Last Updated :
09 May 2023, 11:49 AM IST
ਭਾਰਤੀ ਵੇਟਲਿਫਟਰ ਬਿੰਦਿਆਰਾਣੀ ਦੇਵੀ ਨੇ ਸਨੈਚ ਵਰਗ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਅਦ ਤੇਜ਼ੀ ਨਾਲ ਸੁਧਾਰ ਕਰਕੇ ਸ਼ਨੀਵਾਰ ਨੂੰ ਕੋਰੀਆ ਵਿੱਚ ਏਸ਼ੀਆਈ ਚੈਂਪੀਅਨਸ਼ਿਪ ਵਿੱਚ ਔਰਤਾਂ ਦੇ 55 ਕਿਲੋਗ੍ਰਾਮ ਭਾਰ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ।
ਰਾਸ਼ਟਰਮੰਡਲ ਖੇਡਾਂ ਦੀ ਚਾਂਦੀ ਦਾ ਤਮਗਾ ਜੇਤੂ ਨੇ ਕੁੱਲ 194 ਕਿਲੋਗ੍ਰਾਮ (83 ਕਿਲੋਗ੍ਰਾਮ 111 ਕਿਲੋਗ੍ਰਾਮ) ਦੀ ਕੋਸ਼ਿਸ਼ ਕੀਤੀ ਅਤੇ ਇਸ ਚੈਂਪੀਅਨਸ਼ਿਪ ਦੇ ਐਡੀਸ਼ਨ ਵਿੱਚ ਭਾਰਤੀ ਤਗਮਾ ਤਾਲਿਕਾ ਦੀ ਸ਼ੁਰੁਆਤ ਕੀਤੀ। ਉਸਨੇ ਕਲੀਨ ਐਂਡ ਜਰਕ ਵਰਗ ਵਿੱਚ ਚਾਂਦੀ ਦਾ ਤਗਮਾ ਵੀ ਜਿੱਤਿਆ। ਭਾਵੇਂ ਕਿ ਇਹ ਮੈਡਲ ਗੈਰ-ਓਲੰਪਿਕ ਭਾਰ ਵਰਗ ਵਿੱਚ ਹਨ। ਮਨੀਪੁਰੀ ਖਿਡਾਰਨ ਕੋਲ ਦੋ ਫੇਲ ਲਿਫਟਾਂ ਸਨ – ਇੱਕ ਸਨੈਚ ਅਤੇ ਇੱਕ ਕਲੀਨ ਜਰਕ ਵਿੱਚ। ਪਰ ਜੇਕਰ ਉਹ ਦੋ ਲਿਫਟਾਂ ਪੂਰੀਆਂ ਕਰ ਵੀ ਲੈਂਦੀ ਤਾਂ ਵੀ ਸੋਨ ਤਮਗਾ ਉਸ ਦੀ ਪਹੁੰਚ ਤੋਂ ਬਾਹਰ ਹੀ ਹੋਣਾ ਸੀ।
ਚੀਨੀ ਤਾਈਪੇ ਦੇ ਚੇਨ ਗੁਆਨ ਲਿੰਗ ਨੇ 204 ਕਿਲੋ (90 ਕਿਲੋਗ੍ਰਾਮ 114 ਕਿਲੋ) ਦੀ ਕੋਸ਼ਿਸ਼ ਨਾਲ ਸੋਨ ਤਗਮਾ ਜਿੱਤਿਆ ਜਦੋਂ ਕਿ ਵੀਅਤਨਾਮ ਦੇ ਵੋ ਥੀ ਕੁਇਨਹੁ ਨੇ 192 ਕਿਲੋ (88 ਕਿਲੋ 104 ਕਿਲੋ) ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।
ਬਿੰਦਿਆਰਾਣੀ ਨੇ ਚੰਗੀ ਸ਼ੁਰੂਆਤ ਕਰਦੇ ਹੋਏ 80 ਕਿਲੋ ਅਤੇ 83 ਕਿਲੋ ਦੀਆਂ ਆਪਣੀਆਂ ਪਹਿਲੀਆਂ ਦੋ ਸਨੈਚ ਕੋਸ਼ਿਸ਼ਾਂ ਨੂੰ ਬੜੀ ਹੀ ਆਸਾਨੀ ਨਾਲ ਪੂਰਾ ਕੀਤਾ ਪਰ ਉਸਦੀ 85 ਕਿਲੋ ਦੀ ਕੋਸ਼ਿਸ਼ ਨੂੰ ਕੋਈ ਲਿਫਟ ਨਹੀਂ ਮੰਨਿਆ ਗਿਆ। ਉਸਦਾ ਸਨੈਚ ਵਿੱਚ ਨਿੱਜੀ ਸਰਵੋਤਮ ਸਕੋਰ 86 ਕਿਲੋਗ੍ਰਾਮ ਹੈ। ਸਨੈਚ ਈਵੈਂਟ ਤੋਂ ਬਾਅਦ ਚੌਥੇ ਸਥਾਨ ‘ਤੇ ਰਹੀ ਮਨੀਪੁਰੀ ਖਿਡਾਰਨ ਨੇ ਕਲੀਨ ਐਂਡ ਜਰਕ ‘ਚ ਦੂਸਰਾ ਸਭ ਤੋਂ ਵੱਧ ਭਾਰ ਚੁੱਕ ਕੇ ਇਹ ਮੁਕਾਮ ਹਾਸਲ ਕੀਤਾ। ਫਿਰ, ਉਸਨੇ 115 ਕਿਲੋਗ੍ਰਾਮ ਲਿਫਟ ਨਾਲ ਆਪਣੇ ਕੁੱਲ ਭਾਰ ਨੂੰ ਸੁਧਾਰਨ ਦੀ ਅਸਫਲ ਕੋਸ਼ਿਸ਼ ਕੀਤੀ। ਉਸਨੇ ਪਿਛਲੇ ਸਾਲ ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿੱਚ 116 ਕਿਲੋ ਭਾਰ ਚੁੱਕਿਆ ਸੀ।
ਟੂਰਨਾਮੈਂਟ ਤੋਂ ਪਹਿਲਾਂ ਮੁੱਖ ਕੋਚ ਵਿਜੇ ਸ਼ਰਮਾ ਨੇ ਜ਼ੋਰ ਦੇ ਕੇ ਕਿਹਾ ਹੈ ਸੀ ਕਿ ਬਿੰਦਿਆਰਾਣੀ ਨੂੰ ਸਿਰਫ਼ ਇਸ ਈਵੈਂਟ ਵਿੱਚ ਹਿੱਸਾ ਲੈਣਾ ਹੈ ਜੋ ਕਿ ਪੈਰਿਸ ਓਲੰਪਿਕ ਦੇ ਕੁਆਲੀਫਾਇਰ ਵਿੱਚੋਂ ਇੱਕ ਹੈ। 2024 ਓਲੰਪਿਕ ਯੋਗਤਾ ਹਾਸਲ ਨਿਯਮ ਦੇ ਤਹਿਤ ਇੱਕ ਲਿਫਟਰ ਨੂੰ 2023 ਵਿਸ਼ਵ ਚੈਂਪੀਅਨਸ਼ਿਪ ਅਤੇ 2024 ਵਿਸ਼ਵ ਕੱਪ ਦੇ ਮੁਕਾਬਲੇ ਵਿੱਚ ਲਾਜ਼ਮੀ ਤੌਰ ‘ਤੇ ਭਾਗ ਲੈਣਾ ਜਰੂਰੀ ਹੈ। ਅੰਤਰਰਾਸ਼ਟਰੀ ਵੇਟਲਿਫਟਿੰਗ ਫੈਡਰੇਸ਼ਨ (ਆਈ.ਡਬਲਿਊ.ਐਫ) ਯੋਗਤਾ ਪ੍ਰਾਪਤੀ ਦੀ ਮਿਆਦ ਪੂਰਾ ਹੋਣ ਦੇ ਅੰਤ ‘ਤੇ ਹਰੇਕ ਭਾਰ ਵਰਗ ਲਈ ਓਲੰਪਿਕ ਯੋਗਤਾ ਹਾਸਲ ਰੇਟਿੰਗ ਨੂੰ ਪ੍ਰਕਾਸ਼ਿਤ ਕਰੇਗੀ। ਕੁਆਲੀਫਾਇੰਗ ਈਵੈਂਟਾਂ ਵਿੱਚ ਇੱਕ ਵੇਟਲਿਫਟਰ ਦੇ ਸਭ ਤੋਂ ਵਧੀਆ ਤਿੰਨ ਪ੍ਰਦਰਸ਼ਨਾਂ ਨੂੰ ਅੰਤਿਮ ਮੁਲਾਂਕਣ ਦੌਰਾਨ ਧਿਆਨ ਵਿੱਚ ਰੱਖਿਆ ਜਾਵੇਗਾ।
