ਕੈਨੇਡਾ ਪੋਸਟ ਅਤੇ ਮੁਲਾਜ਼ਮਾਂ ਵਿੱਚ ਟਕਰਾਅ ਜਾਰੀ, ਨਵੀਆਂ ਪੇਸ਼ਕਸ਼ਾਂ ਵੀ ਮੰਜ਼ੂਰ ਨਹੀਂ, ਹੋਰ ਵਧੇਗਾ ਸੰਕਟ

ਕੈਨੇਡਾ ਪੋਸਟ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਨਵੀਆਂ ਪੇਸ਼ਕਸ਼ਾਂ ਕਰਮਚਾਰੀਆਂ ਦੀਆਂ ਮੁੱਖ ਚਿੰਤਾਵਾਂ ਨੂੰ ਸੁਰੱਖਿਅਤ ਰੱਖਦੀਆਂ ਹਨ ਅਤੇ ਕੰਪਨੀ ਦੀਆਂ ਪਿਛਲੀਆਂ ਪੇਸ਼ਕਸ਼ਾਂ ਵਿੱਚ ਮਹੱਤਵਪੂਰਨ ਸੁਧਾਰ ਕਰਦੀਆਂ ਹਨ। ਇਸ ਤੋਂ ਇਲਾਵਾ, ਇਹ ਪੇਸ਼ਕਸ਼ਾਂ ਇੰਡਸਟਰੀਅਲ ਇਨਕੁਆਇਰੀ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ‘ਤੇ ਅਮਲ ਕਰਦੀਆਂ ਹਨ।

Conflict continues between Canada Post and employees : ਕੈਨੇਡਾ ਪੋਸਟ, ਜੋ ਕਿ ਇੱਕ ਸਰਕਾਰੀ ਅਦਾਰਾ ਹੈ, ਨੇ ਆਪਣੇ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ, ਕੈਨੇਡੀਅਨ ਯੂਨੀਅਨ ਆਫ ਪੋਸਟਲ ਵਰਕਰਜ਼ ਨੂੰ ਆਪਣੀਆਂ ਅੰਤਿਮ ਪੇਸ਼ਕਸ਼ਾਂ ਪੇਸ਼ ਕੀਤੀਆਂ ਹਨ। ਇਹ ਪੇਸ਼ਕਸ਼ਾਂ ਓਵਰਟਾਈਮ ‘ਤੇ ਪਾਬੰਦੀ ਨੂੰ ਖਤਮ ਕਰਨ ਅਤੇ ਵੱਡੇ ਪੈਮਾਨੇ ‘ਤੇ ਹੜ੍ਹਤਾਲ ਨੂੰ ਰੋਕਣ ਦੀ ਕੋਸ਼ਿਸ਼ ਦਾ ਹਿੱਸਾ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਨਵੀਂ ਪੇਸ਼ਕਸ਼ ਪਿਛਲੀ ਹਫਤੇ ਦੀ ਪੇਸ਼ਕਸ਼ ਦੇ ਮੁਕਾਬਲੇ ਵਧੀਆ ਹੈ, ਹਾਲਾਂਕਿ ਇਸ ਦੀ ਤਾਜ਼ਾ ਵਿੱਤੀ ਰਿਪੋਰਟ ਵਿੱਚ ਵਿੱਤੀ ਚੁਣੌਤੀਆਂ ਦਾ ਜ਼ਿਕਰ ਕੀਤਾ ਗਿਆ ਹੈ। ਕੈਨੇਡਾ ਪੋਸਟ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਇਹ ਪੇਸ਼ਕਸ਼ਾਂ ਕਰਮਚਾਰੀਆਂ ਦੀਆਂ ਮੁੱਖ ਚਿੰਤਾਵਾਂ ਨੂੰ ਸੁਰੱਖਿਅਤ ਰੱਖਦੀਆਂ ਹਨ ਅਤੇ ਕੰਪਨੀ ਦੀਆਂ ਪਿਛਲੀਆਂ ਪੇਸ਼ਕਸ਼ਾਂ ਵਿੱਚ ਮਹੱਤਵਪੂਰਨ ਸੁਧਾਰ ਕਰਦੀਆਂ ਹਨ। ਇਸ ਤੋਂ ਇਲਾਵਾ, ਇਹ ਪੇਸ਼ਕਸ਼ਾਂ ਇੰਡਸਟਰੀਅਲ ਇਨਕੁਆਇਰੀ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ‘ਤੇ ਅਮਲ ਕਰਦੀਆਂ ਹਨ, ਜਿਸ ਵਿੱਚ ਕੰਪਨੀ ਦੇ ਡਿਲੀਵਰੀ ਮਾਡਲ ਵਿੱਚ ਜ਼ਰੂਰੀ ਬਦਲਾਅ ਸ਼ਾਮਲ ਹਨ।

ਕਈ ਅਹਿਮ ਨੁਕਤੇ ਸ਼ਾਮਲ 

ਕਰਮਚਾਰੀਆਂ ਨੂੰ ਉਨ੍ਹਾਂ ਦੀ ਭੂਮਿਕਾ ਦੇ ਅਧਾਰ ‘ਤੇ 1,000 ਡਾਲਰ ਜਾਂ 500 ਡਾਲਰ ਦਾ ਸਾਈਨਿੰਗ ਬੋਨਸ ਦਿੱਤਾ ਜਾਵੇਗਾ। ਮਹਿੰਗਾਈ ਦੀ ਦਰ ‘ਤੇ ਅਧਾਰਤ ਭੁਗਤਾਨ ਦੀ ਸੀਮਾ ਨੂੰ 13.59 ਪ੍ਰਤੀਸ਼ਤ ਤੋਂ ਘਟਾ ਕੇ 7.16 ਪ੍ਰਤੀਸ਼ਤ ਕਰ ਦਿੱਤਾ ਗਿਆ ਹੈ, ਜਿਸ ਨਾਲ ਕਰਮਚਾਰੀਆਂ ਨੂੰ ਜਲਦੀ ਭੁਗਤਾਨ ਮਿਲ ਸਕੇਗਾ। ਕੰਪਨੀ ਨੇ ਮਜਬੂਰੀ ‘ਚ ਕੀਤਾ ਜਾਣ ਵਾਲਾਲ ਓਵਰਟਾਈਮ ਖਤਮ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਨਵੀਂ ਸਿਹਤ ਲਾਭ ਯੋਜਨਾ, ਪੋਸਟ-ਰਿਟਾਇਰਮੈਂਟ ਲਾਭਾਂ ਵਿੱਚ ਬਦਲਾਅ ਅਤੇ ਭਵਿੱਖ ਦੇ ਕਰਮਚਾਰੀਆਂ ਨੂੰ ਡਿਫਾਈਨਡ ਕੰਟਰੀਬਿਊਸ਼ਨ ਪੈਨਸ਼ਨ ਵਿੱਚ ਸ਼ਾਮਲ ਕਰਨ ਦੇ ਪ੍ਰਸਤਾਵ ਨੂੰ ਵਾਪਸ ਲੈ ਲਿਆ ਹੈ।

ਵੇਤਨ ਵਾਧਾ 

ਕੰਪਨੀ ਨੇ ਪਹਿਲੇ ਸਾਲ 6 ਪ੍ਰਤੀਸ਼ਤ, ਦੂਜੇ ਸਾਲ 3 ਪ੍ਰਤੀਸ਼ਤ ਅਤੇ ਅਗਲੇ ਦੋ ਸਾਲਾਂ ਵਿੱਚ 2-2 ਪ੍ਰਤੀਸ਼ਤ ਦੀ ਵੇਤਨ ਵਾਧੇ ਦੀ ਪੇਸ਼ਕਸ਼ ਨੂੰ ਬਰਕਰਾਰ ਰੱਖਿਆ ਹੈ, ਜੋ ਕਿ ਕੁੱਲ ਮਿਲਾ ਕੇ 13.59 ਪ੍ਰਤੀਸ਼ਤ ਦਾ ਵਾਧਾ ਹੈ। ਛੂਫਾਂ ਨੇ ਇੱਕ ਬਿਆਨ ਜਾਰੀ ਕਰਕੇ ਕੈਨੇਡਾ ਪੋਸਟ ‘ਤੇ ਸਖਤ ਰੁਖ ਅਪਣਾਉਣ ਦਾ ਦੋਸ਼ ਲਗਾਇਆ। ਯੂਨੀਅਨ ਦੀ ਰਾਸ਼ਟਰੀ ਪ੍ਰਧਾਨ ਜੈਨ ਸਿੰਪਸਨ ਨੇ ਕਿਹਾ ਕਿ ਕੈਨੇਡਾ ਪੋਸਟ ਸ਼ਹਿਰੀ ਡਾਕ ਕਰਮਚਾਰੀਆਂ ਲਈ ਫਲੈਕਸ ਸਟਾਫਿੰਗ, ਵੀਕੈਂਡ ਡਿਲੀਵਰੀ ਅਤੇ ਡਾਇਨਾਮਿਕ ਰੂਟਿੰਗ ਨੂੰ ਗੈਰ-ਸਮਝੌਤਾਯੋਗ ਮੁੱਦਿਆਂ ਵਜੋਂ ਪੇਸ਼ ਕਰ ਰਹੀ ਹੈ। 
 

• 

  ਵਿਦੇਸ਼ ਮੰਤਰੀ ਜੈਸ਼ੰਕਰ ਅਤੇ ਕੈਨੇਡੀਅਨ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਵਿਚਕਾਰ ਗੱਲਬਾਤ, ਸਬੰਧ ਹੋਣਗੇ ਮਜ਼ਬੂਤ

  punjabtocanada

• 

  ਯੂਕੇ ਨੇ ਇਮੀਗ੍ਰੇਸ਼ਨ ਨਿਯਮ ਕੀਤੇ ਸਖ਼ਤ, ਵਰਕ ਵੀਜ਼ਾ, ਪੀਆਰ ਸਭ ਕੁੱਝ ਹੋਇਆ ਔਖਾ, ਸਮਝੋ ਸਾਰਾ ਗਣਿਤ...

  punjabtocanada

• 

  Canada: ਇਮੀਗ੍ਰੇਸ਼ਨ ਸੰਬੰਧੀ ਜੁਡੀਸ਼ੀਅਲ ਰਿਵਿਊ ਲਈ ਅਰਜ਼ੀ ਦਾਖਲ ਕਰਨ ਲਈ ਮਿਲਣਗੇ ਹੁਣ 75 ਦਿਨ

  punjabtocanada

• 

  ਟਰੰਪ ਦਾ ਨਵਾਂ ਪੈਂਤਰਾ, ਕੈਨੇਡਾ 'ਗੋਲਡਨ ਡੋਮ' ਮਿਜ਼ਾਈਲ ਰੱਖਿਆ ਪ੍ਰਣਾਲੀ ਚਾਹੁੰਦਾ ਹੈ ਤਾਂ US ਦਾ 51ਵਾਂ ਰਾਜ ਬਣੇ

  punjabtocanada

• 

  ਬ੍ਰਿਟੇਨ ਦੇ King Charles-III ਪਹੁੰਚੇ ਕੈਨੇਡਾ, ਸੰਸਦ ਦੇ ਨਵੇਂ ਸੈਸ਼ਨ ਵਿੱਚ ਸਪੀਚ ਫਰਾਮ ਦ ਥ੍ਰੋਨ ਦੇਣਗੇ

  punjabtocanada