Last Updated :
19 July 2026, 11:59 AM IST
ਪੈਟਰੋਲ-ਡੀਜ਼ਲ ਦੀਆਂ ਵੱਧਦੀਆਂ ਕੀਮਤਾਂ ਨੇ ਭਾਰਤੀ ਵਾਹਨ ਖਰੀਦਦਾਰਾਂ ਨੂੰ CNG ਵਿਕਲਪਾਂ ਵੱਲ ਮੋੜਿਆ ਹੈ, ਪਰ ਹੁਣ ਇਹ ਰੁਝਾਨ ਸਿਰਫ਼ ਬੱਚਤ ਤੱਕ ਸੀਮਤ ਨਹੀਂ ਰਿਹਾ। ਮਾਰਕੀਟ ਵਿੱਚ ਡੁਅਲ CNG ਸਿਲੰਡਰ ਤਕਨਾਲੋਜੀ ਵਾਲੀਆਂ ਕਾਰਾਂ ਖਾਸ ਤੌਰ 'ਤੇ ਚਰਚਾ ਵਿੱਚ ਹਨ, ਕਿਉਂਕਿ ਇਹ ਨਾ ਸਿਰਫ਼ ਸ਼ਾਨਦਾਰ ਫਿਊਲ ਇਕਨਾਮੀ ਦਿੰਦੀਆਂ ਹਨ, ਸਗੋਂ ਬੂਟ ਸਪੇਸ ਨੂੰ ਵੀ ਲਗਭਗ ਪੂਰਾ ਸੁਰੱਖਿਅਤ ਰੱਖਦੀਆਂ ਹਨ। ਇਨ੍ਹਾਂ ਕਾਰਾਂ 26 ਤੋਂ 30 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਤੱਕ ਮਾਈਲੇਜ ਦਾ ਦਾਅਵਾ ਕਰਦੀਆਂ ਹਨ, ਜੋ ਆਮ ਗਾਹਕਾਂ ਤੋਂ ਲੈ ਕੇ ਕਾਰੋਬਾਰੀ ਉਪਯੋਗਕਰਤਾਵਾਂ ਤੱਕ ਹਰ ਕਿਸੇ ਨੂੰ ਆਕਰਸ਼ਿਤ ਕਰ ਰਹੀਆਂ ਹਨ। ਆਓ ਨਜ਼ਰ ਮਾਰੀਏ ਅਜਿਹੀਆਂ 5 ਪ੍ਰਮੁੱਖ CNG ਕਾਰਾਂ 'ਤੇ, ਜਿਨ੍ਹਾਂ ਨੇ ਆਪਣੀਆਂ ਵਿਸ਼ੇਸ਼ਤਾਵਾਂ ਨਾਲ ਖਾਸ ਪਛਾਣ ਬਣਾਈ ਹੈ।
5.79 ਲੱਖ ਰੁਪਏ (ਸ਼ੁਰੂਆਤੀ) ਦੀ ਕੀਮਤ ਵਾਲੀ ਟਾਟਾ ਟਿਆਗੋ CNG 1.2-ਲੀਟਰ ਪੈਟਰੋਲ ਇੰਜਣ ਨਾਲ ਲੈਸ ਹੈ, ਜੋ CNG ਮੋਡ ਵਿੱਚ ਵੀ ਬਿਹਤਰ ਪ੍ਰਦਰਸ਼ਨ ਦਿੰਦਾ ਹੈ। ਇਸ ਵਿੱਚ 10.25-ਇੰਚ ਟੱਚਸਕ੍ਰੀਨ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ, LED ਹੈੱਡਲੈਂਪ ਅਤੇ ABS, ESC ਤੇ TPMS ਵਰਗੇ ਸੁਰੱਖਿਆ ਫੀਚਰ ਮਿਲਦੇ ਹਨ, ਜੋ ਇਸਨੂੰ ਆਪਣੇ ਸੈਗਮੈਂਟ ਵਿੱਚ ਇੱਕ ਮਜ਼ਬੂਤ ਵਿਕਲਪ ਬਣਾਉਂਦੇ ਹਨ।
6.79 ਲੱਖ ਰੁਪਏ ਤੋਂ ਸ਼ੁਰੂ ਹੋਣ ਵਾਲੀ ਟਾਟਾ ਪੰਚ CNG ਡੁਅਲ ਸਿਲੰਡਰ ਸੈਟਅੱਪ ਨਾਲ ਆਉਂਦੀ ਹੈ, ਜੋ 26.99 km/kg ਦਾ ਮਾਈਲੇਜ ਦਿੰਦੀ ਹੈ। ਇਸ ਦੇ ਖਾਸ ਫੀਚਰਾਂ ਵਿੱਚ 360-ਡਿਗਰੀ ਕੈਮਰਾ, ਵਾਇਰਲੈੱਸ ਚਾਰਜਿੰਗ, ਵੱਡੀ ਟੱਚਸਕ੍ਰੀਨ ਅਤੇ ਬੂਟ ਸਪੇਸ ਸ਼ਾਮਲ ਹਨ, ਜੋ ਇਸਨੂੰ ਛੋਟੇ ਪਰਿਵਾਰਾਂ ਅਤੇ ਸ਼ਹਿਰੀ ਖਰੀਦਦਾਰਾਂ ਵਿੱਚ ਪ੍ਰਸਿੱਧ ਬਣਾਉਂਦੇ ਹਨ।
7.81 ਲੱਖ ਰੁਪਏ ਤੋਂ ਸ਼ੁਰੂ ਹੋਣ ਵਾਲੀ ਹੁੰਡਈ ਔਰਾ CNG 1.2-ਲੀਟਰ ਬਾਈ-ਫਿਊਲ ਇੰਜਣ ਨਾਲ ਆਉਂਦੀ ਹੈ। ਇਸ ਵਿੱਚ 6 ਏਅਰਬੈਗ, ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ, ਹਿਲ ਅਸਿਸਟ ਅਤੇ TPMS ਵਰਗੀਆਂ ਆਧੁਨਿਕ ਸੁਰੱਖਿਆ ਤਕਨਾਲੋਜੀਆਂ ਦਿੱਤੀਆਂ ਗਈਆਂ ਹਨ, ਜੋ ਇਸਨੂੰ CNG ਸੇਡਾਨ ਦੀ ਤਲਾਸ਼ ਕਰ ਰਹੇ ਗਾਹਕਾਂ ਲਈ ਇੱਕ ਭਰੋਸੇਮੰਦ ਵਿਕਲਪ ਬਣਾਉਂਦੀਆਂ ਹਨ।
ਹੁੰਡਈ ਐਕਸਟਰ CNG ਦੀ ਸ਼ੁਰੂਆਤੀ ਕੀਮਤ 6.99 ਲੱਖ ਰੁਪਏ ਹੈ ਅਤੇ ਇਹ 27.1 km/kg ਦਾ ਮਾਈਲੇਜ ਦੇਣ ਦਾ ਦਾਅਵਾ ਕਰਦੀ ਹੈ। ਇਸ ਵਿੱਚ ਸਨਰੂਫ, 8-ਇੰਚ ਟੱਚਸਕ੍ਰੀਨ, ਡੈਸ਼ਕੈਮ, OTA ਅੱਪਡੇਟ ਅਤੇ ਬਲੂਲਿੰਕ ਕਨੈਕਟਡ ਟੈਕਨਾਲੋਜੀ ਵਰਗੇ ਆਧੁਨਿਕ ਫੀਚਰ ਮਿਲਦੇ ਹਨ, ਜੋ ਨੌਜਵਾਨ ਖਰੀਦਦਾਰਾਂ ਨੂੰ ਖੂਬ ਪਸੰਦ ਆ ਰਹੇ ਹਨ।
7.21 ਲੱਖ ਰੁਪਏ ਤੋਂ ਸ਼ੁਰੂ ਹੋਣ ਵਾਲੀ ਟਾਟਾ ਟਿਗੋਰ CNG 1.2-ਲੀਟਰ ਇੰਜਣ ਨਾਲ ਮੈਨੂਅਲ ਅਤੇ ਆਟੋਮੈਟਿਕ ਦੋਵਾਂ ਟ੍ਰਾਂਸਮਿਸ਼ਨਾਂ ਵਿੱਚ ਉਪਲਬਧ ਹੈ। LED ਹੈੱਡਲੈਂਪ, ESP, ਹਿਲ ਹੋਲਡ ਕੰਟਰੋਲ, ਰਿਵਰਸ ਕੈਮਰਾ ਅਤੇ ਸਮਾਰਟ ਇਨਫੋਟੇਨਮੈਂਟ ਸਿਸਟਮ ਇਸ ਕਾਰ ਨੂੰ CNG ਸੈਡਾਨ ਸੈਗਮੈਂਟ ਵਿੱਚ ਇੱਕ ਵੱਖਰਾ ਮੁਕਾਮ ਦਿੰਦੇ ਹਨ।
