Last Updated :
03 March 2024, 07:06 PM IST
Post Office Senior Citizen Savings Scheme: ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਸ਼ਕਤੀਸ਼ਾਲੀ ਸਰਕਾਰੀ ਸਕੀਮ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਵਿੱਚ ਨਿਵੇਸ਼ ਕਰਕੇ ਤੁਸੀਂ ਹਰ ਮਹੀਨੇ 20,000 ਰੁਪਏ ਤੱਕ ਦੀ ਗਾਰੰਟੀਸ਼ੁਦਾ ਆਮਦਨ ਪ੍ਰਾਪਤ ਕਰ ਸਕਦੇ ਹੋ। ਇਸ ਸਕੀਮ ਦਾ ਨਾਂ ਪੋਸਟ ਆਫਿਸ ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ ਹੈ, ਕਿਉਂਕਿ ਇਹ ਇੱਕ ਸਰਕਾਰੀ ਬੱਚਤ ਸਕੀਮ ਹੈ, ਇਹ ਗਾਰੰਟੀਸ਼ੁਦਾ ਰਿਟਰਨ ਦਿੰਦੀ ਹੈ, ਇਹੀ ਨਹੀਂ, ਇਹ ਹੋਰ ਬਚਤ ਸਕੀਮਾਂ ਦੇ ਮੁਕਾਬਲੇ ਵੱਧ ਵਿਆਜ ਵੀ ਦਿੰਦੀ ਹੈ।ਤੁਸੀਂ ਇਸ ਸਕੀਮ ਵਿੱਚ ਸਿਰਫ਼ 1000 ਰੁਪਏ ਨਾਲ ਨਿਵੇਸ਼ ਕਰਨਾ ਸ਼ੁਰੂ ਕਰ ਸਕਦੇ ਹੋ। ਪੋਸਟ ਆਫਿਸ ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ ਸੀਨੀਅਰ ਨਾਗਰਿਕਾਂ ਲਈ ਇੱਕ ਸੁਰੱਖਿਅਤ ਵਿਕਲਪ ਹੈ ਅਤੇ ਬਜ਼ੁਰਗਾਂ ਨੂੰ ਉਨ੍ਹਾਂ ਦੀ ਸੇਵਾਮੁਕਤੀ ਤੋਂ ਬਾਅਦ ਆਮਦਨ ਦਾ ਇੱਕ ਨਿਯਮਿਤ ਸਰੋਤ ਪ੍ਰਦਾਨ ਕਰਦੀ ਹੈ।
ਯੋਗਤਾ
60 ਸਾਲ ਤੋਂ ਵੱਧ ਉਮਰ ਦਾ ਕੋਈ ਵੀ ਵਿਅਕਤੀ ਇਸ ਸਕੀਮ ਵਿੱਚ ਨਿਵੇਸ਼ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ 55-60 ਸਾਲ ਦੀ ਉਮਰ ਦੇ ਉਹ ਲੋਕ ਜੋ ਵਿਸ਼ੇਸ਼ ਛੁੱਟੀ ਜਾਂ VRS ਤਹਿਤ ਸੇਵਾਮੁਕਤ ਹੋਏ ਹਨ, ਉਹ ਵੀ ਇਸ ਸਕੀਮ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਰੱਖਿਆ ਖੇਤਰ ਨਾਲ ਜੁੜੇ ਸੇਵਾਮੁਕਤ ਵਿਅਕਤੀ (ਸਿਵਲ ਡਿਫੈਂਸ ਕਰਮਚਾਰੀਆਂ ਨੂੰ ਛੱਡ ਕੇ) ਵੀ ਕੁਝ ਸ਼ਰਤਾਂ ਦੇ ਨਾਲ 50 ਸਾਲ ਦੀ ਉਮਰ ਵਿੱਚ ਇਸ ਸਕੀਮ ਵਿੱਚ ਖਾਤਾ ਖੋਲ੍ਹ ਸਕਦੇ ਹਨ। ਖਾਤਾ ਧਾਰਕ ਵਿਅਕਤੀਗਤ ਤੌਰ 'ਤੇ ਜਾਂ ਆਪਣੇ ਜੀਵਨ ਸਾਥੀ ਨਾਲ ਸਾਂਝਾ ਖਾਤਾ ਵੀ ਖੋਲ੍ਹ ਸਕਦੇ ਹਨ, ਹਾਲਾਂਕਿ, ਜਮ੍ਹਾ ਕੀਤੀ ਗਈ ਰਕਮ ਨੂੰ ਕਢਵਾਉਣ ਦੀ ਸਹੂਲਤ ਸਿਰਫ ਪਹਿਲੇ ਖਾਤਾ ਧਾਰਕ ਨੂੰ ਹੀ ਦਿੱਤੀ ਜਾਵੇਗੀ।
ਅਰਜ਼ੀ ਕਿਵੇਂ ਦੇਣੀ ਹੈ
ਸੀਨੀਅਰ ਨਾਗਰਿਕ ਕਿਸੇ ਵੀ ਬੈਂਕ ਜਾਂ ਡਾਕਖਾਨੇ ਵਿੱਚ ਜਾ ਕੇ ਇਸ ਸਕੀਮ ਤਹਿਤ ਖਾਤਾ ਖੋਲ੍ਹ ਸਕਦੇ ਹਨ। ਖਾਤਾ ਘੱਟੋ-ਘੱਟ 1000 ਰੁਪਏ ਨਾਲ ਸ਼ੁਰੂ ਹੋਵੇਗਾ। ਇਸ 'ਚ ਵੱਧ ਤੋਂ ਵੱਧ 30 ਲੱਖ ਰੁਪਏ ਜਮ੍ਹਾ ਕੀਤੇ ਜਾ ਸਕਦੇ ਹਨ।
ਰਿਟਰਨ
ਫਿਲਹਾਲ ਇਸ ਸਕੀਮ 'ਤੇ 8.2 ਫੀਸਦੀ ਸਾਲਾਨਾ ਵਿਆਜ ਦਿੱਤਾ ਜਾ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਜੇਕਰ ਕੋਈ ਵਿਅਕਤੀ ਇਸ ਯੋਜਨਾ ਵਿੱਚ 30 ਲੱਖ ਰੁਪਏ ਦਾ ਨਿਵੇਸ਼ ਕਰਦਾ ਹੈ, ਤਾਂ ਉਸਨੂੰ 2.46 ਰੁਪਏ ਸਾਲਾਨਾ ਯਾਨੀ ਲਗਭਗ 20,000 ਰੁਪਏ ਹਰ ਮਹੀਨੇ ਦਾ ਵਿਆਜ ਮਿਲੇਗਾ।
