Last Updated :
21 June 2026, 04:58 PM IST
Courtesy: ai image
ਨਵੀਂ ਦਿੱਲੀ: ਬਹੁਤ ਸਾਰੇ ਲੋਕਾਂ ਨੂੰ ਆਪਣੇ ਘਰਾਂ ਵਿੱਚ ਪੌਦੇ ਲਗਾਉਣ ਦਾ ਸ਼ੌਂਕ ਹੁੰਦਾ ਹੈ, ਪਰ ਕਈ ਬਾਰ ਉਨ੍ਹਾਂ ਦੇ ਲਗਾਏ ਪੌਦੇ ਜਲਦੀ ਉੱਗਦੇ ਨਹੀਂ ਤੇ ਮੁਰਝਾ ਜਾਂਦੇ ਹਨ। ਪਰ ਕਈ ਲੋਕਾਂ ਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਪੌਦਿਆਂ ਦੇ ਹਰੇ ਨਾ ਹੋਣ ਪਿੱਛੇ ਵਾਸਤੂ ਸ਼ਾਸਤਰ ਕੰਮ ਕਰਦਾ ਹੈ। ਵਾਸਤੂ ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਪੌਦੇ ਸਹੀ ਸਮੇਂ, ਸਹੀ ਦਿਸ਼ਾ ਅਤੇ ਸਹੀ ਵਿਧੀ ਨਾਲ ਲਗਾਏ ਜਾਣ ਤਾਂ ਇਹ ਘਰ ਵਿੱਚ ਸੁੱਖ-ਸ਼ਾਂਤੀ ਅਤੇ ਸਮ੍ਰਿੱਧੀ ਲਿਆ ਸਕਦੇ ਹਨ। ਜੇਕਰ ਇਸ ਦੇ ਉਲਟ, ਗਲਤ ਢੰਗ ਨਾਲ ਲਗਾਏ ਗਏ ਪੌਦੇ ਉਮੀਦ ਮੁਤਾਬਕ ਨਤੀਜੇ ਨਹੀਂ ਦਿੰਦੇ ਅਤੇ ਕਈ ਵਾਰ ਜਲਦੀ ਸੁੱਕ ਵੀ ਜਾਂਦੇ ਹਨ।
ਪੌਦੇ ਲਗਾਉਣ ਲਈ ਸ਼ੁਭ ਨਕਸ਼ਤਰ ਅਤੇ ਸਮਾਂ
ਵਾਸਤੂ ਸ਼ਾਸਤਰ ਵਿੱਚ ਕੁਝ ਨਕਸ਼ਤਰਾਂ ਨੂੰ ਪੌਧਾਰੋਪਣ ਲਈ ਖਾਸ ਤੌਰ 'ਤੇ ਸ਼ੁਭ ਮੰਨਿਆ ਗਿਆ ਹੈ। ਇਨ੍ਹਾਂ ਵਿੱਚ ਸਵਾਤੀ, ਉੱਤਰਾ, ਹਸਤ, ਰੋਹਿਣੀ ਅਤੇ ਮੂਲ ਨਕਸ਼ਤਰ ਪ੍ਰਮੁੱਖ ਹਨ। ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਨਕਸ਼ਤਰਾਂ ਵਿੱਚ ਲਗਾਏ ਗਏ ਪੌਦੇ ਤੇਜ਼ੀ ਨਾਲ ਵਿਕਸਿਤ ਹੁੰਦੇ ਹਨ ਅਤੇ ਲੰਬੇ ਸਮੇਂ ਤੱਕ ਤੰਦਰੁਸਤ ਰਹਿੰਦੇ ਹਨ।
ਇਸ ਤੋਂ ਇਲਾਵਾ, ਸ਼ੁਕਲ ਪੱਖ ਦੀ ਅੱਠਵੀਂ ਤਾਰੀਖ ਤੋਂ ਲੈ ਕੇ ਕ੍ਰਿਸ਼ਨ ਪੱਖ ਦੀ ਸੱਤਵੀਂ ਤਾਰੀਖ ਤੱਕ ਦਾ ਸਮਾਂ ਵੀ ਪੌਦੇ ਲਗਾਉਣ ਲਈ ਅਨੁਕੂਲ ਮੰਨਿਆ ਜਾਂਦਾ ਹੈ। ਕੁਝ ਮਾਹਿਰ ਇਹ ਵੀ ਸਲਾਹ ਦਿੰਦੇ ਹਨ ਕਿ ਜੇਕਰ ਵਿਅਕਤੀ ਆਪਣੇ ਜਨਮ ਨਕਸ਼ਤਰ ਦੇ ਅਨੁਸਾਰ ਪੌਦੇ ਲਗਾਏ ਤਾਂ ਹੋਰ ਵਧੀਆ ਨਤੀਜੇ ਪ੍ਰਾਪਤ ਹੋ ਸਕਦੇ ਹਨ।
ਪੌਦੇ ਵਾਰ-ਵਾਰ ਸੁੱਕਣ ਦੀ ਕੀ ਹੈ ਵਜ੍ਹਾ?
ਕਈ ਲੋਕਾਂ ਦੀ ਸ਼ਿਕਾਇਤ ਹੁੰਦੀ ਹੈ ਕਿ ਉਹ ਪੌਦਿਆਂ ਦੀ ਪੂਰੀ ਦੇਖਭਾਲ ਕਰਦੇ ਹਨ, ਫਿਰ ਵੀ ਉਹ ਠੀਕ ਤਰ੍ਹਾਂ ਨਹੀਂ ਵਧਦੇ ਜਾਂ ਵਾਰ-ਵਾਰ ਸੁੱਕ ਜਾਂਦੇ ਹਨ। ਵਾਸਤੂ ਅਨੁਸਾਰ ਇਸ ਦਾ ਕਾਰਨ ਸਿਰਫ਼ ਪਾਣੀ ਜਾਂ ਖਾਦ ਦੀ ਘਾਟ ਹੀ ਨਹੀਂ, ਸਗੋਂ ਗਲਤ ਦਿਸ਼ਾ, ਗਲਤ ਸਮਾਂ ਜਾਂ ਕੁਝ ਮਹੱਤਵਪੂਰਨ ਨਿਯਮਾਂ ਦੀ ਅਣਦੇਖੀ ਵੀ ਹੋ ਸਕਦੀ ਹੈ।
ਮੁੱਖ ਦਰਵਾਜ਼ੇ ਦੇ ਸਾਹਮਣੇ ਵੱਡੇ ਪੌਦੇ ਲਗਾਉਣ ਤੋਂ ਬਚੋ
ਵਾਸਤੂ ਅਨੁਸਾਰ ਘਰ ਦੇ ਮੁੱਖ ਪ੍ਰਵੇਸ਼ ਦੁਆਰ ਦੇ ਬਿਲਕੁਲ ਸਾਹਮਣੇ ਵੱਡੇ ਰੁੱਖ ਜਾਂ ਘਣੇ ਪੌਦੇ ਲਗਾਉਣਾ ਉਚਿਤ ਨਹੀਂ ਮੰਨਿਆ ਜਾਂਦਾ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਘਰ ਵਿੱਚ ਆਉਣ ਵਾਲੀ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਪ੍ਰਭਾਵਿਤ ਹੋ ਸਕਦਾ ਹੈ।
ਜੇ ਵੱਡਾ ਰੁੱਖ ਲਗਾਉਣਾ ਹੋਵੇ ਤਾਂ ਉਸ ਨੂੰ ਮੁੱਖ ਦਰਵਾਜ਼ੇ ਦੀ ਉਚਾਈ ਤੋਂ ਘੱਟੋ-ਘੱਟ ਤਿੰਨ ਗੁਣਾ ਦੂਰੀ 'ਤੇ ਲਗਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਘਰ 'ਤੇ ਭਾਰੀ ਛਾਂ ਪੈਣੀ ਵੀ ਨਹੀਂ ਮੰਨੀ ਜਾਂਦੀ ਸ਼ੁਭ
ਵਾਸਤੂ ਅਨੁਸਾਰ ਸਵੇਰੇ 9 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਘਰ ਉੱਤੇ ਵੱਡੇ ਦਰੱਖਤਾਂ ਦੀ ਗਹਿਰੀ ਛਾਂ ਪੈਣੀ ਸ਼ੁਭ ਨਹੀਂ ਮੰਨੀ ਜਾਂਦੀ। ਕਿਹਾ ਜਾਂਦਾ ਹੈ ਕਿ ਇਸ ਨਾਲ ਘਰ ਦਾ ਊਰਜਾ ਸੰਤੁਲਨ ਪ੍ਰਭਾਵਿਤ ਹੋ ਸਕਦਾ ਹੈ ਅਤੇ ਘਰ ਦਾ ਮਾਹੌਲ ਭਾਰੀ ਜਾਂ ਨਕਾਰਾਤਮਕ ਮਹਿਸੂਸ ਹੋ ਸਕਦਾ ਹੈ।
ਰੁੱਖ ਕੱਟਣ ਜਾਂ ਹਟਾਉਣ ਦੇ ਵੀ ਹਨ ਨਿਯਮ
ਵਾਸਤੂ ਸ਼ਾਸਤਰ ਵਿੱਚ ਰੁੱਖਾਂ ਨੂੰ ਕੁਦਰਤ ਦਾ ਮਹੱਤਵਪੂਰਨ ਹਿੱਸਾ ਮੰਨਿਆ ਗਿਆ ਹੈ। ਇਸ ਲਈ ਕਿਸੇ ਵੀ ਰੁੱਖ ਨੂੰ ਕੱਟਣਾ ਜਾਂ ਇੱਕ ਥਾਂ ਤੋਂ ਦੂਜੀ ਥਾਂ ਤਬਦੀਲ ਕਰਨਾ ਸੰਵੇਦਨਸ਼ੀਲ ਕੰਮ ਮੰਨਿਆ ਜਾਂਦਾ ਹੈ।
ਜੇ ਕਿਸੇ ਕਾਰਨ ਰੁੱਖ ਹਟਾਉਣਾ ਜ਼ਰੂਰੀ ਹੋਵੇ ਤਾਂ ਮਾਘ ਜਾਂ ਭਾਦੋਂ ਦੇ ਮਹੀਨੇ ਨੂੰ ਇਸ ਲਈ ਉਚਿਤ ਸਮਾਂ ਮੰਨਿਆ ਜਾਂਦਾ ਹੈ। ਨਾਲ ਹੀ ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਰੁੱਖ ਹਟਾਉਣ ਤੋਂ ਬਾਅਦ ਤਿੰਨ ਮਹੀਨਿਆਂ ਦੇ ਅੰਦਰ ਉਸ ਦੀ ਥਾਂ ਨਵਾਂ ਪੌਦਾ ਜ਼ਰੂਰ ਲਗਾਉਣਾ ਚਾਹੀਦਾ ਹੈ, ਤਾਂ ਜੋ ਕੁਦਰਤੀ ਸੰਤੁਲਨ ਬਣਿਆ ਰਹੇ।
ਗ੍ਰਹਿਆਂ ਨਾਲ ਵੀ ਜੋੜੇ ਜਾਂਦੇ ਹਨ ਪੌਦੇ
ਵਾਸਤੂ ਸ਼ਾਸਤਰ ਵਿੱਚ ਵੱਖ-ਵੱਖ ਕਿਸਮਾਂ ਦੇ ਪੌਦਿਆਂ ਅਤੇ ਰੁੱਖਾਂ ਦਾ ਸੰਬੰਧ ਨੌਂ ਗ੍ਰਹਿਆਂ ਨਾਲ ਵੀ ਦੱਸਿਆ ਗਿਆ ਹੈ।
ਸੂਰਜ ਨਾਲ ਮਜ਼ਬੂਤ ਤਣੇ ਵਾਲੇ ਰੁੱਖਾਂ ਦਾ ਸੰਬੰਧ ਮੰਨਿਆ ਜਾਂਦਾ ਹੈ, ਜਿਵੇਂ ਕਿ ਸ਼ੀਸ਼ਮ।
ਚੰਦਰਮਾ ਅਤੇ ਸ਼ੁੱਕਰ ਦਾ ਸੰਬੰਧ ਬੇਲਾਂ ਅਤੇ ਦੁੱਧ ਵਾਲੇ ਪੌਦਿਆਂ ਨਾਲ ਜੋੜਿਆ ਜਾਂਦਾ ਹੈ।
ਬ੍ਰਿਹਸਪਤੀ ਗ੍ਰਹਿ ਨੂੰ ਫਲਦਾਰ ਰੁੱਖਾਂ ਦਾ ਪ੍ਰਤੀਨਿਧੀ ਮੰਨਿਆ ਜਾਂਦਾ ਹੈ।
ਬੁੱਧ ਦਾ ਸੰਬੰਧ ਹਰੇ-ਭਰੇ ਅਤੇ ਬਿਨਾਂ ਫਲ ਵਾਲੇ ਪੌਦਿਆਂ ਨਾਲ ਮੰਨਿਆ ਜਾਂਦਾ ਹੈ।
ਸ਼ਨੀ ਨੂੰ ਸੁੱਕੇ, ਕਮਜ਼ੋਰ ਜਾਂ ਘੱਟ ਰਸ ਵਾਲੇ ਪੌਦਿਆਂ ਨਾਲ ਜੋੜਿਆ ਜਾਂਦਾ ਹੈ।
ਰਾਹੂ ਅਤੇ ਕੇਤੂ ਦਾ ਸੰਬੰਧ ਕੰਡਿਆਂ ਵਾਲੀਆਂ ਝਾੜੀਆਂ ਅਤੇ ਕਾਂਟੇਦਾਰ ਪੌਦਿਆਂ ਨਾਲ ਮੰਨਿਆ ਜਾਂਦਾ ਹੈ।
