Last Updated :
21 December 2024, 11:21 AM IST
Baby John Advance Booking: ਵਰੁਣ ਧਵਨ ਦੀ ਐਕਸ਼ਨ ਫਿਲਮ 'ਬੇਬੀ ਜਾਨ' ਕ੍ਰਿਸਮਸ ਦੇ ਮੌਕੇ 'ਤੇ 25 ਦਸੰਬਰ ਨੂੰ ਵੱਡੀ ਰਿਲੀਜ਼ ਲਈ ਤਿਆਰ ਹੈ। ਕੈਲਿਸ ਦੁਆਰਾ ਨਿਰਦੇਸ਼ਤ ਅਤੇ ਐਟਲੀ ਦੁਆਰਾ ਨਿਰਮਿਤ, ਫਿਲਮ ਨੇ ਪਹਿਲਾਂ ਹੀ ਬਾਕਸ ਆਫਿਸ 'ਤੇ ਜ਼ਬਰਦਸਤ ਸ਼ੁਰੂਆਤ ਦੀਆਂ ਉਮੀਦਾਂ ਦੇ ਨਾਲ ਬਹੁਤ ਉਤਸ਼ਾਹ ਪੈਦਾ ਕੀਤਾ ਹੈ। ਰਿਲੀਜ਼ ਹੋਣ 'ਚ ਸਿਰਫ ਚਾਰ ਦਿਨ ਬਾਕੀ ਹਨ, ਇਸ ਲਈ ਫਿਲਮ ਦੀ ਚੰਗੀ ਐਡਵਾਂਸ ਬੁਕਿੰਗ ਦੇਖਣ ਨੂੰ ਮਿਲ ਰਹੀ ਹੈ।
ਫਿਲਮ ਦੇ PVR ਆਈਨੌਕਸ ਵਰਗੀਆਂ ਚੋਟੀ ਦੀਆਂ ਸਿਨੇਮਾ ਚੇਨਾਂ ਵਿੱਚ 75 ਹਜ਼ਾਰ ਤੋਂ ਵੱਧ ਟਿਕਟਾਂ ਦੀ ਵਿਕਰੀ ਹੋਣ ਦੀ ਉਮੀਦ ਹੈ ਅਤੇ ਪਹਿਲੇ ਦਿਨ 15 ਕਰੋੜ ਰੁਪਏ ਕਮਾਉਣ ਦਾ ਟੀਚਾ ਹੈ। ਟਿਕਟਾਂ ਦੀ ਗਿਣਤੀ 80 ਹਜ਼ਾਰ ਤੱਕ ਪਹੁੰਚਣ ਦੀ ਵੀ ਸੰਭਾਵਨਾ ਹੈ। ਜੇਕਰ ਇਹ ਇਸ ਟੀਚੇ 'ਤੇ ਪਹੁੰਚ ਜਾਂਦੀ ਹੈ, ਤਾਂ ਫਿਲਮ ਦੀ ਮਜ਼ਬੂਤ ਸ਼ੁਰੂਆਤ ਹੋਣ ਦੀ ਉਮੀਦ ਹੈ। ਹਾਲਾਂਕਿ, ਕੋਈ ਵੀ ਕਮੀ ਇਸਦੀ ਸ਼ੁਰੂਆਤ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ।
'ਬੇਬੀ ਜਾਨ' ਪੂਰੇ ਭਾਰਤ 'ਚ ਤਿੰਨ ਹਜ਼ਾਰ ਸਕ੍ਰੀਨਜ਼ 'ਤੇ ਰਿਲੀਜ਼ ਹੋਵੇਗੀ, ਜਿਸ ਦਾ ਸਿੱਧਾ ਮੁਕਾਬਲਾ 'ਪੁਸ਼ਪਾ 2' ਨਾਲ ਹੈ। ਦੱਸ ਦੇਈਏ ਕਿ ਅੱਲੂ ਅਰਜੁਨ ਦੀ ਫਿਲਮ ਅਜੇ ਵੀ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। 'ਬੇਬੀ ਜੌਨ' ਦੇ ਨਿਰਮਾਤਾ ਆਸ਼ਾਵਾਦੀ ਹਨ, ਖਾਸ ਤੌਰ 'ਤੇ ਇਸ ਦੀ ਸਟਾਰ ਪਾਵਰ ਅਤੇ ਕ੍ਰਿਸਮਸ ਟਾਈਮਿੰਗ ਨੂੰ ਲੈ ਕੇ।
