Last Updated :
09 September 2023, 01:34 PM IST
ਨੈਂਸੀ ਪੇਲੋਸੀ 2024 ਦੀਆਂ ਚੋਣਾਂ ਨੂੰ ਲੈਕੇ ਪੂਰੀ ਤਰਾਂ ਤਿਆਰ ਹਨ। ਆਤਮਵਿਸ਼ਵਾਸ ਨਾਲ ਭਰੀ ਪੇਲੋਸੀ ਦਾ ਕਹਿਣਾ ਹੈ ਕਿ ਉਹ 2024 ਵਿੱਚ ਦੁਬਾਰਾ ਚੋਣ ਲੜੇਗੀ ।ਉਹ ਡੈਮੋਕਰੇਟਸ ਬੈਕ ਹਾਊਸ ਬਹੁਮਤ ਜਿੱਤਣ ਦੀ ਕੋਸ਼ਿਸ਼ ਕਰਨਗੇ। ਜਿਸ ਨੂੰ ਲੈਕੇ ਉਹ ਤਿਆਰੀਆਂ ਵਿੱਚ ਜੁੱਟ ਗਈ ਹੈ। ਦੱਸ ਦਈਏ ਕਿ ਪਹਿਲੀ ਵਾਰ ਸਾਲ 1987 ਵਿੱਚ ਕਾਂਗਰਸ ਲਈ ਚੁਣੀ ਗਈ ਡੈਮੋਕਰੇਟਿਕ ਨੇਤਾ ਨੇ 2007 ਵਿੱਚ ਪਹਿਲੀ ਮਹਿਲਾ ਸਪੀਕਰ ਬਣ ਕੇ ਇਤਿਹਾਸ ਰਚਿਆ ਸੀ। ਇਹ ਉਹ ਮੌਕਾ ਸੀ ਜਦ ਵਿਸ਼ਵ ਭਰ ਵਿੱਚ ਪੇਲੋਸੀ ਨੂੰ ਹਰ ਕੋਨੇ ਤੋ ਸਤਿਕਾਰ ਅਤੇ ਮਾਣ ਹਾਸਿਲ ਹੋਇਆ ਸੀ। ਸਾਲ 2019 ਵਿੱਚ ਉਸਨੇ ਸਪੀਕਰ ਦਾ ਅਹੁਦਾ ਮੁੜ ਹਾਸਲ ਕਰ ਆਪਣੀ ਜਿੱਤ ਪ੍ਰਾਪਤ ਕੀਤੀ ਸੀ। ਸਦਨ ਦੀ ਸਾਬਕਾ ਸਪੀਕਰ ਨੈਨਸੀ ਪੇਲੋਸੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਹ ਕਾਂਗਰਸ ਵਿੱਚ ਇੱਕ ਹੋਰ ਕਾਰਜਕਾਲ ਲਈ ਦੁਬਾਰਾ ਚੋਣ ਲੜੇਗੀ। ਜਿਸ ਤੋਂ ਉਸਨੂੰ ਕੋਈ ਨਹੀਂ ਰੋਕ ਸਕਦਾ। ਉਹ ਡੈਮੋਕਰੇਟਸ 2024 ਵਿੱਚ ਬਹੁਮਤ ਜਿੱਤਣ ਲਈ ਕੰਮ ਕਰਨਗੇ। ਉਸਨੇ ਕਿਹਾ ਕਿ ਪੂਰੀ ਊਮੀਦ ਹੈ ਕਿ ਲੋਕ ਇਸ ਵਿੱਚ ਉਸਦਾ ਪੂਰਾ ਸਾਥ ਦੇਣਗੇ।
ਪਹਿਲੀ ਵਾਰ 1987 ਵਿੱਚ ਕਾਂਗਰਸ ਲਈ ਚੁਣੀ ਗਈ ਡੈਮੋਕਰੇਟਿਕ ਨੇਤਾ ਨੇ 2007 ਵਿੱਚ ਪਹਿਲੀ ਮਹਿਲਾ ਸਪੀਕਰ ਬਣਨ ਦਾ ਇਤਿਹਾਸ ਰਚਿਆ ਸੀ। ਅਤੇ 2019 ਵਿੱਚ ਉਸਨੇ ਸਪੀਕਰ ਦਾ ਅਹੁਦਾ ਮੁੜ ਹਾਸਲ ਕੀਤਾ। ਪੇਲੋਸੀ ਨੇ ਮਹੱਤਵਪੂਰਨ ਵਿਧਾਨਕ ਪ੍ਰਾਪਤੀਆਂ ਰਾਹੀਂ ਪਾਰਟੀ ਦੀ ਅਗਵਾਈ ਕੀਤੀ। ਜਿਸ ਵਿੱਚ ਕਿਫਾਇਤੀ ਕੇਅਰ ਐਕਟ ਨੂੰ ਪਾਸ ਕਰਨਾ ਮੁੱਖ ਰੂਪ ਵਿੱਚ ਸ਼ਾਮਲ ਹੈ। ਇਹੀ ਨਹੀਂ ਨਾਲ ਹੀ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦੋ ਮਹਾਦੋਸ਼ਾਂ ਦੇ ਨਾਲ ਗੜਬੜ ਵਾਲੇ ਸਮੇਂ ਵੀ ਸ਼ਾਮਲ ਹਨ। ਇਹ ਘੋਸ਼ਣਾ ਸਾਨ ਫਰਾਂਸਿਸਕੋ ਖੇਤਰ ਵਿੱਚ ਇੱਕ ਸਮਾਗਮ ਦੌਰਾਨ ਆਈ ਸੀ। ਜਿਸਦੀ ਉਸਨੇ 35 ਸਾਲਾਂ ਤੋਂ ਵੱਧ ਸਮੇਂ ਤੋਂ ਪ੍ਰਤੀਨਿਧਤਾ ਕੀਤੀ ਹੈ। ਫਿਲਹਾਲ ਸਾਰਿਆਂ ਦੀਆਂ ਨਿਗਾਹਾਂ 2024 ਵਿੱਚ ਹੋਣ ਵਾਲੀਆਂ ਚੋਣਾਂ ਤੇ ਟਿੱਕੀਆ ਹੋਈਆਂ ਹਨ। ਚੋਣਾਂ ਦੇ ਨਤੀਜੇ ਤੈਅ ਕਰਨਗੇ ਕਿ ਆਖਰ ਕਿਹੜੀ ਪਾਰਟੀ ਜਾਂ ਕਿਹੜੇ ਨੇਤਾ ਦੇ ਸਿਰ ਸਿਹਰਾ ਸਜਦਾ ਹੈ। ਚੋਣਾਂ ਨੂੰ ਕੁਝ ਹੀ ਸਮਾਂ ਬਚਿਆ ਹੈ। ਇਹੀ ਕਾਰਨ ਹੈ ਕਿ ਹੁਣ ਸਾਰਾ ਧਿਆਨ ਕੇਵਲ ਚੋਣਾਂ ਦੀਆਂ ਤਿਆਰੀਆਂ ਤਕ ਸੀਮਿਤ ਹੈ। ਪੋਲੇਸੀ ਨੇ ਦੇਸ਼ ਦੇ ਹਿਤ ਅਤੇ ਵਿਕਾਸ ਤੇ ਬਹੁਤ ਕੰਮ ਕੀਤਾ ਹੈ। ਜਿਸ ਦੀ ਸ਼ਲਾਘਾ ਵੀ ਖੂਬ ਹੋਈ। ਨਾਲ ਹੀ ਕੁਝ ਮਾਮਲਿਆਂ ਵਿੱਚ ਉਸਨੂੰ ਲੋਕਾਂ ਦੀ ਨਿਰਾਸ਼ਾ ਦਾ ਵੀ ਸਾਹਮਣਾ ਕਰਨਾ ਪਿਆ। ਹੁਣ ਦੇਖਣਾ ਹੋਵੇਗਾ ਕਿ ਉਹਦੇ ਹਿੱਸੇ ਸਾਰਿਆਂ ਦੀ ਸ਼ਲਾਘਾ ਆਉਂਦੀ ਹੈ ਜਾਂ ਫਿਰ ਨਿੰਦਾ।
