Last Updated :
31 January 2024, 03:44 PM IST
Punjab News: Terrorist ਅਤੇ ਬੰਬੀਹਾ ਗੈਂਗ ਦੇ ਗੈਂਗਸਟਰ ਅਰਸ਼ਦੀਪ ਸਿੰਘ ਉਰਫ ਅਰਸ਼ ਡੱਲਾ ਨੇ ਕਿਹਾ ਹੈ ਕਿ ਉਸਦਾ ਕਿਸੇ ਅੱਤਵਾਦੀ ਸੰਗਠਨ ਜਾਂ ਆਈਐੱਸਆਈ ਨਾਲ ਸਬੰਧ ਨਹੀਂ ਹੈ। ਉਸਨੇ ਕਦੇ ਵੀ ਕਿਸੇ ਹਿੰਦੂ ਜਾਂ ਦੂਜੇ ਧਰਮ ਨੂੰ ਗਲਤ ਨਹੀਂ ਕਿਹਾ। ਸਰਕਾਰ ਬਿਨਾਂ ਕਿਸੇ ਕਾਰਨ ਉਸ ਨੂੰ ਅੱਤਵਾਦੀ ਕਹਿ ਰਹੀ ਹੈ। ਉਹ ਕਦੇ ਵੀ ਕਿਸੇ ਸਮਾਜ ਦੇ ਵਿਰੁੱਧ ਨਹੀਂ ਗਿਆ। ਇੱਕ ਨਿੱਜੀ ਚੈਨਲ ਨੂੰ ਦਿੱਤੇ ਇੰਟਰਵਿਊ ਵਿੱਚ ਉਸਨੇ ਦਾਅਵਾ ਕੀਤਾ ਹੈ ਕਿ ਉਸਨੇ ਹਰਿਆਣਾ ਦੇ ਯਮੁਨਾਨਗਰ ਵਿੱਚ ਗੈਂਗਸਟਰ ਲਾਰੈਂਸ ਦੇ ਸ਼ੂਟਰ ਰਾਜਨ ਨੂੰ ਲੱਭ ਕੇ ਮਾਰ ਦਿੱਤਾ ਹੈ। ਰਾਜਨ ਨੇ ਰਾਜਸਥਾਨ ਦੇ ਸੰਚੋਰ ਵਿੱਚ ਸਾਡੇ ਭਰਾ ਲਕਸ਼ਮਣ ਦੇਵਾਸੀ ਦਾ ਕਤਲ ਕੀਤਾ ਸੀ। ਪਹਿਲਾਂ ਉਸ ਨੂੰ ਮਾਰਿਆ, ਫਿਰ ਸਾੜ ਦਿੱਤਾ। ਉਹ ਲਾਰੈਂਸ ਲਈ ਜ਼ਿਆਦਾ ਖਾਸ ਸੀ, ਇਸ ਲਈ ਉਸ ਨੂੰ ਸਜ਼ਾ ਮਿਲੀ। ਉਸ ਨੇ ਕਿਹਾ ਕਿ ਉਹ ਆਤਮ ਸਮਰਪਣ ਨਹੀਂ ਕਰੇਗਾ। ਕੈਨੇਡਾ ਵਿੱਚ ਮਰਿਆ ਸੁੱਖਾ ਦੁੱਨੇਕੇ ਮੇਰਾ ਭਰਾ ਸੀ ਤੇ ਹਮੇਸ਼ਾ ਰਹੇਗਾ। ਉਸ ਦੇ ਕਤਲ ਵਿਚ ਜਿਸ ਨੇ ਵੀ ਭੂਮਿਕਾ ਨਿਭਾਈ, ਉਸ ਨੂੰ ਜ਼ਰੂਰ ਜਵਾਬ ਦਿੱਤਾ ਜਾਵੇਗਾ।
ਜਨਵਰੀ 2023 ਵਿੱਚ ਕੀਤਾ ਗਿਆ ਸੀ ਅੱਤਵਾਦੀ ਐਲਾਨ
ਅਰਸ਼ ਮੋਗਾ, ਪੰਜਾਬ ਦਾ ਰਹਿਣ ਵਾਲਾ ਹੈ। ਫਿਲਹਾਲ ਉਹ ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ। ਉਥੋਂ ਉਹ ਕਤਲ, ਫਿਰਕੂ ਮੁੱਦਿਆਂ ਨੂੰ ਹੱਲਾਸ਼ੇਰੀ ਦੇਣ ਅਤੇ ਜਬਰੀ ਵਸੂਲੀ ਵਰਗੇ ਅਪਰਾਧਾਂ ਨੂੰ ਅੰਜਾਮ ਦੇ ਰਿਹਾ ਹੈ। ਉਸ ਨੂੰ ਜਨਵਰੀ 2023 ਵਿੱਚ ਅੱਤਵਾਦੀ ਐਲਾਨ ਕੀਤਾ ਗਿਆ ਸੀ।
ਲਾਰੈਂਸ-ਗੋਲਡੀ ਗੈਂਗ ਦੇ ਹੱਥ ਕੁਝ ਨਹੀਂ
ਅੱਤਵਾਦੀ ਅਰਸ਼ ਡੱਲਾ ਨੇ ਕਿਹਾ ਕਿ ਲਾਰੈਂਸ-ਗੋਲਡੀ ਗੈਂਗ ਦੇ ਹੱਥ ਕੁਝ ਨਹੀਂ ਹੈ। ਉਹ ਸਿਰਫ਼ ਬੱਚੇ ਵਾਂਗ ਜ਼ਿੰਮੇਵਾਰੀ ਨਿਭਾਉਣਾ ਜਾਣਦਾ ਹੈ। ਜਿਵੇਂ ਗਾਇਕਾਂ ਦੇ ਇੱਕ ਦੂਜੇ ਨਾਲ ਵਿਵਾਦ ਹੁੰਦੇ ਹਨ, ਉਸੇ ਤਰ੍ਹਾਂ ਹੁਣ ਲਾਰੈਂਸ ਅਤੇ ਗੋਲਡੀ ਬਰਾੜ ਨੇ ਵੀ ਵਿਵਾਦ ਸ਼ੁਰੂ ਕਰ ਦਿੱਤੇ ਹਨ। ਇਹ ਪਹਿਲੀ ਵਾਰ ਹੈ ਕਿ ਮੈਂ ਅਜਿਹੇ ਗੈਂਗਸਟਰਾਂ ਨੂੰ ਦੇਖਿਆ ਹੈ ਜੋ ਕਤਲਾਂ ਦੀ ਜ਼ਿੰਮੇਵਾਰੀ ਨੂੰ ਲੈ ਕੇ ਵਿਵਾਦ ਪੈਦਾ ਕਰ ਰਹੇ ਹਨ। ਜਦੋਂ ਡੱਲਾ ਨੂੰ ਪੁੱਛਿਆ ਗਿਆ ਕਿ ਕੀ ਲਾਰੈਂਸ ਅਤੇ ਗੋਲਡੀ ਬਰਾੜ ਹੁਣ ਉਸਨੂੰ ਕਤਲ ਦੀ ਧਮਕੀ ਦੇ ਰਹੇ ਹਨ, ਤਾਂ ਉਸਨੇ ਕਿਹਾ, "ਮੈਨੂੰ ਕੋਈ ਪਰਵਾਹ ਨਹੀਂ ਕਿ ਅੱਗੇ ਕੌਣ ਹੈ। ਡੱਲਾ ਨੇ ਕਿਹਾ ਕਿ ਸਾਡੇ ਵਿੱਚ ਕੋਈ ਗੈਂਗ ਦਾ ਆਗੂ ਨਹੀਂ ਹੈ। ਸਾਡੇ ਸਿਰਫ਼ ਭਰਾ ਹਨ। ਲੱਕੀ ਪਟਿਆਲ ਮੇਰਾ ਭਰਾ ਹੈ।
ਮੂਸੇਵਾਲਾ ਦੀ ਮੈਨੇਜਰ ਸ਼ਗਨਪ੍ਰੀਤ ਨਾਲ ਕੋਈ ਸਬੰਧ ਨਹੀਂ
ਉਸਨੇ ਕਿਹਾ ਕਿ ਮੂਸੇਵਾਲਾ ਦੀ ਮੈਨੇਜਰ ਸ਼ਗਨਪ੍ਰੀਤ ਨਾਲ ਮੇਰਾ ਕੋਈ ਸਬੰਧ ਨਹੀਂ ਹੈ। ਲਾਰੈਂਸ ਗੈਂਗ ਦੇ ਗੁੰਡਿਆਂ ਨੇ ਸਿੱਧੂ ਨੂੰ ਬੇਇਨਸਾਫੀ ਨਾਲ ਮਾਰਿਆ ਸੀ। ਸਿੱਧੂ ਨੂੰ ਮਾਰਨ ਲਈ 8 ਸ਼ੂਟਰ ਭੇਜੇ ਗਏ ਸਨ। ਉਸਨੇ ਕਿਹਾ ਕਿ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਵਿੱਚ ਲਾਰੈਂਸ ਅਤੇ ਗੋਲਡੀ ਦੇ ਗੁੰਡੇ ਸ਼ਾਮਲ ਸਨ। ਇਹ ਲੋਕ ਸਾਡੇ ਸਮਾਜ ਦੇ ਗੱਦਾਰ ਹਨ। ਗੋਲਡੀ ਅਤੇ ਲਾਰੈਂਸ ਸਿਰਫ਼ ਪੁਲਿਸ ਅਤੇ ਏਜੰਸੀ ਲਈ ਕੰਮ ਕਰਦੇ ਹਨ। ਉਸਨੇ ਕਿਹਾ ਕਿ ਲਾਰੈਂਸ ਅਤੇ ਗੋਲਡੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਹਥਿਆਰਾਂ ਦੀ ਕੋਈ ਕਮੀ ਨਹੀਂ ਹੈ। ਪਰ ਮੈਂ ਉਨ੍ਹਾਂ ਨੂੰ ਦੱਸ ਦਿਆਂ ਕਿ ਸਾਡੇ ਕੋਲ ਅਜਿਹੇ ਹਥਿਆਰ ਹਨ ਜੋ ਉਨ੍ਹਾਂ ਨੇ ਸੁਪਨੇ ਵਿੱਚ ਵੀ ਨਹੀਂ ਦੇਖੇ ਹੋਣਗੇ। ਅਸੀਂ ਉਨ੍ਹਾਂ ਵਾਂਗ ਸ਼ੇਖੀ ਨਹੀਂ ਮਾਰਦੇ। ਸਾਡੇ ਹਥਿਆਰ ਪਾਕਿਸਤਾਨ ਤੋਂ ਨਹੀਂ ਆਉਂਦੇ। ਦੇਸ਼ ਵਿੱਚ ਹੀ ਮਿਲਦੇ ਹਨ।
