Ludhiana : ਲੁਟੇਰਿਆਂ ਨੂੰ ਫੜ੍ਹਦੇ ਗੱਡੀ ਹੋਈ ਹਾਦਸੇ ਦਾ ਸ਼ਿਕਾਰ, ਇੱਕ ਦੀ ਮੌਤ, ASI ਸਮੇਤ 2 ਜਖ਼ਮੀ

Ludhiana ਵਿਖੇ ਕੋਰੀਅਰ ਦਾ ਕੰਮ ਕਰਨ ਵਾਲਾ ਹਰਦੀਪ ਸਿੰਘ ਘਰ ਜਾ ਰਿਹਾ ਸੀ ਤਾਂ ਉਸਨੇ ਦੇਖਿਆ ਕਿ ਰਾਹਗੀਰ ਨੂੰ ਲੁੱਟਿਆ ਜਾ ਰਿਹਾ ਸੀ। ਉਹ ਚੌਂਕੀ ਚੋਂ ਏਐਸਆਈ ਨੂੰ ਨਾਲ ਲੈ ਕੇ ਮੌਕੇ ਉਪਰ ਗਿਆ। ਇਸੇ ਦੌਰਾਨ ਹਾਦਸਾ ਹੋ ਗਿਆ ਤੇ ਹਰਦੀਪ ਵਿੱਕੀ ਦੀ ਮੌਤ ਹੋ ਗਈ। 

ਲੁਧਿਆਣਾ ( Ludhiana)  ਦੇ ਢੋਲੇਵਾਲ ਪੁਲ 'ਤੇ ਵਾਪਰੇ ਭਿਆਨਕ ਸੜਕ ਹਾਦਸੇ 'ਚ ਇਕ ਨੌਜਵਾਨ ਦੀ ਮੌਤ ਹੋ ਗਈ, ਜਦਕਿ ਇੱਕ ਏ.ਐੱਸ.ਆਈ ਸਮੇਤ ਦੋ ਵਿਅਕਤੀ ਜ਼ਖਮੀ ਹੋ ਗਏ। ਮੁੱਢਲੀ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਪੁਲ 'ਤੇ ਕੁਝ ਲੁਟੇਰਿਆਂ ਨੇ ਪੈਦਲ ਜਾ ਰਹੇ ਵਿਅਕਤੀ ਤੋਂ ਖੋਹ ਕੀਤੀ। ਜਿਸਤੋਂ ਬਾਅਦ ਪੁਲਿਸ ਸਮੇਤ ਲੁਟੇਰਿਆਂ ਦਾ ਪਿੱਛਾ ਕਰ ਰਹੀ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋ ਗਈ। 
ਮਦਦ ਲਈ ਗਿਆ ਸੀ ਪੁਲਿਸ ਚੌਂਕੀ 

ਜਾਣਕਾਰੀ ਦੇ ਅਨੁਸਾਰ ਕੋਰੀਅਰ ਦਾ ਕੰਮ ਕਰਨ ਵਾਲਾ ਹਰਦੀਪ ਵਿੱਕੀ ਇਕ ਗੱਡੀ 'ਚ ਘਟਨਾ ਵਾਲੀ ਥਾਂ ਤੋਂ ਲੰਘ ਰਿਹਾ ਸੀ। ਇਸੇ ਦੌਰਾਨ ਉਸਨੇ ਦੇਖਿਆ ਕਿ ਲੁਟੇਰੇ ਇੱਕ ਵਿਅਕਤੀ ਕੋਲੋਂ ਖੋਹ ਕਰ ਰਹੇ ਹਨ। ਉਸਨੇ ਤੁਰੰਤ ਨਜ਼ਦੀਕੀ ਪੁਲਿਸ ਚੌਕੀ ਨੂੰ ਸੂਚਨਾ ਦਿੱਤੀ। ਮੌਕੇ 'ਤੇ ਜਦੋਂ ਉਹ ਏ.ਐਸ.ਆਈ ਸਮੇਤ ਲੁਟੇਰਿਆਂ ਨੂੰ ਫੜਨ ਅਤੇ ਮੌਕਾ ਦਿਖਾਉਣ ਲਈ Ludhiana ਢੋਲੇਵਾਲ ਪੁਲ 'ਤੇ ਪਹੁੰਚੇ ਤਾਂ ਬੱਸ ਸਟੈਂਡ ਤੋਂ ਅਚਾਨਕ ਇਕ ਤੇਜ਼ ਰਫ਼ਤਾਰ ਐਂਡੇਵਰ ਕਾਰ ਨੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿੱਤੀ।

ਐਂਡੇਵਰ ਦੀ ਰਫ਼ਤਾਰ ਤੇਜ਼ ਸੀ

ਕਾਰ ਇੰਨੀ ਤੇਜ਼ ਰਫਤਾਰ ਨਾਲ ਜਾ ਰਹੀ ਸੀ ਕਿ ਪਹਿਲਾਂ ਡਿਵਾਈਡਰ ਨਾਲ ਟਕਰਾ ਗਈ ਅਤੇ ਫਿਰ ਬੇਕਾਬੂ ਹੋ ਗਈ ਅਤੇ ਘਟਨਾ ਵਾਲੀ ਥਾਂ ਨੇੜੇ ਵੈਨਯੂ ਕਾਰ ਨਾਲ ਜਾ ਟਕਰਾਈ। ਜਿਸ ਵਿੱਚ ਹਰਦੀਪ ਵਿੱਕੀ ਦੀ ਮੌਤ ਹੋ ਗਈ, ਉਸਦਾ ਦੋਸਤ ਰਾਹੁਲ ਅਤੇ ਏਐਸਆਈ ਜਸਬੀਰ ਸਿੰਘ ਜ਼ਖ਼ਮੀ ਹੋ ਗਏ। 

ਮੌਤ ਲੈ ਆਈ ਘਟਨਾ ਵਾਲੀ ਥਾਂ 

ਹਰਦੀਪ ਵਿੱਕੀ ਆਪਣੇ ਦੋਸਤ ਰਾਹੁਲ ਨਾਲ ਕੰਮ ਖਤਮ ਕਰਕੇ ਘਰ ਪਰਤ ਰਿਹਾ ਸੀ। ਇਸ ਦੌਰਾਨ ਢੋਲੇਵਾਲ ਪੁਲ 'ਤੇ ਲੁਟੇਰੇ ਇੱਕ ਰਾਹਗੀਰ ਨੂੰ ਲੁੱਟ ਰਹੇ ਸਨ। ਹਰਦੀਪ ਪੈਦਲ ਯਾਤਰੀ ਦੀ ਮਦਦ ਲਈ ਜਨਕਪੁਰੀ ਚੌਂਕੀ ਗਿਆ। ਜਦੋਂ ਉਹ ਇੱਥੋਂ ਏਐਸਆਈ ਨਾਲ ਮੌਕੇ ’ਤੇ ਪੁੱਜੇ ਤਾਂ ਸਾਹਮਣੇ ਤੋਂ ਆ ਰਹੀ ਇੱਕ ਤੇਜ਼ ਰਫ਼ਤਾਰ ਐਂਡੇਵਰ ਕਾਰ ਨੇ ਟੱਕਰ ਮਾਰ ਦਿੱਤੀ। ਜਿਸ ਵਿੱਚ ਵਿੱਕੀ ਦੀ ਮੌਤ ਹੋ ਗਈ।

• 

  ਅਹਿਮਦ ਦੀ ਲਾਸ਼ 18 ਦਿਨਾਂ ਬਾਅਦ ਸਹਾਰਨਪੁਰ ਵਿੱਚ ਮਿਲੀ, ਤਿੰਨ ਟੁਕੜਿਆਂ ਵਿੱਚ ਕੱਟੀ ਹੋਈ; ਉਸਦੇ ਦੋਸਤ ਫਰਹਾਨ ਨੇ ਉਸਨੂੰ ਕਿਉਂ ਮਾਰਿਆ?

  Crime

• 

  ਤਿੰਨ ਬਦਮਾਸ਼ਾਂ ਨੇ ਮਹਿਲਾ ਨੂੰ 45 ਵਾਰ ਮਾਰਿਆ ਚਾਕੂ, ਪਤਨੀ ਦੀਆਂ ਚੀਕਾਂ ਸੁਣਦਾ ਰਿਹਾ ਪਤੀ, ਫਿਰ ਸਾਹਮਣੇ ਆਇਆ ਹੈਰਾਨ ਕਰਨ ਵਾਲਾ ਸੱਚ

  Crime

• 

  ਇਟਲੀ ਵਿੱਚ ਵੱਡੀ ਮੁਸੀਬਤ, ਜਾਰਜੀਆ ਮੇਲੋਨੀ ਸਮੇਤ ਕਈ ਮਹਿਲਾ ਸਿਆਸਤਦਾਨ ਅਸ਼ਲੀਲ ਨਕਲੀ ਤਸਵੀਰਾਂ ਦੀ ਸਾਜ਼ਿਸ਼ ਦਾ ਸ਼ਿਕਾਰ

  Crime

• 

  ਕਲਾਸਰੂਮ 'ਚ ਗੂੰਜੀਆਂ ਚੀਕਾਂ, ਅਹਿਦਮਾਬਾਦ ਦੇ ਇੱਕ ਸਕੂਲ 'ਚ 8ਵੀਂ ਵਿਦਿਆਰਥੀ ਦਾ Murder

  Crime

• 

  'ਆਪ੍ਰੇਸ਼ਨ ਹਨੀਮੂਨ' ਵਿੱਚ ਹੈਰਾਨ ਕਰਨ ਵਾਲਾ ਖੁਲਾਸਾ, ਸੋਨਮ ਆਪਣੇ ਪਤੀ ਰਾਜਾ ਦੀ ਹੱਤਿਆ ਕਰਨ ਤੋਂ ਬਾਅਦ ਇੰਦੌਰ ਵਿੱਚ ਆਪਣੇ ਪ੍ਰੇਮੀ ਨਾਲ ਸਮਾਂ ਬਿਤਾ ਰਹੀ ਸੀ!

  Crime