ਯੂਕਰੇਨ ਦੇ ਰਾਸ਼ਟਰਪਤੀ ਨਾਲ ਬਹਿਸ ਮਗਰੋਂ ਹੁਣ ਟਰੰਪ ਨੇ ਰੂਸ ਨੂੰ ਦਿੱਤੀ ਚੇਤਾਵਨੀ

ਉਨ੍ਹਾਂ ਕਿਹਾ ਹੈ ਕਿ ਅਮਰੀਕਾ ਇਨ੍ਹਾਂ ਪਾਬੰਦੀਆਂ ਨੂੰ ਉਦੋਂ ਤੱਕ ਬਰਕਰਾਰ ਰੱਖੇਗਾ ਜਦੋਂ ਤੱਕ ਯੂਕਰੇਨ ਨਾਲ ਜੰਗਬੰਦੀ ਅਤੇ ਸ਼ਾਂਤੀ ਸਮਝੌਤਾ ਨਹੀਂ ਹੋ ਜਾਂਦਾ। "ਇਸ ਤੱਥ ਨੂੰ ਦੇਖਦੇ ਹੋਏ ਕਿ ਰੂਸ ਇਸ ਸਮੇਂ ਯੂਕਰੇਨ 'ਤੇ 'ਧੱਕਾ' ਮਾਰ ਰਿਹਾ ਹੈ, ਮੈਂ ਇਸ ਸਮੇਂ ਰੂਸ 'ਤੇ ਭਾਰੀ ਬੈਂਕਿੰਗ ਪਾਬੰਦੀਆਂ ਅਤੇ ਟੈਰਿਫ ਲਗਾਉਣ 'ਤੇ ਗੰਭੀਰਤਾ ਨਾਲ ਵਿਚਾਰ ਕਰ ਰਿਹਾ ਹਾਂ ਜਦੋਂ ਤੱਕ ਜੰਗਬੰਦੀ ਅਤੇ ਸ਼ਾਂਤੀ ਲਈ ਅੰਤਿਮ ਸਮਝੌਤਾ ਨਹੀਂ ਹੋ ਜਾਂਦਾ,।

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਿਛਲੇ ਹਫ਼ਤੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨਾਲ ਹੋਈ ਗਰਮ ਬਹਿਸ ਤੋਂ ਬਾਅਦ ਹੁਣ ਰੂਸ ਵਿਰੁੱਧ ਪਾਬੰਦੀਆਂ ਲਗਾਉਣ ਦੀ ਚੇਤਾਵਨੀ ਦਿੱਤੀ ਹੈ। ਦੱਸ ਦੇਈਏ ਕਿ ਬੀਤੀ ਰਾਤ ਯੂਕਰੇਨ 'ਤੇ ਹੋਏ ਹਮਲੇ ਤੋਂ ਬਾਅਦ, ਟਰੰਪ ਨੇ ਕਿਹਾ ਹੈ ਕਿ ਉਹ ਰੂਸ ਵਿਰੁੱਧ "ਵੱਡੇ" ਪਾਬੰਦੀਆਂ ਅਤੇ ਟੈਰਿਫ ਲਗਾਉਣ 'ਤੇ ਵਿਚਾਰ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਹੈ ਕਿ ਅਮਰੀਕਾ ਇਨ੍ਹਾਂ ਪਾਬੰਦੀਆਂ ਨੂੰ ਉਦੋਂ ਤੱਕ ਬਰਕਰਾਰ ਰੱਖੇਗਾ ਜਦੋਂ ਤੱਕ ਯੂਕਰੇਨ ਨਾਲ ਜੰਗਬੰਦੀ ਅਤੇ ਸ਼ਾਂਤੀ ਸਮਝੌਤਾ ਨਹੀਂ ਹੋ ਜਾਂਦਾ। "ਇਸ ਤੱਥ ਨੂੰ ਦੇਖਦੇ ਹੋਏ ਕਿ ਰੂਸ ਇਸ ਸਮੇਂ ਯੂਕਰੇਨ 'ਤੇ 'ਧੱਕਾ' ਮਾਰ ਰਿਹਾ ਹੈ, ਮੈਂ ਇਸ ਸਮੇਂ ਰੂਸ 'ਤੇ ਭਾਰੀ ਬੈਂਕਿੰਗ ਪਾਬੰਦੀਆਂ ਅਤੇ ਟੈਰਿਫ ਲਗਾਉਣ 'ਤੇ ਗੰਭੀਰਤਾ ਨਾਲ ਵਿਚਾਰ ਕਰ ਰਿਹਾ ਹਾਂ ਜਦੋਂ ਤੱਕ ਜੰਗਬੰਦੀ ਅਤੇ ਸ਼ਾਂਤੀ ਲਈ ਅੰਤਿਮ ਸਮਝੌਤਾ ਨਹੀਂ ਹੋ ਜਾਂਦਾ,।

ਜ਼ੇਲੇਂਸਕੀ ਨਾਲ ਟਰੰਪ ਦੀ ਹੋਈ ਸੀ ਤਿੱਖੀ ਬਹਿਸ

ਪਿਛਲੇ ਹਫ਼ਤੇ ਡੋਨਾਲਡ ਟਰੰਪ ਅਤੇ ਯੂਕਰੇਨ ਦੇ ਰਾਸ਼ਟਰਪਤੀ ਵਿਚਕਾਰ ਗਰਮਾ-ਗਰਮ ਬਹਿਸ ਹੋਈ। ਦੋਵਾਂ ਨੇਤਾਵਾਂ ਵਿਚਕਾਰ ਝਗੜਾ ਇੰਨਾ ਵੱਧ ਗਿਆ ਕਿ ਜ਼ੇਲੇਂਸਕੀ ਨੂੰ ਖਣਿਜ ਸਮਝੌਤੇ 'ਤੇ ਦਸਤਖਤ ਤੇ ਬਿਨਾਂ ਯੂਕਰੇਨ ਵਾਪਸ ਜਾਣਾ ਪਿਆ। ਓਵਲ ਹਾਊਸ ਵਿੱਚ ਮੀਡੀਆ ਦੇ ਸਾਹਮਣੇ ਹੋਈ ਇਸ ਬਹਿਸ ਵਿੱਚ ਟਰੰਪ ਨੇ ਕਿਹਾ ਸੀ ਕਿ ਜ਼ੇਲੇਂਸਕੀ, ਤੁਸੀਂ ਲੱਖਾਂ ਜਾਨਾਂ ਨਾਲ ਖੇਡ ਰਹੇ ਹੋ। ਤੁਹਾਡਾ ਦੇਸ਼ ਖ਼ਤਰੇ ਵਿੱਚ ਹੈ ਪਰ ਤੁਸੀਂ ਸਮਝ ਨਹੀਂ ਪਾਉਂਦੇ। ਤੁਹਾਨੂੰ ਅੰਤ ਵਿੱਚ ਰੂਸ ਨਾਲ ਸਮਝੌਤਾ ਕਰਨਾ ਪਵੇਗਾ।