Last Updated :
16 July 2026, 04:10 PM IST
Courtesy: pinterest
ਨਵੀਂ ਦਿੱਲੀ: ਗੁਜਰਾਤ ਦੇ ਕੱਛ ਵਿੱਚ ਵੀਰਵਾਰ ਦੁਪਹਿਰ ਨੂੰ ਤਿੰਨ ਮਿੰਟ ਦੇ ਅੰਦਰ 2 ਵਾਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਪਹਿਲਾ ਭੂਚਾਲ 2 ਵੱਜ ਕੇ 20 ਮਿੰਟ ਤੇ ਆਇਆ, ਜਿਸਦੀ ਤੀਬਰਤਾ 3.6 ਰਿਕਟਲ ਸਕੇਲ ਸੀ। ਇਸਦਾ ਕੇਂਦਰ ਖਾਵੜਾ ਤੋਂ 32 ਕਿਲੋਮੀਟਰ ਉੱਤਰ-ਪੂਰਬ 'ਚ ਸਥਿਤ ਸੀ। ਦੂਸਰਾ ਭੂਚਾਲ 2:23 ਵਜੇ 3.2 ਦੀ ਤੀਬਰਤਾ ਨਾਲ ਆਇਆ, ਜਿਸ ਨਾਲ ਲੋਕ ਘਬਰਾ ਗਏ। ਹਾਲਾਂਕਿ, ਰਾਹਤ ਇਸ ਗੱਲ ਦੀ ਹੈ ਕਿ ਇਸ ਵਿੱਚ ਕੋਈ ਜਾਨੀ-ਮਾਲੀ ਨੁਕਸਾਨ ਨਹੀਂ ਹੋਇਆ।
ਪਹਿਲਾ ਭੂਚਾਲ ਜਿਸਦਾ ਕੇਂਦਰ ਖਾਵੜਾ ਤੋਂ 32 ਕਿਲੋਮੀਟਰ ਉੱਤਰ-ਪੂਰਬ 'ਚ ਸਥਿਤ ਸੀ। ਦੂਸਰਾ ਭੂਚਾਲ ਦਾ ਝਟਕਾ ਠੀਕ ਤਿੰਨ ਮਿੰਟ ਬਾਅਦ ਮਹਿਸੂਸ ਹੋਇਆ, ਜਿਸਦਾ ਕੇਂਦਰ ਧੋਲਾਵੀਰਾ ਤੋਂ 32 ਕਿਲੋਮੀਟਰ ਪੱਛਮ-ਉੱਤਰ-ਪੱਛਮ ਵਿੱਚ ਸਥਿਤ ਸੀ।
ਸ਼ੁਰੂਆਤੀ ਰਿਪੋਰਟਾਂ ਦੇ ਅਨੁਸਾਰ, ਕੋਈ ਜਾਨੀ ਜਾਂ ਮਾਲੀ ਨੁਕਸਾਨ ਨਹੀਂ ਹੋਇਆ ਹੈ। ਕੱਛ ਨੂੰ ਭੂਚਾਲ ਦੇ ਪੱਖੋਂ ਬਹੁਤ ਸੰਵੇਦਨਸ਼ੀਲ ਖੇਤਰ ਮੰਨਿਆ ਜਾਂਦਾ ਹੈ, ਜਿੱਥੇ ਸਮੇਂ-ਸਮੇਂ 'ਤੇ ਘੱਟ ਤੋਂ ਦਰਮਿਆਨੀ ਤੀਬਰਤਾ ਦੇ ਭੂਚਾਲ ਆਉਂਦੇ ਰਹਿੰਦੇ ਹਨ।
ਦੱਸ ਦੇਈਏ, ਇਸਤੋਂ ਤਿੰਨ ਦਿਨ ਪਹਿਲਾਂ 13 ਜੁਲਾਈ ਨੂੰ ਜੰਮੂ-ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ 'ਚ ਵੀ ਭੂਚਾਲ ਆਇਆ ਸੀ। ਨੈਸ਼ਨਲ ਸੈਂਟਰ ਫਾਰ ਸੀਸਮੋਲੋਜੀ (ਐਨਸੀਐਸ) ਦੇ ਅਨੁਸਾਰ, ਭੂਚਾਲ ਦੀ ਤੀਬਰਤਾ ਰਿਕਟਰ ਪੈਮਾਨੇ 'ਤੇ 3.6 ਮਾਪੀ ਗਈ। ਇਹ ਸਵੇਰੇ 2 ਵਜੇ ਦੇ ਕਰੀਬ ਆਇਆ, ਜਿਸਦਾ ਕੇਂਦਰ ਸਤ੍ਹਾ ਤੋਂ 10 ਕਿਲੋਮੀਟਰ ਹੇਠਾਂ ਸੀ।
ਇਸ ਤੋਂ ਪਹਿਲਾਂ, 9 ਜੁਲਾਈ ਨੂੰ ਸਵੇਰੇ ਮਹਾਰਾਸ਼ਟਰ ਦੇ ਮਰਾਠਵਾੜਾ ਖੇਤਰ ਵਿੱਚ ਹਲਕੇ ਝਟਕੇ ਮਹਿਸੂਸ ਕੀਤੇ ਗਏ ਸਨ। ਨੰਦੇੜ, ਹਿੰਗੋਲੀ ਅਤੇ ਪਰਭਣੀ ਜ਼ਿਲ੍ਹਿਆਂ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਸਨ। ਹਾਲਾਂਕਿ ਭੂਚਾਲ ਘੱਟ ਤੀਬਰਤਾ ਦੇ ਸਨ, ਪਰ ਲੋਕ ਘਬਰਾ ਕੇ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ ਸਨ। 27 ਜੂਨ ਨੂੰ, ਅਫਗਾਨਿਸਤਾਨ ਦੇ ਹਿੰਦੂ ਕੁਸ਼ ਖੇਤਰ ਵਿੱਚ 6.2 ਤੀਬਰਤਾ ਦਾ ਭੂਚਾਲ ਆਇਆ ਸੀ।
ਭੂਚਾਲ ਦਾ ਕੇਂਦਰ ਉੱਤਰ-ਪੂਰਬੀ ਅਫਗਾਨਿਸਤਾਨ ਵਿੱਚ ਸਥਿਤ ਸੀ, ਜੋ ਕਿ ਕਾਲਾਫਗਨ ਤੋਂ ਲਗਭਗ 81 ਕਿਲੋਮੀਟਰ ਦੂਰ ਸੀ - 36.442° ਉੱਤਰੀ ਅਕਸ਼ਾਂਸ਼ ਅਤੇ 70.672° ਪੂਰਬੀ ਦੇਸ਼ਾਂਤਰ 'ਤੇ - ਧਰਤੀ ਦੀ ਸਤ੍ਹਾ ਤੋਂ 215 ਕਿਲੋਮੀਟਰ ਹੇਠਾਂ ਡੂੰਘਾਈ 'ਤੇ ਸੀ। ਭੂਚਾਲ ਦੇ ਕੇਂਦਰ ਦੀ ਮਹੱਤਵਪੂਰਨ ਡੂੰਘਾਈ ਦੇ ਕਾਰਨ, ਭੂਚਾਲ ਦੇ ਝਟਕੇ ਪਾਕਿਸਤਾਨ, ਉੱਤਰੀ ਭਾਰਤ, ਚੀਨ, ਤਾਜਿਕਸਤਾਨ, ਉਜ਼ਬੇਕਿਸਤਾਨ, ਕਿਰਗਿਸਤਾਨ ਅਤੇ ਤੁਰਕਮੇਨਿਸਤਾਨ ਸਮੇਤ ਕਈ ਦੇਸ਼ਾਂ ਵਿੱਚ ਮਹਿਸੂਸ ਕੀਤੇ ਗਏ ਸਨ।
