Last Updated :
20 April 2023, 06:29 PM IST
ਇਸ ਦੇ ਉਲਟ, ਟੈਕਸਦਾਤਾ ਦੁਆਰਾ 36 ਮਹੀਨਿਆਂ ਤੋਂ ਵੱਧ ਸਮੇਂ ਲਈ ਰੱਖੀ ਗਈ ਕੋਈ ਵੀ ਪੂੰਜੀ ਸੰਪਤੀ ਨੂੰ ਲੰਬੇ ਸਮੇਂ ਦੀ ਪੂੰਜੀ ਸੰਪਤੀ ਮੰਨਿਆ ਜਾਵੇਗਾ
ਹਾਲ ਹੀ ਵਿੱਚ ਇੱਕ ਮੀਡੀਆ ਰਿਪੋਰਟ ਅਨੁਸਾਰ, ਕੇਂਦਰ, ਆਮਦਨੀ ਅਸਮਾਨਤਾ ਨੂੰ ਘਟਾਉਣ ਲਈ ਆਪਣੇ ਸਿੱਧੇ ਟੈਕਸ ਕਾਨੂੰਨਾਂ ਵਿੱਚ ਇੱਕ ਸੋਧ ਦੀ ਯੋਜਨਾ ਬਣਾ ਰਿਹਾ ਹੈ ਦੀ ਜਾਣਕਾਰੀ ਸਾਂਝੀ ਕੀਤੀ। ਇਸ ਬਾਬਤ ਆਮਦਨ ਕਰ ਵਿਭਾਗ ਨੇ ਇੱਕ ਬਿਆਨ ਜਾਰੀ ਕੀਤਾ ਅਤੇ ਟੈਕਸ ਢਾਂਚੇ ਨੂੰ ਸੁਧਾਰਨ ਦਾ ਦਾਅਵਾ ਕਰਨ ਵਾਲੀ ਇਸ ਕਹਾਣੀ ਬਾਰੇ ਸਪੱਸ਼ਟ ਕੀਤਾ ਕਿ ਪੂੰਜੀ ਲਾਭ ਟੈਕਸ ਬਾਰੇ ਸਰਕਾਰ ਕੋਲ ਅਜਿਹਾ ਕੋਈ ਪ੍ਰਸਤਾਵ ਨਹੀਂ ਹੈ।
ਪੂੰਜੀਗਤ ਲਾਭ, ਪੂੰਜੀ ਸੰਪੱਤੀ ਦੇ ਤਬਾਦਲੇ ‘ਤੇ ਪੈਦਾ ਹੋਣ ਵਾਲਾ ਮੁਨਾਫ਼ਾ ਹੁੰਦਾ ਹੈ ਜਿਸ ਨੂੰ ‘ਸ਼ਾਰਟ ਟਰਮ ਕੈਪੀਟਲ ਗੇਨ’ ਅਤੇ ‘ਲੌਂਗ ਟਰਮ ਕੈਪੀਟਲ ਗੇਨ’ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ। ਜੇਕਰ ਕੋਈ ਸ਼ੇਅਰਧਾਰਕ ਇੱਕ ਸਾਲ ਤੋਂ ਵੱਧ ਸਮੇਂ ਲਈ ਇਕੁਇਟੀ ਸ਼ੇਅਰ ਰੱਖਦਾ ਹੈ ਤਾਂ ਪੂੰਜੀ ਲਾਭ ਨੂੰ ਲੰਬੇ ਸਮੇਂ ਲਈ ਮੰਨਿਆ ਜਾਂਦਾ ਹੈ ਅਤੇ ਇਸ ‘ਤੇ 10 ਫ਼ੀਸਦੀ ਟੈਕਸ ਲਗਾਇਆ ਜਾਵੇਗਾ ਪਰ ਜੇਕਰ ਉਹ ਇੱਕ ਸਾਲ ਤੋਂ ਘੱਟ ਸਮੇਂ ਲਈ ਇਕੁਇਟੀ ਸ਼ੇਅਰ ਰੱਖਦੇ ਹਨ ਤਾਂ ਲਾਭ ਥੋੜ੍ਹੇ ਸਮੇਂ ਅਧੀਨ ਮੰਨਿਆ ਜਾਵੇਗਾ ਅਤੇ 15 ਫੀਸਦੀ ‘ਤੇ ਟੈਕਸ ਲਗਾਇਆ ਜਾਵੇਗਾ।
ਬਲੂਮਬਰਗ ਦੀ ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਸੀ ਕਿ ਸਰਕਾਰ ਚੋਟੀ ਦੀ ਆਮਦਨ ਕਮਾਉਣ ਵਾਲਿਆਂ ਲਈ ਪੂੰਜੀ ਲਾਭ ਟੈਕਸ ਵਧਾਉਣ ਦੀ ਯੋਜਨਾ ਬਣਾ ਰਹੀ ਹੈ।
ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ, ਈਟੀ ਨਾਓ ਨੇ ਵੀ ਰਿਪੋਰਟ ਦਿੱਤੀ ਸੀ ਕਿ ਟੈਕਸ ਵਿੱਚ ਬਦਲਾਵ ਦੀਆਂ ਖ਼ਬਰਾਂ ‘ਬੇਬੁਨਿਆਦ’ ਹਨ ਅਤੇ ਵਿੱਤ ਮੰਤਰਾਲੇ ਤੋਂ ਅਜਿਹੀ ਕਿਸੇ ਵੀ ਖ਼ਬਰ ਦੀ ਪੁਸ਼ਟੀ ਨਹੀਂ ਹੋਈ ਹੈ। ਸੂਤਰਾਂ ਨੇ ਈਟੀ ਨਾਓ ਨੂੰ ਦੱਸਿਆ ਕਿ ਫਿਲਹਾਲ ਅਜਿਹੇ ਕਿਸੇ ਵੀ ਕਿਸਮ ਦੇ ਟੈਕਸਾਂ ਨੂੰ ਬਦਲਣ ਦਾ ਕੋਈ ਪ੍ਰਸਤਾਵ ਨਹੀਂ ਹੈ। ਇੱਥੋਂ ਤੱਕ ਕਿ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਫਰਵਰੀ ਵਿੱਚ, ਬਜਟ 2023 ਦੀ ਪੇਸ਼ਕਾਰੀ ਤੋਂ ਬਾਅਦ, ਵਿਸ਼ੇਸ਼ ਤੌਰ ‘ਤੇ ਈਟੀ ਨਾਓ ਨੂੰ ਦੱਸਿਆ ਸੀ ਕਿ ਪੂੰਜੀ ਲਾਭ ਟੈਕਸ ਵਿੱਚ ਕੋਈ ਬਦਲਾਅ ਕਿਉਂ ਨਹੀਂ ਐਲਾਨਿਆ ਗਿਆ। ਇਸ ਬਾਬਤ ਉਹਨਾਂ ਨੇ ਕਿਹਾ ਸੀ ਕਿ ਟੈਕਸ ਢਾਂਚੇ ਨੂੰ 2018 ਵਿੱਚ ਬਦਲਿਆ ਗਿਆ ਸੀ ਅਤੇ ਅਜਿਹੇ ਵਿੱਚ ਕਿਸੇ ਵੀ ਕਿਸਮ ਦੇ ਬਦਲਾਅ ਨੂੰ ਲਾਗੂ ਕਰਨਾ ਬਹੁਤ ਜਲਦਬਾਜੀ ਹੋਵੇਗੀ।
ਟੈਕਸਦਾਤਾ ਦੁਆਰਾ 36 ਮਹੀਨਿਆਂ ਦੀ ਮਿਆਦ ਲਈ ਰੱਖੀ ਗਈ ਕੋਈ ਵੀ ਪੂੰਜੀ ਸੰਪਤੀ ਨੂੰ ਇਸ ਦੇ ਟ੍ਰਾਂਸਫਰ ਦੀ ਮਿਤੀ ਤੋਂ ਤੁਰੰਤ ਪਹਿਲਾਂ ਛੋਟੀ ਮਿਆਦ ਦੀ ਪੂੰਜੀ ਸੰਪਤੀ ਮੰਨਿਆ ਜਾਵੇਗਾ। ਇਸ ਦੇ ਉਲਟ, ਟੈਕਸਦਾਤਾ ਦੁਆਰਾ 36 ਮਹੀਨਿਆਂ ਤੋਂ ਵੱਧ ਸਮੇਂ ਲਈ ਰੱਖੀ ਗਈ ਕੋਈ ਵੀ ਪੂੰਜੀ ਸੰਪਤੀ ਨੂੰ ਲੰਬੇ ਸਮੇਂ ਦੀ ਪੂੰਜੀ ਸੰਪਤੀ ਮੰਨਿਆ ਜਾਵੇਗਾ।
