Last Updated :
24 June 2023, 05:21 PM IST
ਵਿਸ਼ਵ ਨੇਤਾਵਾਂ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਵਿਸ਼ਵ ਬੈਂਕ ਵਰਗੇ ਬਹੁਪੱਖੀ ਵਿਕਾਸਸ਼ੀਲ ਬੈਂਕ ਘੱਟ ਆਮਦਨੀ ਵਾਲੀਆਂ ਅਰਥਵਿਵਸਥਾਵਾਂ ਲਈ ਵਧੇਰੇ ਜੋਖਮ ਲੈ ਕੇ 200 ਬਿਲੀਅਨ ਡਾਲਰ ਦੀ ਵਾਧੂ ਰਾਸ਼ੀ ਦੀ ਪ੍ਰਾਪਤੀ ਬਾਰੇ ਉਮੀਦ ਕਰਦੇ ਹਨ, ਇੱਕ ਅਜਿਹਾ ਕਦਮ ਜਿਸ ਨਾਲ ਅਮੀਰ ਦੇਸ਼ਾਂ ਨੂੰ ਵਧੇਰੇ ਨਕਦੀ ਦੇਣ ਦੀ ਲੋੜ ਪੈ ਸਕਦੀ ਹੈ। ਗਰੀਬ ਦੇਸ਼ਾਂ ਦੁਆਰਾ ਜਲਵਾਯੂ ਪਰਿਵਰਤਨ ਅਤੇ ਕੋਵਿਡ ਤੋਂ ਬਾਅਦ ਕਰਜ਼ੇ ਦੇ ਬੋਝ ਲਈ ਫੰਡਾਂ ਦੀ ਪ੍ਰਾਪਤੀ ਬਾਰੇ ਪੈਰਿਸ ਵਿਖੇ ਇੱਕ ਸੰਮੇਲਨ ਵਿੱਚ ਇਕੱਤ੍ਰਿਤ ਨੇਤਾਵਾਂ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਯੋਜਨਾਵਾਂ ਪ੍ਰਾਈਵੇਟ ਸੈਕਟਰ ਤੋਂ ਮਿਲਦੇ-ਜੁਲਦੇ ਅਰਬਾਂ ਡਾਲਰਾਂ ਦੇ ਨਿਵੇਸ਼ ਨੂੰ ਸੁਰੱਖਿਅਤ ਕਰਨਗੀਆਂ।
ਸੰਮੇਲਨ ਦੇ ਅੰਤਮ ਬਿਆਨ ਵਿੱਚ ਕਿਹਾ ਗਿਆ ਹੈ, “ਅਸੀਂ … ਅਗਾਮੀ ਦਸ ਸਾਲਾਂ ਵਿੱਚ ਉਹਨਾਂ ਦੀਆਂ ਬੈਲੇਂਸ ਸ਼ੀਟਾਂ ਨੂੰ ਸੁਧਾਰਕੇ ਅਤੇ ਹੋਰ ਜੋਖਮ ਲੈ ਕੇ ਐਮਡੀਬੀ ਦੀ ਉਧਾਰ ਸਮਰੱਥਾ ਵਿੱਚ $200 ਬਿਲੀਅਨ ਦੇ ਸਮੁੱਚੇ ਵਾਧੇ ਦੀ ਉਮੀਦ ਕਰਦੇ ਹਾਂ।” ਅੱਗੇ ਦੱਸਿਆ ਗਿਆ, “ਜੇਕਰ ਇਹ ਸੁਧਾਰ ਲਾਗੂ ਕੀਤੇ ਜਾਂਦੇ ਹਨ ਤਾਂ ਐਮਡੀਬੀ ਨੂੰ ਵਧੇਰੇ ਪੂੰਜੀ ਦੀ ਲੋੜ ਪੈ ਸਕਦੀ ਹੈ।” ਪਹਿਲੀ ਵਾਰ ਅੰਤਮ ਸੰਮੇਲਨ ਦੇ ਦਸਤਾਵੇਜ਼ ਵਿੱਚ ਇਹ ਮੰਨਿਆ ਗਿਆ ਕਿ ਅਮੀਰ ਦੇਸ਼ਾਂ ਨੂੰ ਵਧੇਰੇ ਨਕਦੀ ਦਾ ਇੰਤਜ਼ਾਮ ਕਰਨਾ ਪੈ ਸਕਦਾ ਹੈ।
ਕਰਜ਼ਾ ਰਾਹਤ
ਯੇਲੇਨ ਨੇ ਚੀਨ ਦੇ ਪ੍ਰਧਾਨ ਮੰਤਰੀ ਲੀ ਕਿਆਂਗ ਦੇ ਨਾਲ ਹੋਰ ਨੇਤਾਵਾਂ ਸਹਿਤ ਸ਼ਾਮਿਲ ਇੱਕ ਸੰਮੇਲਨ ਵਿੱਚ ਕਿਹਾ ਕਿ ਦੁਨੀਆਂ ਦੀਆਂ ਦੋ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ ਹੋਣ ਦੇ ਨਾਤੇ ਸਾਡੀ ਜ਼ਿੰਮੇਵਾਰੀ ਹੈ ਕਿ ਅਸੀਂ ਗਲੋਬਲ ਮੁੱਦਿਆਂ ‘ਤੇ ਇਕੱਠੇ ਕੰਮ ਕਰੀਏ। ਚੀਨ – ਦੁਨੀਆ ਦਾ ਸਭ ਤੋਂ ਵੱਡਾ ਦੁਵੱਲਾ ਲੈਣਦਾਰ ਹੈ। ਲੀ ਨੇ ਕਿਹਾ ਕਿ ਚੀਨ ਨਿਰਪੱਖ ਬੋਝ ਵੰਡ ਦੇ ਸਿਧਾਂਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਪ੍ਰਭਾਵਸ਼ਾਲੀ, ਯਥਾਰਥਵਾਦੀ ਅਤੇ ਵਿਆਪਕ ਤਰੀਕੇ ਨਾਲ ਕਰਜ਼ਾ ਰਾਹਤ ਯਤਨਾਂ ਵਿੱਚ ਸ਼ਾਮਲ ਹੋਣ ਲਈ ਤਿਆਰ ਹੈ।
ਜਲਵਾਉ ਸਬੰਧੀ ਅਹਦ
ਸਿਖਰ ਸੰਮੇਲਨ ਦੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਵਿਕਾਸਸ਼ੀਲ ਦੇਸ਼ਾਂ ਦੇ ਇਸ ਸਾਲ $ 100-ਬਿਲੀਅਨ ਜਲਵਾਯੂ ਵਿੱਤ ਵਾਅਦੇ ਨੂੰ ਅੰਤਿਮ ਰੂਪ ਦੇਣ ਸਬੰਧੀ ਚੰਗੀ ਸੰਭਾਵਨਾ ਬਣੀ ਹੈ। ਪੈਰਿਸ ਵਿੱਚ ਵਿਚਾਰੇ ਗਏ ਬਹੁਤ ਸਾਰੇ ਵਿਸ਼ਿਆਂ ਵਿੱਚ ਬਾਰਬਾਡੋਸ ਦੇ ਪ੍ਰਧਾਨ ਮੰਤਰੀ ਮੀਆ ਮੋਟਲੀ ਦੀ ਅਗਵਾਈ ਵਿੱਚ ਵਿਕਾਸਸ਼ੀਲ ਦੇਸ਼ਾਂ ਦੇ ਇੱਕ ਸਮੂਹ ਤੋਂ ਸੁਝਾਅ ਲਏ ਗਏ ਹਨ, ਜਿਸ ਨੂੰ ‘ਬ੍ਰਿਜਟਾਊਨ ਇਨੀਸ਼ੀਏਟਿਵ’ ਕਿਹਾ ਗਿਆ।
ਮੋਟਲੀ ਨੇ ਸੰਮੇਲਨ ਦੇ ਸਮਾਪਤੀ ਪੈਨਲ ‘ਤੇ ਕਿਹਾ ਕਿ ਰਾਜਨੀਤਿਕ ਸਹਿਮਤੀ ਬਣੀ ਹੈ ਕਿ ਇਹ ਮੁੱਦਾ ਸਾਡੇ ਵਿੱਚੋਂ ਹਰੇਕ ਨਾਲੋਂ ਵੱਡਾ ਹੈ ਅਤੇ ਸਾਨੂੰ ਮਿਲ ਕੇ ਕੰਮ ਕਰਨਾ ਹੋਵੇਗਾ ਤੇ ਬਹੁਪੱਖੀ ਵਿਕਾਸ ਬੈਂਕਾਂ ਦੀ ਕਾਰਜਸ਼ੀਲਤਾ ਨੂੰ ਬਦਲਣਾ ਹੋਵੇਗਾ।
