Last Updated :
13 January 2024, 02:16 PM IST
Gautam Adani New Deal: ਦੇਸ਼ ਦੇ ਸਭ ਤੋਂ ਅਮੀਰ ਕਾਰੋਬਾਰੀਆਂ ਵਿਚੋਂ ਇਕ ਗੌਤਮ ਅਡਾਨੀ ਨੇ ਪੰਜਾਬ-ਹਿਮਾਚਲ ਵਿੱਚ ਸੀਮਿੰਟ ਦੇ 2 ਪਲਾਂਟ ਖਰੀਦੇ ਲਏ ਹਨ। ਹੁਣ ਇਥੇ ਅਡਾਨੀ ਦੀ ਕੰਪਨੀ ਸੀਮਿੰਟ ਦਾ ਕੰਮ ਕਰੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਅਡਾਨੀ ਗਰੁੱਪ ਨੇ ਇਹ ਡੀਲ ਕਰੀਬ 775 ਕਰੋੜ ਰੁਪਏ ਵਿੱਚ ਕੀਤੀ ਹੈ। ਅਡਾਨੀ ਗਰੁੱਪ ਨੇ ਕੰਪਨੀ ਤੋਂ ਕੁਝ ਸ਼ੇਅਰ ਪਹਿਲਾਂ ਹੀ ਖਰੀਦੇ ਸਨ। ਹੁਣ ਏਸ਼ੀਅਨ ਕੰਕਰੀਟਸ ਐਂਡ ਸੀਮੈਂਟਸ (ਏ.ਸੀ.ਸੀ.) ਨੇ ਬੀਡ ਪਲਾਸੀ ਨੇੜੇ ਮਾਝੋਲੀ ਨਾਲਾਗੜ੍ਹ ਦਾ ਪਲਾਂਟ ਪੂਰੀ ਤਰ੍ਹਾਂ ਖਰੀਦ ਲਿਆ ਹੈ। ਇਸੇ ਕੰਪਨੀ ਦਾ ਇੱਕ ਹੋਰ ਉਦਯੋਗ ਵੀ ਪੰਜਾਬ ਦੇ ਰਾਜਪੁਰਾ ਵਿੱਚ ਸਥਿਤ ਸੀ, ਜਿਸ ਨੂੰ ਵੀ ਅਡਾਨੀ ਨੇ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਹੁਣ ਹਿਮਾਚਲ ਵਿੱਚ ਅਡਾਨੀ ਗਰੁੱਪ ਦੇ ਸੀਮਿੰਟ ਉਦਯੋਗਾਂ ਵਿੱਚ ਵਾਧਾ ਹੋਇਆ ਹੈ। ਸੂਬੇ 'ਚ ਇਸ ਤੋਂ ਪਹਿਲਾਂ ਵੀ ਅਡਾਨੀ ਗਰੁੱਪ ਨੇ ਬਿਲਾਸਪੁਰ ਦੇ ਬਰਮਾਨਾ ਸਥਿਤ ACC ਸੀਮੈਂਟ ਪਲਾਂਟ ਨੂੰ ਖਰੀਦਿਆ ਸੀ। ਟਰੱਕ ਯੂਨੀਅਨ ਨਾਲ ਲੰਬੇ ਸਮੇਂ ਤੋਂ ਭਾੜੇ ਨੂੰ ਲੈ ਕੇ ਵਿਵਾਦ ਚੱਲ ਰਿਹਾ ਸੀ।
ਦਿੱਤਾ ਸੀ ਸੰਕੇਤ...ਜਲਦੀ ਦੇਖਣ ਨੂੰ ਮਿਲ ਸਕਦਾ ਬਦਲਾਅ
ਨਾਲਾਗੜ੍ਹ ਅਤੇ ਰਾਜਪੁਰਾ ਦੇ ਸੀਮਿੰਟ ਪਲਾਂਟਾਂ ਵਿੱਚ ਵੀ ਹੁਣ ਅਜਿਹਾ ਹੀ ਰੌਲਾ ਸੁਣਨ ਨੂੰ ਮਿਲ ਰਿਹਾ ਹੈ। ਹਰੀਸ਼ ਅਗਰਵਾਲ ਮਾਝੋਲੀ ਨਾਲਾਗੜ੍ਹ ਵਿਖੇ ਸਥਿਤ ਏਸ਼ੀਅਨ ਕੰਕਰੀਟ ਅਤੇ ਸੀਮੈਂਟ ਪਲਾਂਟ ਦਾ ਸੰਚਾਲਨ ਕਰ ਰਿਹਾ ਸੀ। ਉਨ੍ਹਾਂ ਨੇ ਕੁਝ ਦਿਨ ਪਹਿਲਾਂ ਇਹ ਸੰਕੇਤ ਵੀ ਦਿੱਤਾ ਸੀ ਕਿ ਜਲਦੀ ਹੀ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਨਾਲਾਗੜ੍ਹ ਦੇ ਮਝੋਲੀ ਵਿਖੇ ਸਥਿਤ ਸੀਮਿੰਟ ਪਲਾਂਟ ਤੋਂ ਉਤਪਾਦਨ ਲਗਾਤਾਰ ਘਟਾਇਆ ਜਾ ਰਿਹਾ ਸੀ। ਇੱਕ ਸਮੇਂ ਇੱਥੇ 500 ਤੋਂ ਵੱਧ ਮੁਲਾਜ਼ਮ ਸਨ ਪਰ ਕੰਪਨੀ ਨੇ ਪਹਿਲਾਂ ਕੁਝ ਕਾਰੋਬਾਰ ਪੰਜਾਬ ਦੇ ਰਾਜਪੁਰਾ ਵਿੱਚ ਸ਼ਿਫਟ ਕਰ ਦਿੱਤੇ ਅਤੇ ਫਿਰ ਨਾਲਾਗੜ੍ਹ ਪਲਾਂਟ ਤੋਂ ਕਈ ਮੁਲਾਜ਼ਮਾਂ ਨੂੰ ਬਦਲ ਦਿੱਤਾ ਗਿਆ। ਇਸ ਕਾਰਨ ਪਲਾਂਟ ਪੂਰੀ ਰਫ਼ਤਾਰ ਨਾਲ ਨਹੀਂ ਚੱਲ ਰਿਹਾ ਸੀ।
