Last Updated :
25 May 2023, 05:15 PM IST
ਆਈਪੀਐਲ 2023 ਵਿੱਚ ਲਖਨਊ ਸੁਪਰ ਜਾਇੰਟਸ (ਐੱਲਐੱਸਜੀ) ਦੀ ਯਾਤਰਾ ਬੁੱਧਵਾਰ ਨੂੰ ਸਮਾਪਤ ਹੋ ਗਈ ਕਿਉਂਕਿ ਟੀਮ ਨੂੰ ਚੇਪੌਕ ਵਿੱਚ ਖੇਡੀ ਗਈ ਐਲੀਮੀਨੇਟਰ ਟਾਈ ਵਿੱਚ ਮੁੰਬਈ ਇੰਡੀਅਨਜ਼ (ਐਮਆਈ) ਹੱਥੋਂ 81 ਦੌੜਾਂ ਦੀ ਭਾਰੀ ਹਾਰ ਮਿਲੀ। ਆਕਾਸ਼ ਮਧਵਾਲ ਨੇ ਲਖਨਊ ਦੇ ਬੱਲੇਬਾਜ਼ੀ ਕ੍ਰਮ ਨੂੰ ਪੰਜ ਵਿਕਟਾਂ ਹਾਸਲ ਕਰਕੇ ਤੋੜ ਦਿੱਤਾ ਸੀ, ਜਿਸ ਨੇ ਮੁੰਬਈ ਦੀ ਸ਼ਾਨਦਾਰ ਜਿੱਤ ਵਿੱਚ ਵੱਡੀ ਭੂਮਿਕਾ ਨਿਭਾਈ।
ਮਹੱਤਵਪੂਰਨ ਮੁਕਾਬਲੇ ਵਿੱਚ ਅੱਗੇ ਵਧਦੇ ਹੋਏ, ਐੱਲਐੱਸਜੀ ਨੇ ਆਪਣੀ ਲਾਈਨ-ਅੱਪ ਨੂੰ ਮੁੜ-ਵਿਵਸਥਿਤ ਕੀਤਾ ਅਤੇ ਕਵਿੰਟਨ ਡੀ ਕਾਕ ਨੂੰ ਪੂਰੀ ਤਰ੍ਹਾਂ ਨਾਲ ਮੁਕਾਬਲੇ ਤੋਂ ਆਰਾਮ ਦੇਣ ਦਾ ਦਲੇਰਾਨਾ ਫੈਸਲਾ ਲਿਆ। ਡੀ ਕਾਕ ਦੀ ਗੈਰ-ਮੌਜੂਦਗੀ ਵਿੱਚ, ਐਲਐਸਜੀ ਨੇ ਕਾਇਲ ਮੇਅਰਜ਼ ਨੂੰ ਖੇਡਣ ਵਾਲੀ ਟੀਮ ਵਿੱਚ ਵਾਪਸ ਬੁਲਾਇਆ ਅਤੇ ਮੈਚ ਦੇ ਦੂਜੇ ਅੱਧ ਵਿੱਚ ਪ੍ਰਭਾਵਸ਼ੀਲ ਬਦਲ ਵਜੋਂ ਪੇਸ਼ ਕੀਤਾ।
ਮੇਅਰਜ਼ ਨੇ ਆਖਰੀ ਵਾਰ ਐਲਐਸਜੀ ਦੇ ਘਰੇਲੂ ਮੈਦਾਨ ਵਿੱਚ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ ਸੀ, ਪਰ ਉਹ ਪ੍ਰਦਰਸ਼ਨ ਨੂੰ ਦੁਹਰਾਉਣ ਵਿੱਚ ਅਸਫਲ ਰਿਹਾ ਅਤੇ ਇੱਥੇ ਚੌਥੇ ਓਵਰ ਵਿੱਚ ਕ੍ਰਿਸ ਜੌਰਡਨ ਦੁਆਰਾ 13 ਗੇਂਦਾਂ ਵਿੱਚ 18 ਦੌੜਾਂ ਬਣਾਕੇ ਆਉਟ ਹੋ ਗਿਆ।
ਮੇਅਰਜ਼ ਤੋਂ ਬਾਅਦ ਪੰਡਯਾ ਦੇ ਆਊਟ ਹੋਣ ਨਾਲ ਇਕ ਨਾਟਕੀ ਪਤਨ ਸ਼ੁਰੂ ਹੋ ਗਿਆ ਕਿਉਂਕਿ ਲਖਨਊ ਨੇ ਸਿਰਫ਼ 42 ਦੌੜਾਂ ‘ਤੇ ਬਾਕੀ ਦੇ ਸੱਤ ਬੱਲੇਬਾਜ਼ਾਂ ਨੂੰ ਗੁਆ ਦਿੱਤਾ ਸੀ ਅਤੇ ਮੁਕਾਬਲਾ 21 ਗੇਂਦਾਂ ਬਾਕੀ ਰਹਿੰਦੇ ਹੀ ਸਿਮਟ ਗਿਆ ਸੀ।
ਪੰਡਯਾ ਨੂੰ ਮੈਚ ਤੋਂ ਬਾਅਦ ਦੇ ਇਨਾਮ ਵੰਡ ਸਮਾਰੋਹ ਦੌਰਾਨ ਡੀ ਕਾਕ ਨੂੰ ਆਰਾਮ ਦੇਣ ਦੇ ਹੈਰਾਨ ਕਰਨ ਵਾਲੇ ਕਦਮ ਬਾਰੇ ਪੁੱਛਿਆ ਗਿਆ ਸੀ, ਜਿਸ ‘ਤੇ ਐੱਲਐੱਸਜੀ ਕਪਤਾਨ ਨੇ ਕਿਹਾ ਕਿ ਕਵਿੰਟਨ ਡੀ ਕਾਕ ਇੱਕ ਗੁਣਵੱਤਾ ਵਾਲਾ ਬੱਲੇਬਾਜ਼ ਹੈ, ਪਰ ਕਾਈਲ ਮੇਅਰਸ ਦਾ ਇੱਥੇ (ਚੇਪੌਕ) ਵਿੱਚ ਵਧੀਆ ਰਿਕਾਰਡ ਹੈ, ਇਸ ਲਈ ਅਸੀਂ ਉਸ ਨੂੰ ਖਿਡਾਇਆ ਸੀ।
ਜੇਕਰ ਅਸੀਂ ਲਖਨਊ ਦੀ ਮੁਹਿੰਮ ‘ਤੇ ਨਜ਼ਰ ਮਾਰੀਏ ਤਾਂ ਡੀ ਕਾਕ ਨੂੰ ਸਿਰਫ ਇਲੈਵਨ ਵਿੱਚ ਲਿਆਂਦਾ ਗਿਆ ਸੀ ਕਿਉਂਕਿ ਸੱਟ ਕਾਰਨ ਕੇਐਲ ਰਾਹੁਲ ਨੂੰ ਟੂਰਨਾਮੈਂਟ ਤੋਂ ਬਾਹਰ ਹੋਣਾ ਪਿਆ ਸੀ, ਜਿਸ ਤੋਂ ਬਾਅਦ ਵਿਕਟਕੀਪਰ ਨੇ ਮੇਅਰਜ਼ ਨਾਲ ਪਾਰੀ ਦੀ ਸ਼ੁਰੂਆਤ ਕੀਤੀ।
ਨਿਕੋਲਸ ਪੂਰਨ ਅਤੇ ਮਾਰਕਸ ਸਟੋਨਿਸ ਮੱਧ ਕ੍ਰਮ ਵਿੱਚ ਮਜਬੂਤ ਸਾਬਤ ਹੋਏ ਹਨ, ਪਰ ਫ੍ਰੈਂਚਾਇਜ਼ੀ ਨੂੰ ਭਾਰਤੀ ਤੇਜ ਗੇਂਦਬਾਜਾਂ ‘ਤੇ ਭਰੋਸਾ ਕਰਨ ਲਈ ਮਜ਼ਬੂਰ ਹੋਣਾ ਪਿਆ ਜੋ ਉਨ੍ਹਾਂ ਲਈ ਖਰੇ ਨਹੀਂ ਉੱਤਰ ਸਕੇ।
ਇੱਕ ਵਿਦੇਸ਼ੀ ਤੇਜ਼ ਗੇਂਦਬਾਜ਼ ਨੂੰ ਖੇਡ ਵਿੱਚ ਦੁਬਾਰਾ ਲਿਆਉਣ ਲਈ ਫ੍ਰੈਂਚਾਇਜ਼ੀ ਨੇ ਫਿਰ ਤੋਂ ਮੇਅਰਜ਼ ਨੂੰ ਖੇਡਣ ਵਾਲੀ ਟੀਮ ਤੋਂ ਬਾਹਰ ਕਰ ਦਿੱਤਾ ਜੋ ਇੱਕ ਅਜਿਹਾ ਕਦਮ ਸੀ ਜਿਸਦਾ ਫਾਇਦਾ ਨਹੀ ਹੋ ਸਕਿਆ।
