ਬਾਊਂਸਰ ਦੀ ਪ੍ਰੇਮ ਕਹਾਣੀ ਦਾ ਖੌਫਨਾਕ ਅੰਤ, ਵਿਆਹ ਤੋਂ ਮੁਕਰੀ ਪ੍ਰੇਮਿਕਾ, ਬਾਊਂਸਰ ਨੇ ਜ਼ਹਿਰ ਖਾ ਕੇ ਕੀਤੀ ਆਤਮਹੱਤਿਆ 

ਰਿਸ਼ਤੇ ਦੀ ਗੱਲ ਕਰਨ ਗਏ ਪਿਉ ਨੂੰ ਬੁਰਾ ਭਲਾ ਬੋਲ ਕੇ ਤੇ ਜਾਤੀ ਪ੍ਰਤੀ ਤਾਅਨੇ ਮਾਰ ਕੇ ਘਰੋਂ ਬਾਹਰ ਕੱਢ ਦਿੱਤਾ ਸੀ। ਇਸ ਕਰਕੇ ਵੀ ਬਾਊਂਸਰ ਕਾਫੀ ਦੁਖੀ ਸੀ। 

ਲੁਧਿਆਣਾ ਦੇ ਜਗਰਾਉਂ ਦੇ ਪਿੰਡ ਮੁੱਲਾਂਪੁਰ ’ਚ ਇੱਕ ਬਾਊਂਸਰ ਦੀ ਪ੍ਰੇਮ ਕਹਾਣੀ ਦਾ ਖੌਫਨਾਕ ਅੰਤ ਹੋਇਆ। ਪਿਆਰ ਦੀ ਇਸ ਜੰਗ 'ਚ ਬਾਊਂਸਰ ਨੂੰ ਆਪਣੀ ਜਾਨ ਦੇਣੀ ਪਈ ਤੇ ਆਖਰਕਾਰ ਉਹ ਆਪਣੀ ਪ੍ਰੇਮਿਕਾ ਨਾਲ ਵਿਆਹ ਕਰਾਉਣ ਦੀ ਇੱਛਾ ਪੂਰੀ ਨਹੀਂ ਕਰ ਸਕਿਆ। ਪ੍ਰੇਮਿਕਾ ਵਿਆਹ ਕਰਾਉਣ ਲਈ ਰਾਜ਼ੀ ਨਹੀਂ ਹੋਈ। ਬਾਊਂਸਰ ਨੇ ਜ਼ਹਿਰ ਖਾ ਤੇ ਆਤਮਹੱਤਿਆ ਕਰ ਲਈ। ਮ੍ਰਿਤਕ ਦੀ ਪਛਾਣ ਪਵਨਪ੍ਰੀਤ ਸਿੰਘ ਵਜੋਂ ਹੋਈ। 

ਬਾਊਂਸਰ ਦੇ ਪਿਤਾ ਦੀ ਬੇਇੱਜ਼ਤੀ ਕੀਤੀ 

ਥਾਣਾ ਮੁਖੀ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਪਵਨਪ੍ਰੀਤ ਕਈ ਸਾਲਾਂ ਤੋਂ ਕਿਰਨਦੀਪ ਕੌਰ ਨਾਲ ਪ੍ਰੇਮ ਸਬੰਧਾਂ ਵਿੱਚ ਸੀ। ਕੁੱਝ ਲੋਕਾਂ ਨੇ ਲੜਕੀ ਦੇ ਪਰਿਵਾਰ ਨੂੰ ਪਵਨਪ੍ਰੀਤ ਬਾਰੇ ਗ਼ਲਤ ਜਾਣਕਾਰੀ ਦਿੱਤੀ। ਇਸ ਤੋਂ ਬਾਅਦ ਕੁੜੀ ਅਤੇ ਉਸਦੇ ਪਰਿਵਾਰ ਨੇ ਰਿਸ਼ਤਾ ਤੋੜ ਦਿੱਤਾ। ਜਦੋਂ ਪਵਨਪ੍ਰੀਤ ਦੇ ਪਿਤਾ ਰਣਜੀਤ ਸਿੰਘ ਗੱਲ ਕਰਨ ਗਏ ਤਾਂ ਕੁੜੀ ਦੇ ਪਰਿਵਾਰ ਨੇ ਜਾਤ ਦੇ ਆਧਾਰ ’ਤੇ ਬੇਇੱਜ਼ਤੀ ਕੀਤੀ ਅਤੇ ਘਰੋਂ ਕੱਢ ਦਿੱਤਾ। ਇਸ ਘਟਨਾ ਤੋਂ ਪਵਨਪ੍ਰੀਤ ਬਹੁਤ ਦੁਖੀ ਸੀ। ਇਸ ਦੌਰਾਨ ਕੁੜੀ ਦੇ ਭਰਾ ਨੇ ਪਵਨਪ੍ਰੀਤ ਨੂੰ ਇਕੱਲੇ ਮਿਲਣ ਲਈ ਬੁਲਾਇਆ। ਕੁੱਝ ਸਮੇਂ ਬਾਅਦ ਪਰਿਵਾਰ ਨੂੰ ਸੂਚਨਾ ਮਿਲੀ ਕਿ ਪਵਨਪ੍ਰੀਤ ਨੇ ਜ਼ਹਿਰੀਲੀ ਦਵਾਈ ਖਾ ਲਈ ਹੈ। ਉਸਨੂੰ ਗੰਭੀਰ ਹਾਲਤ ਵਿੱਚ ਪਹਿਲਾਂ ਲੁਧਿਆਣਾ ਅਤੇ ਫਿਰ ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਗਿਆ। ਪਰ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ। 

8 ਜਣਿਆਂ ਖਿਲਾਫ ਕੇਸ ਦਰਜ 

ਮ੍ਰਿਤਕ ਦੇ ਪਿਤਾ ਦੀ ਸ਼ਿਕਾਇਤ ’ਤੇ ਪੁਲਿਸ ਨੇ ਲੜਕੀ ਅਤੇ ਉਸਦੇ ਪਰਿਵਾਰ ਸਮੇਤ ਅੱਠ ਲੋਕਾਂ ਵਿਰੁੱਧ ਮਾਮਲਾ ਦਰਜ ਕੀਤਾ। ਜਿਨ੍ਹਾਂ ਵਿੱਚ ਪਿੰਡ ਹਲਵਾਰਾ ਦੀ ਰਹਿਣ ਵਾਲੀ ਕਿਰਨਦੀਪ ਕੌਰ, ਉਸਦੇ ਪਿਤਾ ਰਾਜਿੰਦਰ ਸਿੰਘ ਉਰਫ਼ ਰਾਜਾ, ਭਰਾ ਗੁਰਚਰਨ ਸਿੰਘ ਉਰਫ਼ ਚੰਨਾ, ਮਾਂ, ਭੈਣਾਂ ਤੋਂ ਇਲਾਵਾ ਪਿੰਡ ਦਾ ਸਰਪੰਚ ਸੁਖਵਿੰਦਰ ਸਿੰਘ ਅਤੇ ਪਟਵਾਰੀ ਕੁਲਦੀਪ ਸਿੰਘ ਸ਼ਾਮਲ ਹਨ। ਪੁਲਿਸ ਨੇ ਮ੍ਰਿਤਕ ਦਾ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਸੀ। 

• 

  ਅਹਿਮਦ ਦੀ ਲਾਸ਼ 18 ਦਿਨਾਂ ਬਾਅਦ ਸਹਾਰਨਪੁਰ ਵਿੱਚ ਮਿਲੀ, ਤਿੰਨ ਟੁਕੜਿਆਂ ਵਿੱਚ ਕੱਟੀ ਹੋਈ; ਉਸਦੇ ਦੋਸਤ ਫਰਹਾਨ ਨੇ ਉਸਨੂੰ ਕਿਉਂ ਮਾਰਿਆ?

  Crime

• 

  ਤਿੰਨ ਬਦਮਾਸ਼ਾਂ ਨੇ ਮਹਿਲਾ ਨੂੰ 45 ਵਾਰ ਮਾਰਿਆ ਚਾਕੂ, ਪਤਨੀ ਦੀਆਂ ਚੀਕਾਂ ਸੁਣਦਾ ਰਿਹਾ ਪਤੀ, ਫਿਰ ਸਾਹਮਣੇ ਆਇਆ ਹੈਰਾਨ ਕਰਨ ਵਾਲਾ ਸੱਚ

  Crime

• 

  ਇਟਲੀ ਵਿੱਚ ਵੱਡੀ ਮੁਸੀਬਤ, ਜਾਰਜੀਆ ਮੇਲੋਨੀ ਸਮੇਤ ਕਈ ਮਹਿਲਾ ਸਿਆਸਤਦਾਨ ਅਸ਼ਲੀਲ ਨਕਲੀ ਤਸਵੀਰਾਂ ਦੀ ਸਾਜ਼ਿਸ਼ ਦਾ ਸ਼ਿਕਾਰ

  Crime

• 

  ਕਲਾਸਰੂਮ 'ਚ ਗੂੰਜੀਆਂ ਚੀਕਾਂ, ਅਹਿਦਮਾਬਾਦ ਦੇ ਇੱਕ ਸਕੂਲ 'ਚ 8ਵੀਂ ਵਿਦਿਆਰਥੀ ਦਾ Murder

  Crime

• 

  'ਆਪ੍ਰੇਸ਼ਨ ਹਨੀਮੂਨ' ਵਿੱਚ ਹੈਰਾਨ ਕਰਨ ਵਾਲਾ ਖੁਲਾਸਾ, ਸੋਨਮ ਆਪਣੇ ਪਤੀ ਰਾਜਾ ਦੀ ਹੱਤਿਆ ਕਰਨ ਤੋਂ ਬਾਅਦ ਇੰਦੌਰ ਵਿੱਚ ਆਪਣੇ ਪ੍ਰੇਮੀ ਨਾਲ ਸਮਾਂ ਬਿਤਾ ਰਹੀ ਸੀ!

  Crime