Last Updated :
18 July 2026, 12:20 PM IST
Courtesy: Credit: OpenAI
ਟਰੰਪ ਨੇ ਇਹ ਟਿੱਪਣੀ ਫੀਫਾ ਪ੍ਰਧਾਨ ਗਿਆਨੀ ਇਨਫਾਂਟੀਨੋ ਦੀ ਮੌਜੂਦਗੀ ਵਿੱਚ ਕੀਤੀ। ਉਨ੍ਹਾਂ ਦੇ ਇਸ ਬਿਆਨ 'ਤੇ ਸਮਾਗਮ ਵਿੱਚ ਮੌਜੂਦ ਲੋਕ ਮੁਸਕਰਾਉਂਦੇ ਨਜ਼ਰ ਆਏ। ਇਸ ਤੋਂ ਬਾਅਦ ਟਰੰਪ ਨੇ ਹਲਕੇ-ਫੁਲਕੇ ਅੰਦਾਜ਼ ਵਿੱਚ ਕਿਹਾ ਕਿ ਜੇਕਰ ਅਮਰੀਕਾ ਇਕੱਲਾ ਮੇਜ਼ਬਾਨੀ ਨਾ ਕਰ ਸਕੇ ਤਾਂ ਚੀਨ ਨਾਲ ਸਾਂਝੇ ਤੌਰ 'ਤੇ ਟੂਰਨਾਮੈਂਟ ਕਰਵਾਉਣਾ ਵੀ ਇੱਕ ਵਿਕਲਪ ਹੋ ਸਕਦਾ ਹੈ। ਉਨ੍ਹਾਂ ਮਜ਼ਾਕ ਵਿੱਚ ਕਿਹਾ ਕਿ ਇਸ ਨਾਲ ਮੈਚਾਂ ਵਿਚਕਾਰ ਯਾਤਰਾ ਦੀ ਦੂਰੀ ਵੀ ਘੱਟ ਰਹੇਗੀ, ਜਿਸ 'ਤੇ ਹਾਲ ਵਿੱਚ ਮੌਜੂਦ ਲੋਕ ਹੱਸ ਪਏ।
ਸਮਾਗਮ ਦੌਰਾਨ ਫੀਫਾ ਪ੍ਰਧਾਨ ਗਿਆਨੀ ਇਨਫਾਂਟੀਨੋ ਨੇ ਅਮਰੀਕੀ ਪ੍ਰਸ਼ਾਸਨ ਦੀ ਭੂਮਿਕਾ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ 2026 ਦਾ ਫੀਫਾ ਵਰਲਡ ਕੱਪ "ਅਮਰੀਕਨ ਡ੍ਰੀਮ" ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ ਅਤੇ ਇਸ ਦੇ ਸਫ਼ਲ ਆਯੋਜਨ ਵਿੱਚ ਅਮਰੀਕੀ ਸਰਕਾਰ ਦਾ ਮਹੱਤਵਪੂਰਨ ਯੋਗਦਾਨ ਰਿਹਾ ਹੈ।
ਟਰੰਪ ਅਤੇ ਇਨਫਾਂਟੀਨੋ ਦੇ ਸਬੰਧ ਪਹਿਲਾਂ ਵੀ ਚਰਚਾ ਵਿੱਚ ਰਹੇ ਹਨ। ਕੁਝ ਸਮਾਂ ਪਹਿਲਾਂ ਟਰੰਪ ਨੇ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੇ ਅਮਰੀਕੀ ਫੁੱਟਬਾਲਰ ਫੋਲਾਰਿਨ ਬਾਲੋਗੁਨ 'ਤੇ ਲੱਗੇ ਰੈੱਡ ਕਾਰਡ ਨਿਲੰਬਨ ਨੂੰ ਹਟਾਉਣ ਲਈ ਇਨਫਾਂਟੀਨੋ ਨਾਲ ਗੱਲ ਕੀਤੀ ਸੀ। ਬਾਅਦ ਵਿੱਚ ਬਾਲੋਗੁਨ ਅਗਲੇ ਮੈਚ ਵਿੱਚ ਖੇਡੇ, ਪਰ ਅਮਰੀਕਾ ਦੀ ਟੀਮ ਬੈਲਜੀਅਮ ਹੱਥੋਂ 4-1 ਨਾਲ ਹਾਰ ਕੇ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ।
ਫੀਫਾ ਵਰਲਡ ਕੱਪ 2026 ਦੀ ਸਾਂਝੀ ਮੇਜ਼ਬਾਨੀ ਅਮਰੀਕਾ, ਕੈਨੇਡਾ ਅਤੇ ਮੈਕਸੀਕੋ ਨੇ ਕੀਤੀ ਹੈ। ਹੁਣ ਟੂਰਨਾਮੈਂਟ ਆਪਣੇ ਆਖ਼ਰੀ ਪੜਾਅ ਵਿੱਚ ਹੈ ਅਤੇ ਨਿਊ ਜਰਸੀ ਦੇ ਮੈਟਲਾਈਫ ਸਟੇਡੀਅਮ ਵਿੱਚ ਅਰਜਨਟੀਨਾ ਅਤੇ ਸਪੇਨ ਵਿਚਾਲੇ ਫਾਈਨਲ ਮੁਕਾਬਲਾ ਖੇਡਿਆ ਜਾਣਾ ਹੈ। ਟਰੰਪ ਨੇ ਕਿਹਾ ਹੈ ਕਿ ਉਹ ਇਹ ਖ਼ਿਤਾਬੀ ਮੁਕਾਬਲਾ ਦੇਖਣ ਲਈ ਖੁਦ ਸਟੇਡੀਅਮ ਵਿੱਚ ਮੌਜੂਦ ਰਹਿਣਗੇ।
ਫੀਫਾ ਪਹਿਲਾਂ ਹੀ 2030 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਮੋਰੱਕੋ, ਪੁਰਤਗਾਲ ਅਤੇ ਸਪੇਨ ਨੂੰ ਦੇ ਚੁੱਕਾ ਹੈ, ਜਦਕਿ 2034 ਦੇ ਟੂਰਨਾਮੈਂਟ ਦੀ ਮੇਜ਼ਬਾਨੀ ਸਾਊਦੀ ਅਰਬ ਕਰੇਗਾ। 2038 ਫੀਫਾ ਵਰਲਡ ਕੱਪ ਦਾ ਮੇਜ਼ਬਾਨ ਦੇਸ਼ ਅਜੇ ਤੈਅ ਨਹੀਂ ਹੋਇਆ। ਅਜਿਹੇ ਵਿੱਚ ਟਰੰਪ ਦੀ ਇਸ ਟਿੱਪਣੀ ਨੇ ਭਵਿੱਖ ਦੇ ਵਰਲਡ ਕੱਪ ਦੀ ਮੇਜ਼ਬਾਨੀ ਨੂੰ ਲੈ ਕੇ ਨਵੀਂ ਚਰਚਾ ਛੇੜ ਦਿੱਤੀ ਹੈ।
