Last Updated :
19 January 2024, 04:12 PM IST
Hamas terror beheads Israel Defence Forces ਸਾਰਜੈਂਟ Adir Tahar: ਅੱਤਵਾਦੀ ਸੰਗਠਨ ਹਮਾਸ ਦੀ ਬੇਰਹਿਮੀ ਇੱਕ ਵਾਰ ਫਿਰ ਸਾਹਮਣੇ ਆ ਗਈ ਹੈ। ਇੱਕ ਤਾਜ਼ਾ ਮੀਡੀਆ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਹਮਾਸ ਦੇ ਅੱਤਵਾਦੀਆਂ ਨੇ ਇੱਕ ਇਜ਼ਰਾਈਲੀ ਸੈਨਿਕ ਦੀ ਹੱਤਿਆ ਕਰ ਦਿੱਤੀ ਸੀ, ਫਿਰ ਉਸ ਦਾ ਸਿਰ ਵੱਢ ਕੇ ਗਾਜ਼ਾ ਵਿੱਚ 10 ਹਜ਼ਾਰ ਡਾਲਰ ਯਾਨੀ 8 ਲੱਖ 32 ਹਜ਼ਾਰ ਰੁਪਏ ਵਿੱਚ ਨਿਲਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਘਟਨਾ ਦੀ ਜਾਣਕਾਰੀ ਉਦੋਂ ਸਾਹਮਣੇ ਆਈ ਜਦੋਂ ਸ਼ਹੀਦ ਇਜ਼ਰਾਈਲੀ ਫੌਜੀ ਦੇ ਪਿਤਾ ਨੇ ਇਕ ਟੀਵੀ ਨੂੰ ਦਿੱਤੇ ਇੰਟਰਵਿਊ ਵਿਚ ਇਸ ਦਾ ਖੁਲਾਸਾ ਕੀਤਾ।
ਗਲਾ ਵੱਢਕੇ ਕੀਤਾ ਕਤਲ
ਜਾਣਕਾਰੀ ਦੇ ਮੁਤਾਬਿਕ ਡੇਵਿਡ (devid) ਤਾਹਰ ਨਾਂ ਦੇ ਵਿਅਕਤੀ ਨੇ ਦਾਅਵਾ ਕੀਤਾ ਕਿ ਹਮਾਸ ਦੇ ਅੱਤਵਾਦੀਆਂ ਨੇ ਉਸ ਦੇ 19 ਸਾਲਾ ਬੇਟੇ ਦਾ ਗਲਾ ਵੱਢ ਕੇ ਕਤਲ (murder) ਕਰ ਦਿੱਤਾ ਅਤੇ ਉਸ ਦਾ ਸਿਰ ਗਾਜ਼ਾ ਲੈ ਗਏ। ਕੱਟੇ ਹੋਏ ਸਿਰ ਨੂੰ ਇਜ਼ਰਾਈਲੀ ਫੌਜੀ ਦਾ ਸਿਰ ਹੋਣ ਦਾ ਦਾਅਵਾ ਕਰਕੇ ਲੱਖਾਂ ਵਿੱਚ ਨਿਲਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਉਸਨੇ ਦੱਸਿਆ ਕਿ ਮੇਰਾ ਬੇਟਾ ਆਦਿਰ ਤਾਹਰ ਇਜ਼ਰਾਈਲ ਡਿਫੈਂਸ ਫੋਰਸ (ਆਈਡੀਐਫ) ਵਿੱਚ ਸਾਰਜੈਂਟ ਸੀ। ਉਹ 7 ਅਕਤੂਬਰ ਨੂੰ ਹਮਾਸ ਦੇ ਅੱਤਵਾਦੀਆਂ ਵੱਲੋਂ ਕੀਤੇ ਗਏ ਹਮਲੇ ਵਿੱਚ ਮਾਰਿਆ ਗਿਆ ਸੀ।
ਕੋਸ਼ਿਸ਼ ਦੇ ਬਾਵਜੂਦ ਵੀ ਨਹੀਂ ਮਿਲਿਆ ਬੇਟੇ ਦਾ ਸਿਰ
ਡੇਵਿਡ ਤਾਹਰ ਨੇ ਕਿਹਾ ਕਿ ਹਮਾਸ ਦੇ ਅੱਤਵਾਦੀਆਂ ਨੇ ਉਸ ਦੇ ਬੇਟੇ ਦੀ ਲਾਸ਼ ਨਾਲ ਅਜਿਹਾ ਕੁਝ ਕੀਤਾ ਜੋ ਨਾ-ਕਥਨ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਮੇਰੇ ਲੜਕੇ ਦਾ ਗਲਾ ਵੱਢ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਹੈ। ਫਿਰ ਉਸਦਾ ਸਿਰ ਟੈਨਿਸ ਗੇਂਦਾਂ ਦੇ ਨਾਲ ਫਰੀਜ਼ਰ ਵਿੱਚ ਰੱਖਿਆ ਗਿਆ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਮੇਰੇ ਬੇਟੇ ਦੀ ਲਾਸ਼ ਮਿਲੀ ਤਾਂ ਉਹ ਸਿਰ ਰਹਿਤ ਸੀ ਅਤੇ ਮੈਂ ਉਸ ਦੇ ਬੇਟੇ ਦਾ ਅੰਤਿਮ ਸਸਕਾਰ ਕਰਨਾ ਸੀ। ਡੇਵਿਡ ਨੇ ਦੱਸਿਆ ਕਿ ਮੈਂ ਆਪਣੇ ਬੇਟੇ ਦਾ ਸਿਰ ਲੈਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਕਾਮਯਾਬ ਨਹੀਂ ਹੋਇਆ।
ਡੇਵਿਡ ਨੇ ਕਿਹਾ- ਡੀਐੱਨਏ ਰਾਹੀਂ ਹੋਈ ਲਾਸ਼ ਦੀ ਪਛਾਣ
ਡੇਵਿਡ ਨੇ ਇਕ ਇੰਟਰਵਿਊ 'ਚ ਦੱਸਿਆ ਕਿ ਉਨ੍ਹਾਂ ਦੇ ਬੇਟੇ ਦੀ ਲਾਸ਼ ਨੈਸ਼ਨਲ ਸੀਮੇਟਰੀ ਮਾਊਂਟ ਹਰਜ਼ਲ 'ਚ ਮਿਲੀ। ਉਸ ਦੀ ਪਛਾਣ ਡੀਐਨਏ ਰਾਹੀਂ ਹੋਈ ਹੈ। ਲਾਸ਼ ਦੀ ਤਲਾਸ਼ੀ ਦੌਰਾਨ ਉਸ ਕੋਲੋਂ ਕੁਝ ਚੀਜ਼ਾਂ ਬਰਾਮਦ ਹੋਈਆਂ, ਜਿਸ ਰਾਹੀਂ ਮੈਂ ਉਸ ਦੀ ਪਛਾਣ ਆਪਣੇ ਲੜਕੇ ਵਜੋਂ ਕੀਤੀ। ਉਸ ਨੇ ਦੱਸਿਆ ਕਿ ਇਜ਼ਰਾਈਲ 'ਤੇ ਹਮਾਸ ਦੇ ਹਮਲੇ ਤੋਂ ਬਾਅਦ ਉਸ ਦਾ ਪੁੱਤਰ ਅਚਾਨਕ ਗਾਇਬ ਹੋ ਗਿਆ ਸੀ।
ਹਮਲੇ ਦੀਆਂ ਤਸਵੀਰਾਂ ਇੰਟਰਨੈਂਟ ਤੇ ਵਾਇਰਲ
ਹਮਲੇ ਦੀਆਂ ਕਈ ਤਸਵੀਰਾਂ ਇੰਟਰਨੈੱਟ 'ਤੇ ਵਾਇਰਲ ਹੋਈਆਂ, ਜਿਸ ਤੋਂ ਬਾਅਦ ਮੈਨੂੰ ਆਪਣੇ ਬੇਟੇ ਦੇ ਕਤਲ ਦੀ ਖਬਰ ਮਿਲੀ। ਤੁਹਾਨੂੰ ਦੱਸ ਦੇਈਏ ਕਿ ਇਜ਼ਰਾਈਲ (Israel) ਅਤੇ ਹਮਾਸ ਵਿਚਾਲੇ ਜੰਗ ਨੂੰ 3 ਮਹੀਨੇ ਤੋਂ ਜ਼ਿਆਦਾ ਦਾ ਸਮਾਂ ਹੋ ਗਿਆ ਹੈ। ਇਸ ਦੌਰਾਨ ਇਜ਼ਰਾਈਲ ਅਤੇ ਗਾਜ਼ਾ ਦੇ ਸੈਂਕੜੇ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਇਨ੍ਹਾਂ ਵਿੱਚ ਔਰਤਾਂ ਅਤੇ ਬੱਚੇ ਵੀ ਸ਼ਾਮਲ ਹਨ।
