Last Updated :
04 August 2026, 11:05 AM IST
Courtesy: ai image
ਨਵੀਂ ਦਿੱਲੀ: ਅੱਜ ਸਾਵਣ ਮਹੀਨੇ ਦਾ ਪਹਿਲਾ ਮੰਗਲਾ ਗੌਰੀ ਵਰਤ ਹੈ। ਇਹ ਵਰਤ ਸਾਵਣ ਦੌਰਾਨ ਹਰ ਮੰਗਲਵਾਰ ਨੂੰ ਰੱਖਿਆ ਜਾਂਦਾ ਹੈ। ਜਿਸ ਤਰ੍ਹਾਂ ਸਾਵਣ ਦੇ ਸੋਮਵਾਰ ਨੂੰ ਵਰਤ ਰੱਖ ਕੇ ਭਗਵਾਨ ਸ਼ਿਵ ਦੀ ਪੂਜਾ ਕੀਤੀ ਜਾਂਦੀ ਹੈ, ਉਸੇ ਤਰ੍ਹਾਂ ਇਸਦੇ ਅਗਲੇ ਦਿਨ ਮੰਗਲਵਾਰ ਨੂੰ ਮੰਗਲਾ ਗੋਰੀ ਵਰਤ ਰੱਖ ਕੇ ਮਾਤਾ ਪਾਰਵਤੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਹ ਵਰਤ ਖਾਸ ਕਰ ਵਿਆਹੁਤਾ ਖੁਸ਼ਹਾਲੀ ਅਤੇ ਚੰਗੀ ਕਿਸਮਤ ਦੀ ਪ੍ਰਾਪਤੀ ਕੀਤਾ ਜਾਂਦਾ ਹੈ। ਇਸਦੇ ਨਾਲ ਹੀ ਜਿਨ੍ਹਾਂ ਕੁੜੀਆਂ ਦਾ ਵਿਆਹ ਨਹੀਂ ਹੋਇਆ, ਉਨ੍ਹਾਂ ਨੂੰ ਜਲਦ ਹੀ ਪਤੀ ਦੀ ਪ੍ਰਾਪਤੀ ਹੁੰਦੀ ਹੈ। ਤਾਂ ਆਓ ਜਾਣਦੇ ਹਾਂ ਪਹਿਲੇ ਮੰਗਲਾ ਗੌਰੀ ਵਰਤ ਦਾ ਸ਼ੁਭ ਸਮਾਂ (ਮੁਹੂਰਤ), ਰਸਮ ਅਤੇ ਕਥਾ..
ਅੱਜ, ਮੰਗਲਾ ਗੌਰੀ ਵਰਤ ਦਾ *ਬ੍ਰਹਮਾ ਮੁਹੂਰਤ* ਸਵੇਰੇ 4:20 ਵਜੇ ਤੋਂ ਸਵੇਰੇ 5:02 ਵਜੇ ਦੇ ਵਿਚਕਾਰ ਸੀ। ਅਭਿਜਿਤ ਮੁਹੂਰਤ ਦੁਪਹਿਰ 12:00 ਵਜੇ ਤੋਂ ਦੁਪਹਿਰ 12:54 ਵਜੇ ਤੱਕ ਹੈ, ਜਦੋਂ ਕਿ ਪੂਜਾ ਦਾ ਆਮ ਸਮਾਂ ਸਵੇਰੇ 9:06 ਵਜੇ ਤੋਂ ਦੁਪਹਿਰ 2:08 ਵਜੇ ਤੱਕ ਹੈ। ਯਾਨੀ ਇਸ ਸਮੇਂ ਦੌਰਾਨ ਤੁਸੀ ਪੂਜਾ ਕਰ ਸਕਦੇ ਹੋ।
ਅੱਜ, ਮੰਗਲਾ ਗੌਰੀ ਵਰਤ ਭਦਰਾ ਅਤੇ ਪੰਚਕ ਦੇ ਹੋਣ ਨਾਲ ਮੇਲ ਖਾਂਦਾ ਹੈ। ਜੋਤਿਸ਼ਾਂ ਅਨੁਸਾਰ, ਭਦਰਾ ਅੱਜ ਰਾਤ 10:03 ਵਜੇ ਸ਼ੁਰੂ ਹੋ ਕੇ ਕੱਲ੍ਹ ਸਵੇਰੇ 5:45 ਵਜੇ ਤੱਕ ਚੱਲੇਗੀ। ਇਸ ਦੌਰਾਨ, ਚੋਰ ਪੰਚ ਸਵੇਰੇ 5:44 ਵਜੇ ਤੋਂ ਰਾਤ 9:54 ਵਜੇ ਤੱਕ ਲਾਗੂ ਰਹੇਗਾ।
ਮੰਗਲਾ ਗੋਰੀ ਦੇ ਵਰਤ ਦੌਰਾਨ ਇਹ ਵਰਤ ਕਥਾ ਸੁਣੀ ਜਾਂਦੀ ਹੈ, ਜੋ ਕਿ ਇਸ ਪ੍ਰਕਾਰ ਹੈ: ਧਰਮਪਾਲ ਨਾਮ ਦੇ ਇਕ ਸੇਠ ਦੀ ਕਾਫ਼ੀ ਸੁੰਦਰ ਪਤਨੀ ਸੀ। ਦੰਪਤੀ ਦੀ ਜ਼ਿੰਦਗੀ ਵਿੱਚ ਪੈਸੇ ਅਤੇ ਸੰਪਤੀ ਦੀ ਕੋਈ ਕਮੀ ਨਹੀਂ ਸੀ। ਪਰ ਉਨ੍ਹਾਂ ਦੇ ਕੋਈ ਬੱਚਾ ਨਾ ਹੋਣ ਕਾਰਨ ਧਰਮਪਾਲ ਅਤੇ ਉਸਦੀ ਪਤਨੀ ਹਮੇਸ਼ਾ ਪਰੇਸ਼ਾਨ ਰਹਿੰਦੇ ਸਨ। ਕਈ ਸਾਲਾਂ ਦੀ ਪੂਜਾ-ਅਰਚਨਾ ਤੋਂ ਬਾਅਦ ਦੰਪਤੀ ਨੂੰ ਇੱਕ ਬੱਚੇ ਦਾ ਆਸ਼ੀਰਵਾਦ ਮਿਲਿਆ, ਪਰ ਉਸ ਬੱਚੇ ਨੂੰ ਘਟ ਉਮਰ 16 ਸਾਲ 'ਚ ਮਰ ਜਾਣ ਦਾ ਸ਼ਰਾਪ ਸੀ।
ਧਰਮਪਾਲ ਨੇ ਆਪਣੇ ਬੇਟੇ ਦਾ ਵਿਆਹ 16 ਸਾਲ ਦੀ ਉਮਰ ਤੋਂ ਪਹਿਲਾ ਹੀ ਕਰ ਦਿੱਤਾ, ਜਿਸ ਲੜਕੀ ਨਾਲ ਧਰਮਪਾਲ ਦੇ ਬੇਟੇ ਦਾ ਵਿਆਹ ਹੋਇਆ ਸੀ, ਉਹ ਕੁੜੀ ਸਾਵਨ ਦੇ ਮਹੀਨੇ ਮੰਗਲਵਾਰ ਨੂੰ ਮਾਂ ਗੌਰੀ ਦੀ ਪੂਜਾ ਕਰਦੀ ਸੀ, ਜਿਸ ਕਾਰਨ ਮਾਤਾ ਪਾਰਵਤੀ ਨੇ ਉਸਨੂੰ ਵਿਆਹੁਤਾ ਖੁਸ਼ਹਾਲੀ ਅਤੇ ਚੰਗੀ ਕਿਸਮਤ ਦਾ ਆਸ਼ੀਰਵਾਦ ਦਿੱਤਾ ਸੀ। ਮਾਤਾ ਪਾਰਵਤੀ ਦੇ ਆਸ਼ੀਰਵਾਦ ਕਾਰਨ ਉਸ ਕੁੜੀ ਦਾ ਪਤੀ 100 ਸਾਲ ਤੱਕ ਜਿਉਦਾ ਰਿਹਾ। ਉਦੋਂ ਤੋਂ ਮੰਗਲਾ ਗੋਰੀ ਦੇ ਵਰਤ ਦੀ ਇਹ ਮਾਨਤਾ ਹੈ ਅਤੇ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਮਾਤਾ ਪਾਰਵਤੀ ਦਾ ਵਰਤ ਰੱਖਦੀਆਂ ਹਨ।
