ਹੁਣ ਬਹੁਤ ਜਲਦ ਪਟਰੀ ਤੇ ਦੌੜੇਗੀ ਤੇ ਬੁਲੇਟ ਟਰੇਨ, ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕੀਤਾ ਨਵੇਂ ਰੂਟਾਂ ਦਾ ਐਲਾਨ

ਕੇਂਦਰੀ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਘੋਸ਼ਣਾ ਕੀਤੀ ਕਿ ਭਾਰਤ ਵਿੱਚ ਬਹੁਤ ਜਲਦ ਹੁਣ ਬੁਲੇਟ ਟਰੇਨ ਪਟਰੀ ਤੇ ਦੌੜੇਗੀ। ਇਸ ਟ੍ਰੇਨ ਦਾ ਪਹਿਲਾ ਸੈਕਸ਼ਨ ਅਗਲੇ ਸਾਲ ਸ਼ੁਰੂ ਕੀਤਾ ਜਾਵੇਗਾ।

ਨਵੀਂ ਦਿੱਲੀ: ਭਾਰਤ ਵਿੱਚ ਬਹੁਤ ਜਲਦ ਹੁਣ ਬੁਲੇਟ ਟਰੇਨ ਪਟਰੀ ਤੇ ਦੌੜੇਗੀ। ਕੇਂਦਰੀ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਦੱਸਿਆ ਕਿ ਹੈਦਰਾਬਾਦ ਨੂੰ ਤਿੰਨ ਹਾਈ-ਸਪੀਡ ਬੁਲੇਟ ਟਰੇਨ ਕਾਰੀਡੋਰ ਮਿਲਣਗੇ। ਇਸਦਾ ਨਿਰਮਾਣ ਕਾਰਜ ਮੁੰਬਈ ਅਤੇ ਅਹਿਮਦਾਬਾਦ 'ਚ ਚੱਲ ਰਿਹਾ ਹੈ। ਇਸਦੀ ਘੋਸ਼ਣਾ ਕਰਦਿਆਂ ਮੰਤਰੀ ਨੇ ਕਿਹਾ ਕਿ ਇਸ ਟ੍ਰੇਨ ਦਾ ਪਹਿਲਾ ਸੈਕਸ਼ਨ ਅਗਲੇ ਸਾਲ ਸ਼ੁਰੂ ਕੀਤਾ ਜਾਵੇਗਾ।

ਤਿੰਨ ਰੂਟਾਂ ਤੇ ਦੌੜੇਗੀ ਟਰੇਨ 

ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕਿਹਾ, "ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹੈਦਰਾਬਾਦ ਨੂੰ ਤਿੰਨ ਹਾਈ-ਸਪੀਡ ਬੁਲੇਟ ਟਰੇਨ ਕਾਰੀਡੋਰ ਦਿੱਤੇ ਹਨ, ਜੋ ਸ਼ਹਿਰ ਦੀ ਤਸਵੀਰ ਬਦਲ ਦੇਣਗੇ। ਪੁਣੇ ਤੋਂ ਹੈਦਰਾਬਾਦ, ਹੈਦਰਾਬਾਦ ਤੋਂ ਚੇਨਈ ਅਤੇ ਹੈਦਰਾਬਾਦ ਤੋਂ ਬੈਂਗਲੁਰੂ ਤੱਕ ਦੇ ਇਹ ਕਾਰੀਡੋਰ ਪੂਰੇ ਇਲਾਕੇ ਲਈ ਗੇਮ-ਚੇਂਜਰ ਸਾਬਤ ਹੋਣਗੇ ਅਤੇ ਹੈਦਰਾਬਾਦ ਹਾਈ-ਸਪੀਡ ਦਾ ਹੱਬ ਬਣ ਜਾਵੇਗਾ... ਇਸ ਨਾਲ ਬਹੁਤ ਜ਼ਿਆਦਾ ਵਿਕਾਸ ਹੋਵੇਗਾ। ਇਸ ਪੂਰੇ ਇਲਾਕੇ ਦੀਆਂ ਅਰਥਵਿਵਸਥਾਵਾਂ ਆਪਸ ਵਿੱਚ ਪੂਰੀ ਤਰ੍ਹਾਂ ਜੁੜ ਜਾਣਗੀਆਂ।” 

ਯਾਤਰਾ ਦਾ ਸਮਾਂ ਘਟੇਗਾ

ਅਸ਼ਵਨੀ ਵੈਸ਼ਨਵ ਨੇ ਕਿਹਾ ਕਿ ਪੁਣੇ ਅਤੇ ਹੈਦਰਾਬਾਦ ਵਿਚਕਾਰ ਪਹਿਲਾ ਪ੍ਰੋਜੈਕਟ ਯਾਤਰਾ ਦੇ ਸਮੇਂ ਨੂੰ ਘਟਾ ਕੇ ਦੋ ਘੰਟੇ ਕਰ ਦੇਵੇਗਾ। ਹੈਦਰਾਬਾਦ ਤੋਂ ਮੁੰਬਈ ਦੀ ਯਾਤਰਾ ਵਿੱਚ 2 ਘੰਟੇ 50 ਮਿੰਟ, ਹੈਦਰਾਬਾਦ ਤੋਂ ਅਮਰਾਵਤੀ ਦੀ ਯਾਤਰਾ ਵਿੱਚ 1 ਘੰਟਾ 10 ਮਿੰਟ, ਹੈਦਰਾਬਾਦ ਤੋਂ ਚੇਨਈ ਵਿੱਚ 3 ਘੰਟੇ ਅਤੇ ਹੈਦਰਾਬਾਦ ਤੋਂ ਬੰਗਲੁਰੂ ਵਿੱਚ 2 ਘੰਟੇ 35 ਮਿੰਟ ਲੱਗਣਗੇ।

ਵੈਸ਼ਨਵ ਨੇ ਇਹ ਵੀ ਦੱਸਿਆ ਕਿ ਤਿੰਨ ਵੱਡੇ ਬੁਲੇਟ ਟਰੇਨ ਕੋਰੀਡੋਰਾਂ ਦੀ ਸ਼ੁਰੂਆਤ ਨਾਲ ਹੈਦਰਾਬਾਦ ਇੱਕ ਹਾਈ-ਸਪੀਡ ਹੱਬ ਬਣਨ ਲਈ ਤਿਆਰ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਨਿਰਧਾਰਤ ₹5,400 ਕਰੋੜ ਦਾ ਮਹੱਤਵਪੂਰਨ ਰੇਲਵੇ ਬਜਟ ਤੇਲੰਗਾਨਾ ਵਿੱਚ ਕ੍ਰਾਂਤੀਕਾਰੀ ਬਦਲਾਅ ਲਿਆ ਰਿਹਾ ਹੈ।

ਪੀਐਮ ਮੋਦੀ ਨੇ ਅਲਾਟ ਕੀਤੇ ਤਿੰਨ ਕੋਰੀਡੋਰ

HYSEA GCCS ਅਤੇ IT ਗੋਲਮੇਜ਼ ਤੋਂ ਬਾਅਦ ਵੈਸ਼ਨਵ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹੈਦਰਾਬਾਦ ਨੂੰ ਤਿੰਨ ਹਾਈ-ਸਪੀਡ ਬੁਲੇਟ ਟਰੇਨ ਕੋਰੀਡੋਰ ਅਲਾਟ ਕੀਤੇ ਹਨ, ਜੋ ਸ਼ਹਿਰ ਦੇ ਦ੍ਰਿਸ਼ ਨੂੰ ਬਦਲ ਦੇਣਗੇ।
ਉਨ੍ਹਾਂ ਅੱਗੇ ਕਿਹਾ ਕਿ ਹੈਦਰਾਬਾਦ ਨੂੰ ਪ੍ਰਧਾਨ ਮੰਤਰੀ ਮੋਦੀ ਤੋਂ ਇਹ ਤਿੰਨ ਬੁਲੇਟ ਟਰੇਨ ਕੋਰੀਡੋਰ ਮਿਲਣਗੇ, ਜਿਸ ਨਾਲ ਤੇਲੰਗਾਨਾ ਨੂੰ ਮਹੱਤਵਪੂਰਨ ਲਾਭ ਹੋਣਗੇ।