Last Updated :
17 October 2024, 01:48 PM IST
IND vs NZ: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਬੈਂਗਲੁਰੂ 'ਚ ਚੱਲ ਰਿਹਾ ਹੈ। ਪਹਿਲਾ ਦਿਨ ਮੀਂਹ ਦੀ ਭੇਟ ਚੜ੍ਹ ਗਿਆ। ਦੂਜੇ ਦਿਨ ਦੀ ਖੇਡ ਸ਼ੁਰੂ ਹੁੰਦੇ ਹੀ ਨਿਊਜ਼ੀਲੈਂਡ ਦੇ ਗੇਂਦਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਟੀਮ ਇੰਡੀਆ ਦੀ ਕਮਰ ਤੋੜ ਦਿੱਤੀ। ਨਿਊਜ਼ੀਲੈਂਡ ਨੇ ਪਹਿਲੇ 10 ਓਵਰਾਂ 'ਚ ਸਿਰਫ 12 ਦੌੜਾਂ ਦੇ ਕੇ ਭਾਰਤ ਦੀਆਂ 3 ਮਹੱਤਵਪੂਰਨ ਵਿਕਟਾਂ ਲਈਆਂ, ਇਸ ਤੋਂ ਬਾਅਦ ਵੀ ਵਿਕਟਾਂ ਡਿੱਗਣ ਦਾ ਸਿਲਸਿਲਾ ਜਾਰੀ ਰਿਹਾ। ਅੱਧੀ ਟੀਮ ਪੈਵੇਲੀਅਨ ਪਰਤ ਚੁੱਕੀ ਹੈ। ਟੀਮ ਇੰਡੀਆ ਦੀ ਹਾਲਤ ਵਿਗੜ ਗਈ ਹੈ।
ਟੀਮ ਇੰਡੀਆ ਮੁਸੀਬਤ ਵਿੱਚ ਹੈ। ਲੰਚ ਬ੍ਰੇਕ ਤੱਕ ਭਾਰਤ ਨੇ 34 ਦੌੜਾਂ 'ਤੇ ਆਪਣੇ ਚੋਟੀ ਦੇ 6 ਖਿਡਾਰੀਆਂ ਨੂੰ ਗੁਆ ਦਿੱਤਾ ਹੈ। ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ ਅਤੇ ਸਰਫਰਾਜ਼ ਤੋਂ ਬਾਅਦ ਸਲਾਮੀ ਬੱਲੇਬਾਜ਼ ਜੈਸਵੀ ਜੈਸਵਾਲ, ਕੇਐੱਲ ਰਾਹੁਲ ਅਤੇ ਰਵਿੰਦਰ ਜਡੇਜਾ ਵੀ ਪੈਵੇਲੀਅਨ ਪਰਤ ਗਏ ਹਨ। ਹੁਣ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਅਤੇ ਆਰ ਅਸ਼ਵਿਨ ਕ੍ਰੀਜ਼ 'ਤੇ ਮੌਜੂਦ ਹਨ।
It’s no featherbed for 🇮🇳 as they face early challenges under gloomy conditions! 😬
— Royal Challengers Bengaluru (@RCBTweets) October 17, 2024
But no hurdle too tough for #TeamIndia! We’ve bounced back before. Hoping for a strong comeback! 💪 #PlayBold #INDvNZ pic.twitter.com/qoowQjuO3o
ਭਾਰਤ ਦੇ ਇਹ 6 ਖਿਡਾਰੀ ਪੈਵੇਲੀਅਨ ਪਰਤ ਗਏ
ਯਸ਼ਸਵੀ ਜੈਸਵਾਲ- 63 ਗੇਂਦਾਂ 'ਤੇ 13 ਦੌੜਾਂ
ਰੋਹਿਤ ਸ਼ਰਮਾ- 16 ਗੇਂਦਾਂ 'ਤੇ 2 ਦੌੜਾਂ
ਵਿਰਾਟ ਕੋਹਲੀ- 0
ਸਰਫਰਾਜ਼ ਖਾਨ-0
ਕੇਐਲ ਰਾਹੁਲ- 0
ਰਵਿੰਦਰ ਜਡੇਜਾ-0
Conway's leap of faith 🤯☝️#TeamIndia lose their 3rd wicket early on in Bengaluru! #INDvNZ #IDFCFirstBankTestTrophy #JioCinemaSports pic.twitter.com/gM3dSzIgKn
— JioCinema (@JioCinema) October 17, 2024
ਦੋਵੇਂ ਟੀਮਾਂ ਦੇ 11 ਖੇਡ ਰਹੇ ਹਨ
ਨਿਊਜ਼ੀਲੈਂਡ -ਟੌਮ ਲੈਥਮ (ਕਪਤਾਨ), ਡੇਵੋਨ ਕੌਨਵੇ, ਵਿਲ ਯੰਗ, ਰਚਿਨ ਰਵਿੰਦਰਾ, ਡੇਰਿਲ ਮਿਸ਼ੇਲ, ਟੌਮ ਬਲੰਡਲ (ਵਿਕਟਕੀਪਰ), ਗਲੇਨ ਫਿਲਿਪਸ, ਮੈਟ ਹੈਨਰੀ, ਟਿਮ ਸਾਊਥੀ, ਏਜਾਜ਼ ਪਟੇਲ, ਵਿਲੀਅਮ ਓ'ਰੂਰਕੇ। ਭਾਰਤ- ਰੋਹਿਤ ਸ਼ਰਮਾ (ਕਪਤਾਨ), ਯਸ਼ਸਵੀ ਜੈਸਵਾਲ, ਕੇਐਲ ਰਾਹੁਲ, ਵਿਰਾਟ ਕੋਹਲੀ, ਸਰਫਰਾਜ਼ ਖਾਨ, ਰਿਸ਼ਭ ਪੰਤ (ਵਿਕਟਕੀਪਰ), ਰਵਿੰਦਰ ਜਡੇਜਾ, ਰਵੀਚੰਦਰਨ ਅਸ਼ਵਿਨ, ਕੁਲਦੀਪ ਯਾਦਵ, ਮੁਹੰਮਦ ਸਿਰਾਜ, ਜਸਪ੍ਰੀਤ ਬੁਮਰਾਹ।
