Last Updated :
12 April 2023, 11:53 AM IST
ਜ਼ਖਮੀ ਹੋਣ ਤੋਂ ਬਾਅਦ ਉਸਦੇ ਸੱਜੇ ਗੋਡੇ ਵਿੱਚ ਲੱਗੀ ਚੋਟ ਦੇ ਕਾਰਨ ਉਸ ਦੀ ਇਸ ਸਾਲ ਦੇ ਅੰਤ ਵਿੱਚ ਭਾਰਤ ਵਿੱਚ ਵਿਸ਼ਵ ਕੱਪ ਖੇਡਣ ਦੀ ਆਸ਼ੰਕਾ ਬਹੁਤ ਘਟ ਗਈ ਹੈ ।
ਵਿਲੀਅਮਸਨ ਹਾਲ ਹੀ ਦੇ ਦਿਨਾਂ ਵਿੱਚ ਨਿਊਜ਼ੀਲੈਂਡ ਪਰਤਿਆ ਸੀ ਜਿੱਥੇ ਸੱਟ ਦੀ ਗੰਭੀਰਤਾ ਦੀ ਪੁਸ਼ਟੀ ਹੋ ਗਈ ਸੀ ਅਤੇ ਹੁਣ ਗੋਡੇ ਦੇ ਆਲੇ ਦੁਆਲੇ ਸੋਜ ਘੱਟ ਹੋਣ ਤੋਂ ਬਾਅਦ ਉਹ ਅਗਲੇ ਤਿੰਨ ਹਫ਼ਤਿਆਂ ਵਿੱਚ ਸਰਜਰੀ ਕਰਵਾਉਣਗੇ।ਉਸ ਨੇ ਮੀਡੀਆ ਨਾਲ ਗੱਲ ਬਾਤ ਕਰਦਿਆ ਕਿਹਾ, “ਸੁਭਾਵਿਕ ਤੌਰ ਤੇ ਅਜਿਹੀ ਸੱਟ ਲੱਗਣਾ ਨਿਰਾਸ਼ਾਜਨਕ ਹੈ, ਪਰ ਮੇਰਾ ਧਿਆਨ ਹੁਣ ਸਰਜਰੀ ਕਰਵਾਉਣ ਅਤੇ ਮੁੜ ਵਸੇਬਾ ਸ਼ੁਰੂ ਕਰਨ ਤੇ ਹੈ,ਇਸ ਵਿੱਚ ਕੁਝ ਸਮਾਂ ਲੱਗੇਗਾ, ਪਰ ਮੈਂ ਜਿੰਨੀ ਜਲਦੀ ਹੋ ਸਕੇ ਮੈਦਾਨ ਤੇ ਵਾਪਸ ਆਉਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਾਂਗਾ।” ਸੁਪਰ ਕਿੰਗਜ਼ ਦੀ ਪਾਰੀ ਦੇ 13ਵੇਂ ਓਵਰ ਵਿੱਚ ਲੇਗ ਬਾਉਂਡਰੀ ਤੇ ਕੈਚ ਲੈਣ ਦੀ ਕੋਸ਼ਿਸ਼ ਕਰਦੇ ਹੋਏ , ਵਿਲੀਅਮਸਨ ਅਜੀਬ ਢੰਗ ਨਾਲ ਗਿਰ ਗਿਆ ਸੀ – ਉਸਦਾ ਸੱਜਾ ਗੋਡਾ ਉਸਦੇ ਭਾਰ ਦੇ ਹੇਠਾਂ ਝੁਕਿਆ ਹੋਇਆ ਸੀ । ਵਿਲੀਅਮਸਨ ਦਾ ਵਿਸ਼ਵ ਕੱਪ ਵਿੱਚ ਨਾ ਹੋਣਾ ਨਿਊਜ਼ੀਲੈਂਡ ਲਈ ਬਹੁਤ ਵੱਡਾ ਝਟਕਾ ਹੋਵੇਗਾ। 161 ਵਨਡੇ ਮੈਚਾਂ ਵਿੱਚ 13 ਸੈਂਕੜਿਆਂ ਦੇ ਨਾਲ ਉਸਦੀ ਔਸਤ 47.83 ਹੈ। ਨਿਊਜ਼ੀਲੈਂਡ ਦੇ ਕੋਚ ਗੈਰੀ ਸਟੀਡ ਨੇ ਕਿਹਾ, “ਤੁਸੀਂ ਕੇਨ ਨੂੰ ਸ਼ੁਰੂਆਤ ਲਈ ਖਿਡਾਰੀ ਦੇ ਤੌਰ ਉੱਤੇ ਲੈਂਦੇ ਹੋ, ਪਰ ਫਿਰ ਕੇਨ ਲੀਡਰ ਦਾ ਰੋਲ ਵੀ ਅਦਾ ਕਰਦਾ ਹੈ । “ਅਸੀਂ ਉਮੀਦ ਨਹੀਂ ਛੱਡੀ ਹੈ ਕਿ ਉਹ ਸਹੀ ਨਹੀਂ ਹੋ ਸਕਦਾ ਪਰ ਇਸ ਪੜਾਅ ਤੇ ਇਹ ਅਸੰਭਵ ਜਾਪਦਾ ਹੈ। ਸਾਡੇ ਵਿਚਾਰ ਇਸ ਸਮੇਂ ਕੇਨ ਦੇ ਨਾਲ ਹਨ, ਇਹ ਉਸ ਲਈ ਔਖਾ ਸਮਾਂ ਹੈ, ਇਹ ਅਜਿਹੀ ਸੱਟ ਹੈ ਜਿਸਦੀ ਤੁਸੀਂ ਉਮੀਦ ਨਹੀਂ ਕਰਦੇ ਹੋ। ਇਹ ਤੁਹਾਨੂੰ ਬਹੁਤ ਪ੍ਰਭਾਵਿਤ ਕਰਦੀ ਹੈ”। ਟੌਮ ਲੈਥਮ ਨੇ ਇਸ ਸਾਲ ਵਿਲੀਅਮਸਨ ਦੀ ਗੈਰ-ਮੌਜੂਦਗੀ ਵਿੱਚ ਨਿਊਜ਼ੀਲੈਂਡ ਦੀ ਕਪਤਾਨੀ ਕੀਤੀ ਹੈ, ਅਤੇ ਪਾਕਿਸਤਾਨ ਦੇ ਆਗਾਮੀ ਦੌਰੇ ਤੇ ਇੱਕ ਰੋਜ਼ਾ ਟੀਮ ਦੀ ਅਗਵਾਈ ਕਰੇਗਾ, ਅਤੇ ਵਿਸ਼ਵ ਕੱਪ ਦੀ ਭੂਮਿਕਾ ਲਈ ਸਭ ਤੋਂ ਅੱਗੇ ਹੋ ਸਕਦਾ ਹੈ। ਕੇਨ ਦੇ ਬਾਹਰ ਹੋਣ ਨਾਲ ਹੀ ਨਿਊਜ਼ੀਲੈਂਡ ਦੇ ਇਸ ਸਾਲ ਦੇ ਅੰਤ ਵਿੱਚ ਭਾਰਤ ਵਿੱਚ ਵਿਸ਼ਵ ਕੱਪ ਜਿੱਤਣ ਦੀ ਆਸ਼ੰਕਾ ਬਹੁਤ ਘਟ ਗਈ ਹੈ ।
