Last Updated :
28 August 2026, 08:45 AM IST
Courtesy: ai image
ਨਵੀਂ ਦਿੱਲੀ. ਅੱਜ, 28 ਅਗਸਤ ਨੂੰ ਭੈਣ-ਭਰਾ ਦੇ ਪਿਆਰ ਅਤੇ ਸਨੇਹ ਦਾ ਪ੍ਰਤੀਕ ਰੱਖੜੀ ਦਾ ਪਵਿੱਤਰ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਇਸ ਮੌਕੇ 'ਤੇ ਭੈਣਾਂ ਆਪਣੇ ਭਰਾਵਾਂ ਦੀ ਕਲਾਈ 'ਤੇ ਰੱਖਿਆ ਸੂਤਰ ਬੰਨ੍ਹ ਕੇ ਉਨ੍ਹਾਂ ਦੀ ਲੰਬੀ ਉਮਰ, ਚੰਗੀ ਸਿਹਤ ਅਤੇ ਖੁਸ਼ਹਾਲ ਜੀਵਨ ਦੀ ਕਾਮਨਾ ਕਰਦੀਆਂ ਹਨ। ਬਦਲੇ ਵਿੱਚ ਭਰਾ ਵੀ ਆਪਣੀ ਭੈਣਾਂ ਦੀ ਰੱਖਿਆ ਦਾ ਵਾਅਦਾ ਕਰਦੇ ਹਨ। ਖਾਸ ਗੱਲ ਇਹ ਕੈ ਕਿ ਇਸ ਵਾਰ ਰੱਖੜੀ ਦੇ ਤਿਉਹਾਰ ਵਿੱਚ ਕੋਈ ਅੜਚਨ ਨਹੀ ਹੈ। ਇਸ ਵਾਰ ਰੱਖੜੀ 'ਤੇ ਭਦਰਾ ਦਾ ਪ੍ਰਭਾਵ ਵੀ ਨਹੀਂ ਰਹੇਗਾ। ਇਸ ਲਈ ਭੈਣਾਂ ਸਵੇਰ ਤੋਂ ਹੀ ਆਪਣੇ ਭਰਾਵਾਂ ਨੂੰ ਰਾਖੀ ਬੰਨ੍ਹ ਸਕਦੀਆਂ ਹਨ। ਤਾਂ ਆਓ ਜਾਣਦੇ ਹਾਂ ਰੱਖੜੀ ਬੰਨ੍ਹਣ ਦਾ ਸ਼ੁੱਭ ਸਮਾਂ ਅਤੇ ਇਸ ਦਿਨ ਬਣ ਰਹੇ ਖਾਸ ਯੋਗਾਂ ਬਾਰੇ।
ਹਿੰਦੂ ਪੰਚਾਂਗ ਅਨੁਸਾਰ ਰੱਖੜੀ ਦਾ ਤਿਉਹਾਰ ਸਾਵਣ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਿਮਾ ਤਿਥੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਸਾਵਣ ਪੂਰਨਿਮਾ 27 ਅਗਸਤ ਦੀ ਸਵੇਰ 9 ਵੱਜ ਕੇ 8 ਮਿੰਟ 'ਤੇ ਸ਼ੁਰੂ ਹੋਈ ਸੀ ਅਤੇ 28 ਅਗਸਤ ਦੀ ਸਵੇਰ 9 ਵੱਜ ਕੇ 48 ਮਿੰਟ 'ਤੇ ਸਮਾਪਤ ਹੋ ਰਹੀ ਹੈ। ਇਸੇ ਕਾਰਨ ਅੱਜ, 28 ਅਗਸਤ ਨੂੰ ਰੱਖੜੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ।
ਪੰਚਾਂਗ ਅਨੁਸਾਰ ਅੱਜ ਰਾਖੀ ਬੰਨ੍ਹਣ ਲਈ ਪਹਿਲਾ ਸ਼ੁੱਭ ਸਮਾਂ ਸਵੇਰੇ 5 ਵੱਜ ਕੇ 57 ਮਿੰਟ ਤੋਂ 9 ਵੱਜ ਕੇ 48 ਮਿੰਟ ਤੱਕ ਦੱਸਿਆ ਗਿਆ ਹੈ। ਇਸ ਦੌਰਾਨ ਭੈਣਾਂ ਆਪਣੇ ਭਰਾਵਾਂ ਦੀ ਕਲਾਈ 'ਤੇ ਰੱਖਿਆ ਸੂਤਰ ਬੰਨ੍ਹ ਸਕਦੀਆਂ ਹਨ। ਇਸ ਤੋਂ ਬਾਅਦ ਅਭਿਜੀਤ ਮੁਹੂਰਤ ਵਿੱਚ ਭੈਣਾਂ ਸਵੇਰੇ 11 ਵੱਜ ਕੇ 56 ਮਿੰਟ ਤੋਂ ਦੁਪਹਿਰ 12 ਵੱਜ ਕੇ 48 ਮਿੰਟ ਤੱਕ ਰਾਖੀ ਬੰਨ੍ਹ ਸਕਦੀਆਂ ਹਨ। ਹੋਰ ਧਾਰਮਿਕ ਕੰਮਾਂ ਲਈ ਇਸ ਸਮੇਂ ਨੂੰ ਵੀ ਸ਼ੁੱਭ ਮੰਨਿਆ ਜਾਂਦਾ ਹੈ।
ਸ਼ੁੱਭ ਚੌਘੜੀਆ: ਦੁਪਹਿਰ 12:28 ਵਜੇ ਤੋਂ 2:03 ਵਜੇ ਤੱਕ
ਅਪਰਾਹਨ ਕਾਲ: ਦੁਪਹਿਰ 1:44 ਵਜੇ ਤੋਂ ਸ਼ਾਮ 4:16 ਵਜੇ ਤੱਕ
ਚਰ ਚੌਘੜੀਆ: ਸ਼ਾਮ 5:13 ਵਜੇ ਤੋਂ 6:48 ਵਜੇ ਤੱਕ
ਜੋਤਿਸ਼ ਦੇ ਹਿਸਾਬ ਨਾਲ ਇਸ ਵਾਰ ਰੱਖੜੀ ਦਾ ਦਿਨ ਕਾਫ਼ੀ ਖਾਸ ਮੰਨਿਆ ਜਾ ਰਿਹਾ ਹੈ। ਇਸ ਦਿਨ ਲਗਭਗ 11 ਸ਼ੁੱਭ ਯੋਗਾਂ ਦਾ ਸੰਯੋਗ ਬਣਨ ਦੀ ਗੱਲ ਕਹੀ ਜਾ ਰਹੀ ਹੈ।
ਸ਼ਤਭਿਸ਼ਾ ਨਕਸ਼ਤਰ ਦੇ ਨਾਲ ਅਤਿਗੰਡ, ਸ਼ੋਭਨ, ਸ਼ਿਵ ਅਤੇ ਵਿਜਯ ਯੋਗ ਬਣਨ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਚੰਦਰਾਦਿ, ਬੁਧਾਦਿੱਤਯ, ਵਿਮਲ, ਵਿਪਰੀਤ ਰਾਜਯੋਗ, ਧਨ, ਉਭਯਚਰੀ, ਸ਼ਕਟ ਅਤੇ ਸੁਨਫਾ ਯੋਗ ਦਾ ਵੀ ਜ਼ਿਕਰ ਕੀਤਾ ਜਾ ਰਿਹਾ ਹੈ। ਜੋਤਿਸ਼ੀ ਮਾਨਤਾਵਾਂ ਅਨੁਸਾਰ ਸ਼ੁੱਭ ਯੋਗਾਂ ਦੇ ਸਮੇਂ ਪੂਜਾ, ਦਾਨ-ਪੁੰਨ ਅਤੇ ਹੋਰ ਧਾਰਮਿਕ ਕੰਮ ਕਰਨਾ ਫਲਦਾਇਕ ਮੰਨਿਆ ਜਾਂਦਾ ਹੈ। ਇਸ ਲਈ ਇਸ ਵਾਰ ਰੱਖੜੀ ਦਾ ਦਿਨ ਧਾਰਮਿਕ ਪੱਖੋਂ ਵੀ ਮਹੱਤਵਪੂਰਨ ਦੱਸਿਆ ਜਾ ਰਿਹਾ ਹੈ।
ਜੋਤਿਸ਼ ਅਨੁਸਾਰ ਅੱਜ ਸੂਰਜ ਸਿੰਘ ਰਾਸ਼ੀ ਵਿੱਚ ਰਹਿਣਗੇ, ਜਦਕਿ ਗੁਰੂ ਕਕਰ ਰਾਸ਼ੀ ਵਿੱਚ ਸਥਿਤ ਹੋਣਗੇ। ਚੰਦਰਮਾ ਕੁੰਭ ਰਾਸ਼ੀ ਵਿੱਚ ਰਹਿਣ ਦੀ ਗੱਲ ਕਹੀ ਜਾ ਰਹੀ ਹੈ। ਜੋਤਿਸ਼ ਵਿੱਚ ਸੂਰਜ ਨੂੰ ਆਤਮਵਿਸ਼ਵਾਸ, ਮਾਣ-ਸਨਮਾਨ ਅਤੇ ਊਰਜਾ ਨਾਲ ਜੋੜਿਆ ਜਾਂਦਾ ਹੈ। ਇਸੇ ਤਰ੍ਹਾਂ ਗੁਰੂ ਨੂੰ ਗਿਆਨ, ਸਿੱਖਿਆ, ਬੁੱਧੀ ਅਤੇ ਖੁਸ਼ਹਾਲੀ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਗ੍ਰਹਿਆਂ ਅਤੇ ਨਕਸ਼ਤਰਾਂ ਦੀ ਇਹ ਸਥਿਤੀ ਰੱਖੜੀ ਦੇ ਦਿਨ ਨੂੰ ਹੋਰ ਵੀ ਵਿਸ਼ੇਸ਼ ਬਣਾ ਰਹੀ ਹੈ।
ਰੱਖੜੀ ਬੰਨ੍ਹਣ ਸਮੇਂ ਭਦਰਾ ਦੇ ਨਾਲ ਰਾਹੂ ਕਾਲ ਦਾ ਵੀ ਧਿਆਨ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਅੱਜ ਰਾਹੂ ਕਾਲ ਸਵੇਰੇ 10 ਵੱਜ ਕੇ 46 ਮਿੰਟ ਤੋਂ ਦੁਪਹਿਰ 12 ਵੱਜ ਕੇ 22 ਮਿੰਟ ਤੱਕ ਰਹੇਗਾ। ਇਸ ਤੋਂ ਇਲਾਵਾ ਯਮਗੰਡ ਦੁਪਹਿਰ 3 ਵੱਜ ਕੇ 35 ਮਿੰਟ ਤੋਂ ਸ਼ਾਮ 5 ਵੱਜ ਕੇ 11 ਮਿੰਟ ਤੱਕ ਰਹਿਣ ਦੀ ਜਾਣਕਾਰੀ ਹੈ। ਜੋਤਿਸ਼ੀ ਮਾਨਤਾਵਾਂ ਅਨੁਸਾਰ ਇਸ ਸਮੇਂ ਦੌਰਾਨ ਰਾਖੀ ਬੰਨ੍ਹਣ ਦੀ ਬਜਾਏ ਇਸ ਤੋਂ ਪਹਿਲਾਂ ਜਾਂ ਬਾਅਦ ਦਾ ਸ਼ੁੱਭ ਸਮਾਂ ਚੁਣਨਾ ਬਿਹਤਰ ਮੰਨਿਆ ਜਾਂਦਾ ਹੈ।
ਧਾਰਮਿਕ ਮਾਨਤਾਵਾਂ ਵਿੱਚ ਭਦਰਾ ਕਾਲ ਨੂੰ ਰੱਖੜੀ ਬੰਨ੍ਹਣ ਲਈ ਅਨੁਕੂਲ ਨਹੀਂ ਮੰਨਿਆ ਜਾਂਦਾ। ਇਸ ਵਾਰ ਭਦਰਾ 27 ਅਗਸਤ ਦੀ ਸਵੇਰ ਪੂਰਨਿਮਾ ਤਿਥੀ ਸ਼ੁਰੂ ਹੋਣ ਦੇ ਨਾਲ ਲੱਗੀ ਸੀ ਅਤੇ ਰਾਤ 9 ਵੱਜ ਕੇ 32 ਮਿੰਟ 'ਤੇ ਖ਼ਤਮ ਹੋ ਗਈ।
ਇਸ ਤਰ੍ਹਾਂ ਰੱਖੜੀ ਵਾਲੇ ਦਿਨ ਰਾਖੀ ਬੰਨ੍ਹਣ ਦੇ ਸਮੇਂ ਭਦਰਾ ਦਾ ਕੋਈ ਪ੍ਰਭਾਵ ਨਹੀਂ ਰਹੇਗਾ। ਇਸ ਕਰਕੇ ਭੈਣਾਂ ਲਈ ਰੱਖੜੀ ਬੰਨ੍ਹਣ ਦੇ ਸ਼ੁੱਭ ਸਮੇਂ ਉਪਲਬਧ ਹਨ।
ਰੱਖੜੀ ਵਾਲੇ ਦਿਨ ਸਵੇਰੇ ਉੱਠ ਕੇ ਇਸ਼ਨਾਨ ਕਰਨ ਤੋਂ ਬਾਅਦ ਸਾਫ਼ ਕੱਪੜੇ ਪਹਿਨਣੇ ਚਾਹੀਦੇ ਹਨ। ਇਸ ਤੋਂ ਬਾਅਦ ਆਪਣੇ ਇਸ਼ਟ ਦੇਵ ਦਾ ਸਿਮਰਨ ਕਰਕੇ ਪੂਜਾ ਦੀ ਤਿਆਰੀ ਕੀਤੀ ਜਾਂਦੀ ਹੈ। ਰੱਖੜੀ ਦੀ ਥਾਲੀ ਵਿੱਚ ਰਾਖੀ, ਰੋਲੀ, ਚੰਦਨ, ਅਕਸ਼ਤ (ਚੌਲ), ਦਹੀ, ਮਿਠਾਈ ਅਤੇ ਘਿਓ ਦਾ ਦੀਵਾ ਰੱਖਣਾ ਚਾਹੀਦਾ ਹੈ। ਸਭ ਤੋਂ ਪਹਿਲਾਂ ਭਗਵਾਨ ਦੀ ਪੂਜਾ ਕਰਨ ਤੋਂ ਬਾਅਦ ਰੱਖੜੀ ਦੀ ਰਸਮ ਸ਼ੁਰੂ ਕੀਤੀ ਜਾਂਦੀ ਹੈ।
ल्प लें.
