ਮਿਸਿਸਾਗਾ ਦੇ ਵਪਾਰੀ ਹਰਜੀਤ ਸਿੰਘ ਢੱਡਾ ਦੇ ਕਤਲ ਦੇ ਮਾਮਲੇ ਵਿੱਚ ਦੋ ਭਾਰਤੀ ਨਾਗਰਿਕ ਗ੍ਰਿਫ਼ਤਾਰ

ਢੱਡਾ ਨੂੰ ਮਿਸਿਸਾਗਾ ਵਿੱਚ ਟ੍ਰੈਨਮੀਅਰ ਡਰਾਈਵ ਅਤੇ ਟੈਲਫ਼ਰਡ ਵੇਅ ਦੇ ਨਜ਼ਦੀਕ ਉਸਦੇ ਦਫ਼ਤਰ ਦੇ ਬਾਹਰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਪੁਲਿਸ ਮੁਤਾਬਕ, ਹਮਲਾਵਰਾਂ ਨੇ ਢੱਡਾ ਦੀਆਂ ਚਲਣ-ਫਿਰਨ ਦੀਆਂ ਗਤੀਵਿਧੀਆਂ ਦੀ ਰੇਕੀ ਕੀਤੀ, ਇੱਕ ਵਾਹਨ ਚੋਰੀ ਕਰਕੇ ਕਤਲ ਨੂੰ ਅੰਜਾਮ ਦਿੱਤਾ ਅਤੇ ਮੌਕੇ ਤੋਂ ਫਰਾਰ ਹੋ ਗਏ।

Two Indian nationals arrested in murder of Mississauga businessman : ਮਿਸਿਸਾਗਾ ਦੇ ਵਪਾਰੀ ਹਰਜੀਤ ਸਿੰਘ ਢੱਡਾ ਦੇ ਕਤਲ ਦੇ ਮਾਮਲੇ ਵਿੱਚ ਪੀਲ ਰੀਜਨਲ ਪੁਲਿਸ ਨੇ ਦੋ ਭਾਰਤੀ ਨਾਗਰਿਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਦੋਸ਼ੀ 21 ਸਾਲਾ ਦਿਗਵਿਜੈ ਅਤੇ ਅਮਨ  ਬ੍ਰਿਟਿਸ਼ ਕੋਲੰਬੀਆ ਦੇ ਡੈਲਟਾ ਸ਼ਹਿਰ ਤੋਂ ਹਿਰਾਸਤ ਵਿੱਚ ਲਏ ਗਏ ਹਨ। ਗ੍ਰਿਫਤਾਰੀ ਲਈ ਡੈਲਟਾ ਪੁਲਿਸ, ਸਰੀ ਪੁਲਿਸ, ਐਬਟਸਫੋਰਡ ਪੁਲਿਸ ਅਤੇ ਆਰਸੀਐੱਮਪੀ ਨੇ ਪੀਲ ਪੁਲਿਸ ਦੀ ਮਦਦ ਕੀਤੀ। ਇਹ ਗ੍ਰਿਫਤਾਰੀਆਂ 14 ਮਈ ਨੂੰ ਹੋਏ ਕਤਲ ਦੀ ਤਫਤੀਸ਼ ਦੌਰਾਨ ਹੋਈਆਂ। ਢੱਡਾ ਨੂੰ ਮਿਸਿਸਾਗਾ ਵਿੱਚ ਟ੍ਰੈਨਮੀਅਰ ਡਰਾਈਵ ਅਤੇ ਟੈਲਫ਼ਰਡ ਵੇਅ ਦੇ ਨਜ਼ਦੀਕ ਉਸਦੇ ਦਫ਼ਤਰ ਦੇ ਬਾਹਰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਪੁਲਿਸ ਮੁਤਾਬਕ, ਹਮਲਾਵਰਾਂ ਨੇ ਢੱਡਾ ਦੀਆਂ ਚਲਣ-ਫਿਰਨ ਦੀਆਂ ਗਤੀਵਿਧੀਆਂ ਦੀ ਰੇਕੀ ਕੀਤੀ, ਇੱਕ ਵਾਹਨ ਚੋਰੀ ਕਰਕੇ ਕਤਲ ਨੂੰ ਅੰਜਾਮ ਦਿੱਤਾ ਅਤੇ ਮੌਕੇ ਤੋਂ ਫਰਾਰ ਹੋ ਗਏ।

ਵਾਹਨ ਥੋੜੀ ਹੀ ਦੂਰੀ ‘ਤੇ ਛੱਡਿਆ

ਅਧਿਕਾਰੀਆਂ ਨੇ ਦੱਸਿਆ ਕਿ ਚੋਰੀ ਕੀਤਾ ਵਾਹਨ ਥੋੜੀ ਹੀ ਦੂਰੀ ‘ਤੇ ਛੱਡ ਦਿੱਤਾ ਗਿਆ ਸੀ। ਹਾਲਾਂਕਿ ਦੋਸ਼ੀ ਬ੍ਰਿਟਿਸ਼ ਕੋਲੰਬੀਆ ਭੱਜ ਗਏ ਸਨ, ਪਰ ਪੁਲਿਸ ਨੇ ਉਨ੍ਹਾਂ ਦਾ ਪਿੱਛਾ ਨਹੀਂ ਛੱਡਿਆ। ਅੰਤ ਵਿੱਚ ਡੈਲਟਾ ਵਿੱਚ ਉਨ੍ਹਾਂ ਦੀ ਪਹਿਚਾਣ ਕਰਕੇ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਦੋਵੇਂ ਦੋਸ਼ੀਆਂ ਨੂੰ ਬਰੈਂਪਟਨ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ। ਪਰਿਵਾਰਿਕ ਸਰੋਤਾਂ ਅਨੁਸਾਰ, ਢੱਡਾ ਨੂੰ ਪਿਛਲੇ ਕੁਝ ਸਾਲਾਂ ਤੋਂ ਜਾਨੋਂ ਮਾਰਣ ਦੀਆਂ ਧਮਕੀਆਂ ਅਤੇ ਜ਼ਬਰਦਸਤੀ ਵਸੂਲੀ ਨਾਲ ਜੁੜੀਆਂ ਧਮਕੀਆਂ ਮਿਲ ਰਹੀਆਂ ਸਨ। ਹਾਲਾਂਕਿ ਇਹ ਸਪਸ਼ਟ ਨਹੀਂ ਕਿ ਢੱਡਾ ਵੱਲੋਂ ਪੁਲਿਸ ਨੂੰ ਕੋਈ ਅਧਿਕਾਰਕ ਸ਼ਿਕਾਇਤ ਦਿੱਤੀ ਗਈ ਸੀ ਜਾਂ ਨਹੀਂ।

ਪੁਰਾਣਾ ਕਤਲ ਮਾਮਲਾ ਵੀ ਸੁਲਝਣ ਦੀ ਕਗਾਰ ‘ਤੇ

ਪੀਲ ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਵੀ ਇਸ ਕਤਲਕਾਂਡ ਨਾਲ ਸੰਬੰਧਤ ਕੋਈ ਵੀਡੀਓ ਫੁਟੇਜ ਜਾਂ ਜਾਣਕਾਰੀ ਹੋਵੇ, ਤਾਂ ਉਹ ਤੁਰੰਤ ਪੁਲਿਸ ਨਾਲ ਸੰਪਰਕ ਕਰੇ। ਇਸਦੇ ਨਾਲ-ਨਾਲ, ਇੱਕ ਹੋਰ ਪੁਰਾਣਾ ਕਤਲ ਮਾਮਲਾ ਵੀ ਹਾਲ ਹੀ ਵਿੱਚ ਸੁਲਝਣ ਦੀ ਕਗਾਰ ‘ਤੇ ਹੈ। 2018 ਵਿੱਚ ਵੈਨਕੂਵਰ ਡਾਊਨਟਾਊਨ ਵਿੱਚ ਹੋਏ ਕਤਲ ਦੇ ਮਾਮਲੇ ਵਿੱਚ ਵੈਨਕੂਵਰ ਪੁਲਿਸ ਨੇ ਨਿਊ ਵੈਸਟਮਿਨਸਟਰ ਦੇ 28 ਸਾਲਾ ਸੁਖਜੀਤ ਸਿੱਧੂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਕਤਲ ਦਾ ਸ਼ਿਕਾਰ 23 ਸਾਲਾ ਕਲਵਿੰਦਰ ਥਿੰਦ ਸੀ ਜੋ ਕਬਾਨਾ ਨਾਈਟਕਲੱਬ ਵਿੱਚ ਕੰਮ ਕਰਦਾ ਸੀ। 27 ਜਨਵਰੀ 2018 ਨੂੰ ਰਾਤ 2:30 ਵਜੇ ਲਾਊਂਜ ਦੇ ਬਾਹਰ ਝਗੜੇ ਦੌਰਾਨ ਥਿੰਦ ਨੂੰ ਚਾਕੂ ਮਾਰ ਦਿੱਤਾ ਗਿਆ ਸੀ। 
 

• 

  ਕੈਨੇਡਾ ਦੇ ਵੈਨਕੂਵਰ ਵਿੱਚ ਖਾਲਿਸਤਾਨੀਆਂ ਨੇ ਪੱਤਰਕਾਰ 'ਤੇ ਕੀਤਾ ਹਮਲਾ, ਗੁੰਡਿਆਂ ਵਾਂਗ ਵਿਵਹਾਰ,ਧਮਕੀਆਂ ਦਿੱਤੀਆਂ, ਕੁੱਟਿਆ

  punjabtocanada

• 

  Canada ਵਿੱਚ ਪੰਜਾਬ ਦੇ ਨੌਜਵਾਨ ਦੀ ਗੋਲੀਆਂ ਮਾਰ ਕੇ ਕਤਲ,ਡੇਢ ਸਾਲ ਪਹਿਲਾਂ ਵਿਦੇਸ਼ ਗਿਆ ਸੀ ਮ੍ਰਿਤਕ

  punjabtocanada

• 

  ਭਾਰਤ ਨੂੰ ਸਿਰਫ਼ 8 ਦਿਨ ਪਹਿਲਾਂ ਮਿਲਿਆ ਜੀ-7 ਸੰਮੇਲਨ ਵਿੱਚ ਸ਼ਾਮਿਲ ਹੋਣ ਦਾ ਸੱਦਾ, ਮਹਿਮਾਨ ਵੱਜੋਂ ਲਵੇਗਾ ਭਾਗ

  punjabtocanada

• 

  ਇਹ ਕੀ ਕੀਤਾ ਕੈਨੇਡਾ ਨੇ? G7 ਸੰਮੇਲਨ ਦੀ ਮੀਟਿੰਗ ‘ਚ ਭਾਰਤ ਨੂੰ ਸੱਦਾ ਨਹੀਂ, ਅੰਤਰਰਾਸ਼ਟਰੀ ਅਕਸ ਲਈ ਝਟਕਾ

  punjabtocanada

• 

  ਟਰੰਪ ਨੇ 12 ਦੇਸ਼ਾਂ ਦੇ ਲੋਕਾਂ ਦੇ ਅਮਰੀਕਾ ਵਿੱਚ ਦਾਖਲ ਹੋਣ 'ਤੇ ਲਗਾਈ ਪਾਬੰਦੀ, 7 ਹੋਰ ਦੇਸ਼ਾਂ ‘ਤੇ ਵੀ ਤਿੱਖੀ ਨਜ਼ਰ

  punjabtocanada