Last Updated :
14 June 2026, 02:10 PM IST
Courtesy: @shwetasinghkirti
ਮੁੰਬਈ: ਬਾਲੀਵੁੱਡ ਦੇ ਪ੍ਰਤਿਭਾਸ਼ਾਲੀ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਹੁਣ ਇਸ ਦੁਨੀਆ ਵਿੱਚ ਨਹੀਂ ਹਨ। ਉਨ੍ਹਾਂ ਨੂੰ ਇਸ ਦੁਨੀਆ ਤੋਂ ਵਿਛੜੇ ਅੱਜ ਛੇ ਸਾਲ ਪੂਰੇ ਹੋ ਗਏ ਹਨ। 14 ਜੂਨ 2020 'ਚ ਸੁਸਾਈਡ ਕਰ ਉਨ੍ਹਾਂ ਨੇ ਮੌਤ ਨੂੰ ਗਲ੍ਹ ਲਾ ਲਿਆ ਸੀ। ਸੁਸ਼ਾਂਤ ਦੇ ਅਚਾਨਕ ਦੇਹਾਂਤ ਦੀ ਖ਼ਬਰ ਨੇ ਨਾ ਸਿਰਫ਼ ਫਿਲਮ ਇੰਡਸਟਰੀ ਨੂੰ, ਸਗੋਂ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਅੱਜ ਉਨ੍ਹਾਂ ਦੀ ਛੇਵੀਂ ਬਰਸੀ ਮੌਕੇ ਪਰਿਵਾਰ, ਦੋਸਤਾਂ ਅਤੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਯਾਦ ਕਰਦੇ ਨਜ਼ਰ ਆ ਰਹੇ ਹਨ।
ਭੈਣ ਨੇ ਸਾਂਝਾ ਕੀਤਾ ਭਾਵੁਕ ਨੋਟ
'ਪਿਆਰ ਸਮੇਂ ਦੀਆਂ ਪਾਬੰਦੀਆਂ ਦਾ ਪਾਲਣ ਨਹੀਂ ਕਰਦਾ'
ਸ਼ਵੇਤਾ ਨੇ ਆਪਣੀ ਪੋਸਟ ਵਿੱਚ ਅੱਗੇ ਲਿਖਿਆ, " ਇਨ੍ਹਾਂ ਸਾਲਾਂ ਦੌਰਾਨ, ਮੈਨੂੰ ਇੱਕ ਸੁੰਦਰ ਚੀਜ਼ ਦਾ ਅਹਿਸਾਸ ਹੋਇਆ ਹੈ- ਪਿਆਰ ਸਮੇਂ ਦੀਆਂ ਪਾਬੰਦੀਆਂ ਦਾ ਪਾਲਣ ਨਹੀਂ ਕਰਦਾ। ਭਾਵੇਂ ਇੱਕ ਭੌਤਿਕ ਰੂਪ ਸਾਡੀ ਨਜ਼ਰ ਤੋਂ ਅਲੋਪ ਹੋ ਸਕਦਾ ਹੈ, ਇੱਕ ਸੁੰਦਰ ਆਤਮਾ ਦਾ ਪ੍ਰਭਾਵ ਅਣਗਿਣਤ ਜੀਵਨਾਂ ਵਿੱਚ ਹਮੇਸ਼ਾ ਲਈ ਰਹਿੰਦਾ ਹੈ। ਹਰ ਵਾਰ ਜਦੋਂ ਕੋਈ ਗੁੱਸੇ ਉੱਤੇ ਹਮਦਰਦੀ, ਅਗਿਆਨਤਾ ਉੱਤੇ ਸਿੱਖਣ, ਨਿਰਾਸ਼ਾ ਉੱਤੇ ਉਮੀਦ, ਜਾਂ ਫੈਸਲੇ ਉੱਤੇ ਪਿਆਰ ਨੂੰ ਚੁਣਦਾ ਹੈ, ਤਾਂ 'ਭਾਈ' ਦੁਆਰਾ ਖੜ੍ਹੇ ਕੀਤੇ ਗਏ ਮੁੱਲਾਂ ਦਾ ਇੱਕ ਛੋਟਾ ਜਿਹਾ ਹਿੱਸਾ ਜ਼ਿੰਦਾ ਹੋ ਜਾਂਦਾ ਹੈ।"
'ਦਿਆਲੂ ਬਣੋ, ਅਤੇ ਸਿੱਖਦੇ ਰਹੋ'
ਆਪਣੇ ਸੁਨੇਹੇ ਨੂੰ ਸਮਾਪਤ ਕਰਦੇ ਹੋਏ ਸ਼ਵੇਤਾ ਨੇ ਲਿਖਿਆ, "ਮੇਰੇ ਭਰਾ ਲਈ ਸਭ ਤੋਂ ਵੱਡੀ ਸ਼ਰਧਾਂਜਲੀ ਦੁੱਖ ਨਹੀਂ ਹੈ, ਸਗੋਂ ਉਨ੍ਹਾਂ ਕਦਰਾਂ-ਕੀਮਤਾਂ ਨੂੰ ਅਪਣਾਉਣਾ ਹੈ ਜਿਨ੍ਹਾਂ ਲਈ ਉਹ ਖੜ੍ਹਾ ਸੀ। ਉਤਸੁਕ ਰਹੋ, ਦਿਆਲੂ ਬਣੋ, ਅਤੇ ਸਿੱਖਦੇ ਰਹੋ। ਨਿਡਰ ਹੋ ਕੇ ਸੁਪਨੇ ਦੇਖੋ ਅਤੇ ਉਨ੍ਹਾਂ ਸੁਪਨਿਆਂ ਨੂੰ ਹਕੀਕਤ ਬਣਾਉਣ ਦੀ ਕੋਸ਼ਿਸ਼ ਕਰੋ। ਦੁਨੀਆ ਨੂੰ ਆਪਣੇ ਉੱਤੇ ਇੰਨਾ ਅਧਿਕਾਰ ਨਾ ਦਿਓ ਕਿ ਇਹ ਤੁਹਾਡੇ ਦਿਲ ਨੂੰ ਸਖ਼ਤ ਕਰ ਦੇਵੇ। ਜ਼ਿੰਦਗੀ ਦਾ ਅਸਲ ਮਾਪ ਇਸਦੀ ਲੰਬਾਈ ਨਹੀਂ ਹੈ, ਸਗੋਂ ਇਸਨੇ ਕਿੰਨੇ ਦਿਲਾਂ ਨੂੰ ਛੂਹਿਆ ਹੈ ਅਤੇ ਇਸ ਮਾਪ ਨਾਲ, ਮੇਰਾ ਭਰਾ ਜਿਉਂਦਾ ਰਹਿੰਦਾ ਹੈ। ਤੁਸੀਂ ਹਮੇਸ਼ਾ ਲੱਖਾਂ ਲੋਕਾਂ ਨੂੰ ਪ੍ਰੇਰਿਤ ਕਰੋਗੇ, ਭਰਾ। ਤੁਹਾਨੂੰ ਹਮੇਸ਼ਾ ਪਿਆਰ ਕੀਤਾ ਜਾਵੇਗਾ ਅਤੇ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।"
ਭਰਾ ਦੀ ਯਾਦ ਵਿੱਚ ਕੀਤਾ ਗਿਆ ਸ਼ਵੇਤਾ ਦਾ ਇਹ ਪੋਸਟ ਸੋਸ਼ਲ ਮੀਡੀਆ ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਤੇ ਉਪਭੋਗਤਾ ਵੀ ਕੁਮੇਂਟ ਕਰਦੇ ਹੋਏ ਸੁਸ਼ਾਂਤ ਨੂੰ ਯਾਦ ਕਰ ਰਹੇ ਹਨ।
ਸੁਸ਼ਾਂਤ ਦਾ ਸਫਲ ਫਿਲਮੀ ਸਫ਼ਰ
ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਆਪਣੇ ਕਰੀਅਰ ਦੌਰਾਨ ਕਈ ਯਾਦਗਾਰ ਫਿਲਮਾਂ ਵਿੱਚ ਕੰਮ ਕੀਤਾ। ਉਨ੍ਹਾਂ ਨੇ ਕਈ ਪ੍ਰਸਿੱਧ ਫਿਲਮਾਂ ਰਾਹੀਂ ਆਪਣੀ ਵੱਖਰੀ ਪਛਾਣ ਬਣਾਈ ਅਤੇ ਇੱਕ ਪ੍ਰਤਿਭਾਸ਼ਾਲੀ ਅਦਾਕਾਰ ਵਜੋਂ ਮਾਣ ਹਾਸਲ ਕੀਤਾ। ਸੁਸ਼ਾਂਤ ਸਿੰਘ ਦੀ ਆਖਰੀ ਮੂਵੀ ਦਿਲ ਬੇਚਾਰਾ ਸੀ, ਜਿਸਨੂੰ ਲੋਕਾਂ ਨੇ ਖੂਬ ਪਿਆਰ ਦਿੱਤਾ ਸੀ।
ਪ੍ਰਸ਼ੰਸਕਾਂ ਦੇ ਦਿਲਾਂ ਵਿੱਚ ਅੱਜ ਵੀ ਮੌਜੂਦ
ਛੇ ਸਾਲ ਬੀਤ ਜਾਣ ਦੇ ਬਾਵਜੂਦ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਲੋਕਪ੍ਰਿਯਤਾ ਵਿੱਚ ਕੋਈ ਕਮੀ ਨਹੀਂ ਆਈ। ਸੋਸ਼ਲ ਮੀਡੀਆ 'ਤੇ ਅੱਜ ਵੀ ਲੱਖਾਂ ਪ੍ਰਸ਼ੰਸਕ ਉਨ੍ਹਾਂ ਨੂੰ ਯਾਦ ਕਰਦੇ ਹਨ ਅਤੇ ਉਨ੍ਹਾਂ ਦੀਆਂ ਫਿਲਮਾਂ, ਵਿਚਾਰਾਂ ਅਤੇ ਸ਼ਖਸੀਅਤ ਨੂੰ ਸਤਿਕਾਰ ਨਾਲ ਯਾਦ ਕਰਦੇ ਹਨ।
