Last Updated :
24 June 2023, 02:23 PM IST
ਰੈਨਾ ਦੀ ਸੋਸ਼ਲ ਮੀਡੀਆ ਪੋਸਟ ਜਿਸ ਵਿੱਚ ਉਸਨੇ ਆਪਣੇ ਨਵੇਂ ਰੈਸਟੋਰੈਂਟ ‘ਰੈਨ’’ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਅਤੇ ਆਪਣੇ ਨਵੇਂ ਕਾਰੋਬਾਰ ਦੀ ਘੋਸ਼ਣਾ ਕੀਤੀ ਹੈ ਜਿਹੜੀ ਕਿ ਵਾਇਰਲ ਹੋ ਗਈ ਹੈ। ਇੱਕ ਖਾਸ ਪ੍ਰਤੀਕਿਰਿਆ ਜਿਹੜੀ ਇੰਟਰਨੈਟ ‘ਤੇ ਧੂਮ ਮਚਾ ਰਹੀ ਹੈ ਉਹ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਦੀ ਹੈ।
ਸੁਰੇਸ਼ ਰੈਨਾ ਨੇ ਅਕਸਰ ਆਪਣੇ ਘਰ ਵਿੱਚ ਖਾਣਾ ਬਣਾਉਣ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਪਰ ਹੁਣ ਉਸਨੇ ਆਪਣੀ ਪਸੰਦ ਨੂੰ ਪੇਸ਼ੇ ਨੂੰ ਕਾਰੋਬਾਰ ਦਾ ਹਿੱਸਾ ਬਣਾ ਲਿਆ ਹੈ। ਸਾਬਕਾ ਬੱਲੇਬਾਜ਼ ਨੇ ਐਮਸਟਰਡਮ ਵਿੱਚ ਆਪਣਾ ਰੈਸਟੋਰੈਂਟ ਲਾਂਚ ਕੀਤਾ ਅਤੇ ਕਿਹਾ ਕਿ ਉਸਦਾ ਮਿਸ਼ਨ ਪਾਰੰਪਰਿਕ ਭਾਰਤੀ ਸੁਆਦਾਂ ਨਾਲ ਯੂਰਪੀ ਲੋਕਾਂ ਦੇ ਦਿਲਾਂ ਨੂੰ ਜਿੱਤਣਾ ਹੈ। ਸ਼ਾਇਦ ਇਹ ਇਸ ਗੱਲ ਵੱਲ ਇਸ਼ਾਰਾ ਵੀ ਹੈ ਕਿ ਉਹ ਆਗਾਮੀ ਸਮੇਂ ਯੂਰਪ ਵਿੱਚ ਰੈਸਟੋਰੈਂਟ ਦੀਆਂ ਹੋਰ ਸ਼ਾਖਾਵਾਂ ਖੋਲਣਾ ਚਾਹੁੰਦਾ ਹੈ।
ਰੈਨਾ ਦੀ ਸੋਸ਼ਲ ਮੀਡੀਆ ਪੋਸਟ ਜਿਸ ਵਿੱਚ ਉਸਨੇ ਆਪਣੇ ਨਵੇਂ ਰੈਸਟੋਰੈਂਟ ‘ਰੈਨਾ’ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਅਤੇ ਨਵੇਂ ਉੱਦਮ ਦੀ ਘੋਸ਼ਣਾ ਕੀਤੀ ਹੈ, ਵਾਇਰਲ ਹੋ ਗਈ ਹੈ। ਇੱਕ ਖਾਸ ਪ੍ਰਤੀਕਿਰਿਆ ਨੇ ਇੰਟਰਨੈਟ ‘ਤੇ ਸਭ ਦਾ ਧਿਆਨ ਖਿੱਚਿਆ ਹੈ ਜੋ ਕਿ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਦੀ ਹੈ। ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਸਟਾਰ ਨੇ ਰੈਨਾ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਅਗਲੀ ਵਾਰ ਜਦੋਂ ਉਹ ਐਮਸਟਰਡਮ ਆਵੇਗਾ ਤਾਂ ਰੈਸਟੋਰੈਂਟ ਦਾ ਦੌਰਾ ਕਿਵੇਂ ਕਰੇਗਾ। ਕੋਹਲੀ ਖੁਦ ਵੀ ਵਨ8 ਕਮਿਊਨ ਨਾਮਕ ਰੈਸਟੋਰੈਂਟ ਚੇਨ ਦਾ ਮਾਲਕ ਹੈ।
ਰੈਨਾ ਨੇ ਪੋਸਟ ਵਿੱਚ ਲਿਖਿਆ ਕਿ ਮੈਂ ਐਮਸਟਰਡਮ ਵਿੱਚ ‘ਰੈਨਾ’ ਇੰਡੀਅਨ ਰੈਸਟੋਰੈਂਟ ਨੂੰ ਪੇਸ਼ ਕਰਨ ਲਈ ਬਹੁਤ ਖੁਸ਼ ਹਾਂ, ਜਿੱਥੇ ਭੋਜਨ ਅਤੇ ਖਾਣਾ ਪਕਾਉਣ ਲਈ ਮੇਰਾ ਜਨੂੰਨ ਆਪਣਾ ਸਥਾਨ ਲੈਣ ਜਾ ਰਿਹਾ ਹੈ! ਸਾਲਾਂ ਤੱਕ ਤੁਸੀਂ ਖਾਣੇ ਪ੍ਰਤੀ ਮੇਰੀ ਪਸੰਦ ਨੂੰ ਜਾਣਿਆ ਹੈ ਅਤੇ ਮੈਨੂੰ ਰਸੋਈ ਵਿੱਚ ਕੰਮ ਕਰਦੇ ਦੇਖਿਆ ਹੈ। ਹੁਣ, ਮੈਂ ਭਾਰਤ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਕੁਦਰਤੀ ਅਤੇ ਅਸਲੀ ਸੁਆਦਾਂ ਨੂੰ ਸਿੱਧੇ ਯੂਰਪ ਦੇ ਦਿਲ ਤੱਕ ਲਿਆਉਣ ਦੇ ਇੱਕ ਮਿਸ਼ਨ ‘ਤੇ ਹਾਂ। ਉਸਨੇ ਅੱਗੇ ਲਿਖਿਆ, “ਇਸ ਅਸਾਧਾਰਣ ਗੈਸਟ੍ਰੋਨੋਮਿਕ ਸਫ਼ਰ ਵਿੱਚ ਮੇਰੇ ਨਾਲ ਸ਼ਾਮਲ ਹੋਵੋ ਕਿਉਂਕਿ ਅਸੀਂ ਮਿਲਕੇ ਇੱਕ ਸੁਆਦਲੇ ਸਾਹਸਪੂਰਨ ਸਫ਼ਰ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਾਂ। ਦਿਲਚਸਪ ਅੱਪਡੇਟ ਲਈ ਤਿਆਰ ਰਹੋ, ਸਾਡੀਆਂ ਸੁਆਦਲੇ ਪਕਵਾਨਾਂ ਦੀਆਂ ਅਤੇ ‘ਰੈਨਾ ਇੰਡੀਅਨ ਰੈਸਟੋਰੈਂ’ ਦੇ ਸ਼ਾਨਦਾਰ ਉਦਘਾਟਨ ਦੀਆਂ ਝਲਕੀਆਂ!”
ਰੈਨਾ ਨੇ 2020 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਹੁਣ ਉਹ ਆਈਪੀਐਲ ਵਿੱਚ ਵੀ ਦਿਖਾਈ ਨਹੀਂ ਦਿੰਦਾ ਹੈ ਪਰ ਇੱਕ ਕੁਮੇਂਟਟਰ ਹੋਣ ਸਮੇਤ ਨਿਊਜ਼ ਚੈਨਲਾਂ ਅਤੇ ਪ੍ਰਸਾਰਣ ਨੈੱਟਵਰਕਾਂ ਵਿੱਚ ਮਾਹਰ ਵਜੋਂ ਕੰਮ ਕਰ ਰਿਹਾ ਹੈ।
