Last Updated :
14 February 2024, 05:36 PM IST
Paytm ED enquiry: Paytm ਦੀਆਂ ਚਿੰਤਾਵਾਂ ਲਗਾਤਾਰ ਵਧਦੀਆਂ ਜਾ ਰਹੀਆਂ ਹਨ। RBI ਅਤੇ ਵਿੱਤ ਮੰਤਰਾਲੇ ਤੋਂ ਮਦਦ ਨਾ ਮਿਲਣ ਤੋਂ ਬਾਅਦ ਹੁਣ Paytm ਨੂੰ ED ਦੀ ਜਾਂਚ ਤੋਂ ਗੁਜ਼ਰਨਾ ਪਵੇਗਾ। ਵਿੱਤ ਮੰਤਰਾਲੇ ਨੇ ਇਹ ਪੂਰਾ ਮਾਮਲਾ ਈਡੀ ਨੂੰ ਭੇਜ ਦਿੱਤਾ ਸੀ। ਹੁਣ ਪੇਟੀਐਮ ਬੈਂਕ ਦੀਆਂ ਸਾਰੀਆਂ ਬੇਨਿਯਮੀਆਂ ਇੱਥੋਂ ਹੀ ਨਜ਼ਰ ਆਉਣਗੀਆਂ। ਤਾਜ਼ਾ ਰਿਪੋਰਟ ਦੇ ਅਨੁਸਾਰ, ਈਡੀ ਨੇ ਪੇਟੀਐਮ ਦੇ ਖਿਲਾਫ ਜਾਂਚ ਦੇ ਸਬੰਧ ਵਿੱਚ ਆਰਬੀਆਈ ਤੋਂ ਸਾਰੇ ਦਸਤਾਵੇਜ਼ ਮੰਗੇ ਹਨ।
ਪੇਟੀਐਮ ਨੇ ਹਾਲ ਹੀ ਵਿੱਚ ਇਸ ਗੱਲ ਤੋਂ ਇਨਕਾਰ ਕੀਤਾ ਸੀ ਕਿ ਕੰਪਨੀ ਜਾਂ ਸੰਸਥਾਪਕ ਵਿਜੇ ਸ਼ੇਖਰ ਸ਼ਰਮਾ ਕਿਸੇ ਜਾਂਚ ਦੇ ਅਧੀਨ ਨਹੀਂ ਹਨ। ਨਾਲ ਹੀ ਕਿਹਾ, "ਅਸੀਂ ਲਗਾਤਾਰ ਭਰੋਸਾ ਦਿੱਤਾ ਹੈ ਕਿ ਨਾ ਤਾਂ Paytm ਅਤੇ ਨਾ ਹੀ ਇਸ ਦਾ ਕੋਈ ਵੀ ਭਾਈਵਾਲ ਕਿਸੇ ਵੀ ਏਜੰਸੀ ਦੇ ਘੇਰੇ ਵਿੱਚ ਆਵੇਗਾ।"
ਵਿੱਤ ਮੰਤਰੀ ਨੇ ਮਦਦ ਕਰਨ ਤੋਂ ਕੀਤਾ ਇਨਕਾਰ
ਤੁਹਾਨੂੰ ਦੱਸ ਦੇਈਏ ਕਿ ਪੇਟੀਐਮ ਦੇ ਸੰਸਥਾਪਕ ਵਿਜੇ ਸ਼ੇਖਰ ਸ਼ਰਮਾ ਨੇ ਇਸ ਤੋਂ ਪਹਿਲਾਂ ਭਾਰਤੀ ਰਿਜ਼ਰਵ ਬੈਂਕ ਅਤੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨਾਲ ਗੱਲ ਕੀਤੀ ਸੀ। ਜਿੱਥੇ ਵਿੱਤ ਮੰਤਰੀ ਨੇ Paytm ਦੀ ਮਦਦ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਸਿਰਫ RBI ਹੀ ਇਸ ਮਾਮਲੇ ਨੂੰ ਦੇਖੇਗਾ। ਇਸ ਦੇ ਨਾਲ ਹੀ RBI ਨੇ Paytm ਨੂੰ ਰਿਆਇਤ ਦੇਣ ਤੋਂ ਵੀ ਸਾਫ਼ ਇਨਕਾਰ ਕਰ ਦਿੱਤਾ ਸੀ। ਆਰਬੀਆਈ ਨੇ ਸਪੱਸ਼ਟ ਕੀਤਾ ਸੀ ਕਿ 29 ਫਰਵਰੀ ਦੀ ਸਮਾਂ ਸੀਮਾ ਨਹੀਂ ਵਧਾਈ ਜਾਵੇਗੀ।
15 ਮਾਰਚ ਤੱਕ ਲੋਕ ਕੱਢਵਾ ਸਕਦੇ ਹਨ ਪੈਸੇ
ਜੇਕਰ ਤੁਸੀਂ ਅਜੇ ਵੀ ਇਸ ਗੱਲ ਨੂੰ ਲੈ ਕੇ ਉਲਝਣ ਵਿੱਚ ਹੋ ਕਿ ਤੁਸੀਂ ਪੇਟੀਐਮ ਦੀਆਂ ਕਿਹੜੀਆਂ ਸੇਵਾਵਾਂ ਦੀ ਵਰਤੋਂ ਕਰਨ ਦੇ ਯੋਗ ਹੋਵੋਗੇ ਅਤੇ ਕਿਹੜੀਆਂ ਨਹੀਂ, ਤਾਂ ਆਓ ਇਸ ਨੂੰ ਵੀ ਸਾਫ ਕਰੀਏ। ਪੇਟੀਐਮ ਪੇਮੈਂਟ ਬੈਂਕ 29 ਫਰਵਰੀ ਤੋਂ ਬਾਅਦ ਕੰਮ ਨਹੀਂ ਕਰੇਗਾ। ਗਾਹਕ 15 ਮਾਰਚ ਤੱਕ ਆਪਣੇ ਪੈਸੇ ਕਢਵਾ ਸਕਦੇ ਹਨ। ਡੈੱਡਲਾਈਨ ਤੋਂ ਬਾਅਦ ਬੈਂਕ ਵਾਲੇਟ ਦੀ ਵਰਤੋਂ ਵੀ ਨਹੀਂ ਕੀਤੀ ਜਾ ਸਕਦੀ ਹੈ।
ਜੇਕਰ ਤੁਹਾਡੀ ਕੋਈ ਵੀ EMI ਇਸ ਬੈਂਕ ਤੋਂ ਕੱਟੀ ਜਾਂਦੀ ਹੈ, ਤਾਂ ਤੁਹਾਨੂੰ ਇਸਨੂੰ ਕਿਸੇ ਹੋਰ ਬੈਂਕ ਵਿੱਚ ਟਰਾਂਸਫਰ ਕਰਵਾਉਣਾ ਹੋਵੇਗਾ। ਜੇਕਰ ਤੁਹਾਡਾ FASTag ਪੇਟੀਐਮ ਬੈਂਕ ਨਾਲ ਜੁੜਿਆ ਹੋਇਆ ਹੈ ਤਾਂ ਤੁਸੀਂ ਉਸ ਦੀ ਵਰਤੋਂ ਵੀ ਨਹੀਂ ਕਰ ਸਕੋਗੇ।
