Last Updated :
17 July 2024, 05:55 PM IST
ਬਾਲੀਵੁੱਡ ਨਿਊਜ। ਬਾਲੀਵੁੱਡ ਦੇ ਦਿੱਗਜ ਅਭਿਨੇਤਾ ਸ਼ਤਰੂਘਨ ਸਿਨਹਾ ਦੀ ਬੇਟੀ ਅਭਿਨੇਤਰੀ ਸੋਨਾਕਸ਼ੀ ਸਿਨਹਾ ਹਾਲ ਹੀ 'ਚ ਅਭਿਨੇਤਾ ਜ਼ਹੀਰ ਇਕਬਾਲ ਨਾਲ ਵਿਆਹ ਦੇ ਬੰਧਨ 'ਚ ਬੱਝੀ ਹੈ। ਸੋਨਾਕਸ਼ੀ ਅਤੇ ਜ਼ਹੀਰ ਦਾ ਵਿਆਹ ਲਗਾਤਾਰ ਸੁਰਖੀਆਂ 'ਚ ਰਿਹਾ। ਇਸ ਵਿਆਹ ਨੂੰ ਲੈ ਕੇ ਅਭਿਨੇਤਰੀ ਅਤੇ ਉਨ੍ਹਾਂ ਦੇ ਅਭਿਨੇਤਾ ਪਿਤਾ ਅਤੇ ਰਾਜਨੇਤਾ ਸ਼ਤਰੂਘਨ ਸਿਨਹਾ ਲਗਾਤਾਰ ਟ੍ਰੋਲਸ ਦੇ ਨਿਸ਼ਾਨੇ 'ਤੇ ਰਹੇ, ਜਿਸ ਦਾ ਇਕ ਕਾਰਨ ਸੋਨਾਕਸ਼ੀ ਅਤੇ ਜ਼ਹੀਰ ਦਾ ਵੱਖ-ਵੱਖ ਧਰਮਾਂ ਤੋਂ ਹੋਣਾ ਸੀ। ਸੋਨਾਕਸ਼ੀ ਨੇ ਸੱਤ ਸਾਲ ਡੇਟ ਕਰਨ ਤੋਂ ਬਾਅਦ ਜ਼ਹੀਰ ਨਾਲ ਵਿਆਹ ਕੀਤਾ ਸੀ। ਅਭਿਨੇਤਰੀ ਵਿਆਹ ਤੋਂ ਬਾਅਦ ਆਪਣੇ ਬਿਹਤਰੀਨ ਦੌਰ 'ਚ ਹੈ ਅਤੇ ਇਨ੍ਹੀਂ ਦਿਨੀਂ ਆਪਣੇ ਦੂਜੇ ਹਨੀਮੂਨ ਦਾ ਆਨੰਦ ਮਾਣ ਰਹੀ ਹੈ। ਸੋਨਾਕਸ਼ੀ ਅਤੇ ਜ਼ਹੀਰ ਫਿਲੀਪੀਨਜ਼ ਵਿੱਚ ਆਪਣੇ ਦੂਜੇ ਹਨੀਮੂਨ ਦਾ ਆਨੰਦ ਲੈ ਰਹੇ ਹਨ। ਇਸ ਦੌਰਾਨ ਸੋਨਾਕਸ਼ੀ ਨੇ ਆਪਣੇ ਅਤੇ ਆਪਣੇ ਪਤੀ ਜ਼ਹੀਰ ਵਿਚਾਲੇ ਸਭ ਤੋਂ ਵੱਡੇ ਫਰਕ ਦਾ ਖੁਲਾਸਾ ਕੀਤਾ ਹੈ।
ਸੋਨਾਕਸ਼ੀ ਨੇ ਦੱਸਿਆ ਅਪਣੇ ਅਤੇ ਜਹੀਰ ਵਿਚਾਲੇ ਇਹ ਫਰਕ
ਸੋਨਾਕਸ਼ੀ ਸਿਨਹਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ਰਾਹੀਂ ਆਪਣੇ ਅਤੇ ਆਪਣੇ ਪਤੀ ਜ਼ਹੀਰ ਵਿਚਕਾਰ ਫਰਕ ਦਾ ਖੁਲਾਸਾ ਕੀਤਾ ਹੈ। ਉਸ ਨੇ ਆਪਣੀ ਇੰਸਟਾ ਸਟੋਰੀ 'ਚ ਆਪਣੀ ਅਤੇ ਜ਼ਹੀਰ ਦੀ ਵਰਕਆਊਟ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਅਭਿਨੇਤਰੀ ਨੂੰ ਇਨਡੋਰ ਜਿਮ 'ਚ ਪਸੀਨਾ ਵਹਾਉਂਦੇ ਦੇਖਿਆ ਜਾ ਸਕਦਾ ਹੈ, ਜਦਕਿ ਜ਼ਹੀਰ ਬਾਹਰ ਜਾਗਿੰਗ ਕਰ ਰਿਹਾ ਹੈ। ਵੀਡੀਓ ਪੋਸਟ ਕਰਦੇ ਹੋਏ ਸੋਨਾਕਸ਼ੀ ਨੇ ਕੈਪਸ਼ਨ 'ਚ ਲਿਖਿਆ- 'ਇੰਡੋਰ ਬਨਾਮ ਆਊਟਡੋਰ ਲੋਕ'। ਪੋਸਟ ਤੋਂ ਸਾਫ ਹੈ ਕਿ ਭਾਵੇਂ ਇਹ ਜੋੜਾ ਆਪਣੇ ਹਨੀਮੂਨ 'ਤੇ ਹੈ ਪਰ ਇਕੱਠੇ ਸਮਾਂ ਬਿਤਾਉਂਦੇ ਹੋਏ ਆਪਣੀ ਸਿਹਤ ਦਾ ਪੂਰਾ ਖਿਆਲ ਰੱਖ ਰਹੇ ਹਨ।
ਹਨੀਮੂਨ 2 ਤੇ ਜਹੀਰ-ਸੋਨਾਕਸ਼ੀ
ਸੋਨਾਕਸ਼ੀ ਨੇ ਆਪਣੇ ਪਤੀ ਜ਼ਹੀਰ ਨਾਲ ਹੈਂਗਆਊਟ ਕਰਦੇ ਹੋਏ ਆਪਣੀਆਂ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਦੋਹਾਂ ਨੂੰ ਇਕੱਠੇ ਘੁੰਮਦੇ ਦੇਖਿਆ ਜਾ ਸਕਦਾ ਹੈ। ਸੋਨਾਕਸ਼ੀ ਅਤੇ ਜ਼ਹੀਰ ਨੇ ਹਨੀਮੂਨ 'ਤੇ ਡੇਟ ਨਾੋਈਟ ਦਾ ਵੀ ਆਨੰਦ ਮਾਣਿਆ। ਜ਼ਹੀਰ ਨੇ ਆਪਣੀ ਇੰਸਟਾ ਸਟੋਰੀ 'ਤੇ ਸੋਨਾਕਸ਼ੀ ਦੀਆਂ ਬਹੁਤ ਹੀ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ, ਜਿਸ ਦੇ ਨਾਲ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ- 'ਮੇਰੀ ਕੁੜੀ ਨਾਲ ਡੇਟ ਨਾਈਟ।' ਸੋਨਾਕਸ਼ੀ ਅਤੇ ਜ਼ਹੀਰ ਲਗਾਤਾਰ ਸੋਸ਼ਲ ਮੀਡੀਆ ਰਾਹੀਂ ਪ੍ਰਸ਼ੰਸਕਾਂ ਨਾਲ ਖੂਬਸੂਰਤ ਨਜ਼ਾਰਿਆਂ ਦੀਆਂ ਝਲਕੀਆਂ ਸਾਂਝੀਆਂ ਕਰ ਰਹੇ ਹਨ।
ਅਨੰਤ-ਰਾਧਇਕਾ ਦੇ ਸ਼ੁਭ ਆਸ਼ੀਰਵਾਦ ਸਮਾਰੋਹ 'ਚ ਪਹੁੰਚੇ ਸਨ ਸੋਨਾਕਸ਼ੀ-ਜਹੀਰ
ਸੋਨਾਕਸ਼ੀ ਅਤੇ ਜ਼ਹੀਰ ਆਪਣੇ ਵਿਆਹ ਦੇ ਬਾਅਦ ਤੋਂ ਹੀ ਲਗਾਤਾਰ ਸੁਰਖੀਆਂ ਵਿੱਚ ਹਨ। ਹਾਲ ਹੀ 'ਚ ਸੋਨਾਕਸ਼ੀ ਨੇ ਅੰਬਾਨੀ ਪਰਿਵਾਰ ਦੇ ਜਸ਼ਨਾਂ 'ਚ ਵੀ ਸ਼ਿਰਕਤ ਕੀਤੀ ਸੀ ਅਤੇ ਇਸ ਦੌਰਾਨ ਉਨ੍ਹਾਂ ਦੇ ਪਤੀ ਜ਼ਹੀਰ ਇਕਬਾਲ ਵੀ ਉਨ੍ਹਾਂ ਦੇ ਨਾਲ ਸਨ। ਸੋਨਾਕਸ਼ੀ ਅਤੇ ਜ਼ਹੀਰ ਅਨੰਤ-ਰਾਧਿਕਾ ਦੇ ਸ਼ੁਭ ਆਸ਼ੀਰਵਾਦ ਸਮਾਰੋਹ ਵਿੱਚ ਸ਼ਾਮਲ ਹੋਏ। ਵਿਆਹ ਤੋਂ ਬਾਅਦ ਇਹ ਪਹਿਲੀ ਵਾਰ ਸੀ ਜਦੋਂ ਦੋਵੇਂ ਕਿਸੇ ਪਾਰਟੀ 'ਚ ਨਜ਼ਰ ਆਏ। ਇਸ ਦੌਰਾਨ ਸੋਨਾਕਸ਼ੀ ਨੇ ਆਪਣੇ ਮੱਥੇ 'ਤੇ ਲਾਲ ਸਿੰਦੂਰ ਲਗਾਇਆ ਸੀ ਅਤੇ ਮੱਥੇ 'ਤੇ ਲਾਲ ਬਿੰਦੀ ਵੀ ਲਗਾਈ ਸੀ। ਉਸਨੇ ਅਨੰਤ-ਰਾਧਿਕਾ ਦੇ ਆਸ਼ੀਰਵਾਦ ਸਮਾਰੋਹ ਲਈ ਇੱਕ ਸੁੰਦਰ ਅਨਾਰਕਲੀ ਸੂਟ ਪਾਇਆ ਸੀ, ਜਿਸ ਵਿੱਚ ਉਹ ਬਹੁਤ ਸੁੰਦਰ ਲੱਗ ਰਹੀ ਸੀ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਅਨੰਤ-ਰਾਧਿਕਾ ਨੂੰ ਉਨ੍ਹਾਂ ਦੀ ਨਵੀਂ ਜ਼ਿੰਦਗੀ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।
