਾਵਾ ਭਾਰਤ ਅਤੇ ਇੰਡੋਨੇਸ਼ੀਆ, ਦੋਵੇਂ ਨੂੰ $112 ਮਿਲੀਅਨ ਦੀ ਸਹਾਇਤਾ ਮਿਲੀ, ਜੋ ਕਿ ਵਿਦਿਆ, ਸਿਹਤ ਅਤੇ ਵਿਕਾਸ ਯੋਜਨਾਵਾਂ ਲਈ ਸੀ। ਪਾਕਿਸਤਾਨ ਨੂੰ $153 ਮਿਲੀਅਨ ਮਿਲੇ, ਜਿਸ ਵਿੱਚ ਹੜ੍ਹਾਂ ਪ੍ਰਭਾਵਤ ਇਲਾਕਿਆਂ ਦੀ ਮੁੜ-ਉਤਥਾਨ ਯੋਜਨਾ ਸ਼ਾਮਲ ਹੈ। ਕੈਨੇਡਾ ਨੇ ਆਉਣ ਵਾਲੇ ਸਮਿਆਂ ਵਿੱਚ ਵੀ ਵਿਕਾਸਸ਼ੀਲ ਦੇਸ਼ਾਂ ਵਿੱਚ ਮੱਦਦ ਜਾਰੀ ਰੱਖਣ ਦੀ ਗੱਲ ਕਹੀ ਹੈ, ਜਿਸ ਵਿੱਚ ਜਲਵਾਯੂ ਪਰਿਵਰਤਨ, ਆਰਥਿਕ ਵਿਕਾਸ, ਅਤੇ ਮਹਿਲਾਵਾਂ ਦੇ ਅਧਿਕਾਰਾਂ ਨੂੰ ਪ੍ਰਾਥਮਿਕਤਾ ਦਿੱਤੀ ਜਾਵੇਗੀ।
