ਰਾਜਸਥਾਨ ਰੌਇਲਜ਼ ਨੇ ਹੈਦਰਾਬਾਦ ਨੂੰ IPL ਤੋਂ ਕੀਤਾ ਬਾਹਰ, ਹੁਣ ਗੁਜਰਾਤ ਨਾਲ ਹੋਵੇਗੀ ਜੰਗ

Rajasthan Royals ਨੇ IPL 2026 ਦੇ ਐਲੀਮੀਨੇਟਰ ਮੁਕਾਬਲੇ ਵਿੱਚ Sunrisers Hyderabad ਨੂੰ 47 ਦੌੜਾਂ ਨਾਲ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ। ਹੁਣ ਰਾਜਸਥਾਨ ਦੀ ਟੱਕਰ ਦੂਜੇ ਕਵਾਲੀਫਾਇਰ ਵਿੱਚ Gujarat Titans ਨਾਲ ਹੋਵੇਗੀ।

ਮੁੱਲਾਂਪੁਰ: Rajasthan Royals ਨੇ IPL 2026 ਦੇ ਐਲੀਮੀਨੇਟਰ ਮੈਚ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ Sunrisers Hyderabad ਨੂੰ 47 ਦੌੜਾਂ ਨਾਲ ਹਰਾ ਦਿੱਤਾ। Maharaja Yadavindra Singh International Cricket Stadium ਵਿੱਚ ਖੇਡੇ ਗਏ ਇਸ ਮੁਕਾਬਲੇ ਵਿੱਚ ਰਾਜਸਥਾਨ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ ਵਿੱਚ 243 ਦੌੜਾਂ ਦਾ ਵੱਡਾ ਸਕੋਰ ਖੜ੍ਹਾ ਕੀਤਾ। ਜਵਾਬ ਵਿੱਚ ਹੈਦਰਾਬਾਦ ਦੀ ਟੀਮ ਇਹ ਟੀਚਾ ਹਾਸਲ ਨਾ ਕਰ ਸਕੀ ਅਤੇ IPL 2026 ਤੋਂ ਬਾਹਰ ਹੋ ਗਈ। ਇਸ ਜਿੱਤ ਨਾਲ ਰਾਜਸਥਾਨ ਨੇ ਦੂਜੇ ਕਵਾਲੀਫਾਇਰ ਵਿੱਚ ਜਗ੍ਹਾ ਪੱਕੀ ਕਰ ਲਈ ਹੈ। ਹੁਣ 29 ਮਈ ਨੂੰ ਉਸਦੀ ਟੱਕਰ ਗੁਜਰਾਤ ਟਾਈਟਨਸ ਨਾਲ ਹੋਵੇਗੀ।

ਵੈਭਵ ਸੂਰਯਵੰਸ਼ੀ ਨੇ ਮਚਾਇਆ ਕਹਿਰ

ਹੈਦਰਾਬਾਦ ਦੇ ਕਪਤਾਨ Pat Cummins ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਚੁਣੀ, ਪਰ ਇਹ ਫੈਸਲਾ ਟੀਮ ‘ਤੇ ਭਾਰੀ ਪੈ ਗਿਆ। ਰਾਜਸਥਾਨ ਦੇ ਓਪਨਰ Vaibhav Suryavanshi ਨੇ ਮੈਦਾਨ ‘ਚ ਉਤਰਦੇ ਹੀ ਹੈਦਰਾਬਾਦ ਦੇ ਗੇਂਦਬਾਜ਼ਾਂ ਦੀ ਧੁਨਾਈ ਕਰ ਦਿੱਤੀ। ਸੂਰਯਵੰਸ਼ੀ ਨੇ ਸਿਰਫ਼ 16 ਗੇਂਦਾਂ ਵਿੱਚ ਅਰਧਸੈਂਕੜਾ ਪੂਰਾ ਕੀਤਾ ਅਤੇ ਇਸ ਦੌਰਾਨ 8 ਛੱਕੇ ਜੜੇ। ਉਹ ਲਗਾਤਾਰ ਹਮਲਾਵਰ ਖੇਡਦੇ ਰਹੇ ਅਤੇ ਲੱਗ ਰਿਹਾ ਸੀ ਕਿ IPL ਇਤਿਹਾਸ ਦਾ ਸਭ ਤੋਂ ਤੇਜ਼ ਸੈਂਕੜਾ ਬਣ ਜਾਵੇਗਾ। ਹਾਲਾਂਕਿ 12 ਛੱਕੇ ਲਗਾਉਣ ਤੋਂ ਬਾਅਦ ਉਹ 97 ਦੌੜਾਂ ‘ਤੇ ਆਊਟ ਹੋ ਗਏ।

ਧ੍ਰੁਵ ਜੁਰੇਲ ਨੇ ਵੀ ਖੇਡੀ ਧਮਾਕੇਦਾਰ ਪਾਰੀ
Dhruv Jurel ਨੇ ਵੀ ਰਾਜਸਥਾਨ ਲਈ ਸ਼ਾਨਦਾਰ ਪਾਰੀ ਖੇਡੀ। ਉਨ੍ਹਾਂ ਨੇ ਸਿਰਫ਼ 21 ਗੇਂਦਾਂ ਵਿੱਚ 50 ਦੌੜਾਂ ਬਣਾਈਆਂ, ਜਿਸ ਵਿੱਚ 3 ਛੱਕੇ ਅਤੇ 5 ਚੌਕੇ ਸ਼ਾਮਲ ਸਨ। ਕਪਤਾਨ Riyan Parag ਨੇ ਵੀ 12 ਗੇਂਦਾਂ ‘ਤੇ 26 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। ਉਨ੍ਹਾਂ ਦੇ ਬੱਲੇ ਤੋਂ 2 ਛੱਕੇ ਅਤੇ 2 ਚੌਕੇ ਨਿਕਲੇ। ਹਾਲਾਂਕਿ ਇੰਨੀ ਸ਼ਾਨਦਾਰ ਬੱਲੇਬਾਜ਼ੀ ਦੇ ਬਾਵਜੂਦ ਰਾਜਸਥਾਨ ਦੀ ਟੀਮ 250 ਦਾ ਅੰਕੜਾ ਪਾਰ ਨਹੀਂ ਕਰ ਸਕੀ। ਟੀਮ ਨੇ 20 ਓਵਰਾਂ ਵਿੱਚ 243 ਦੌੜਾਂ ਬਣਾਈਆਂ।

ਆਰਚਰ ਨੇ ਹੈਦਰਾਬਾਦ ਦੀ ਉਮੀਦ ਤੋੜੀ
ਗੇਂਦਬਾਜ਼ੀ ਵਿੱਚ Jofra Archer ਨੇ ਕਮਾਲ ਦਾ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਨੇ ਆਪਣੀ ਦੂਜੀ ਹੀ ਗੇਂਦ ‘ਤੇ Abhishek Sharma ਨੂੰ ਜ਼ੀਰੋ ‘ਤੇ ਆਊਟ ਕਰ ਦਿੱਤਾ। Ishan Kishan ਨੇ ਤੇਜ਼ੀ ਨਾਲ ਦੌੜਾਂ ਬਣਾਕੇ ਹੈਦਰਾਬਾਦ ਦੀ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਆਰਚਰ ਨੇ ਉਨ੍ਹਾਂ ਨੂੰ ਵੀ 33 ਦੌੜਾਂ ‘ਤੇ ਪੈਵਿਲੀਅਨ ਭੇਜ ਦਿੱਤਾ। Travis Head ਵੀ 17 ਦੌੜਾਂ ਹੀ ਬਣਾ ਸਕੇ। ਆਰਚਰ ਦੀ ਘਾਤਕ ਗੇਂਦਬਾਜ਼ੀ ਨੇ ਹੈਦਰਾਬਾਦ ਦੀਆਂ ਉਮੀਦਾਂ ‘ਤੇ ਪਾਣੀ ਫੇਰ ਦਿੱਤਾ।

ਮਿਡਲ ਆਰਡਰ ਵੀ ਨਾ ਬਚਾ ਸਕਿਆ ਟੀਮ
ਹੈਦਰਾਬਾਦ ਦੇ ਮਿਡਲ ਆਰਡਰ ਨੇ ਕੁਝ ਸਮੇਂ ਲਈ ਮੁਕਾਬਲੇ ਵਿੱਚ ਵਾਪਸੀ ਦੀ ਕੋਸ਼ਿਸ਼ ਕੀਤੀ। Nitish Kumar Reddy ਅਤੇ Salil Arora ਨੇ ਕੁਝ ਵਧੀਆ ਸ਼ਾਟ ਖੇਡੇ ਅਤੇ ਫੈਂਸ ਦਾ ਮਨੋਰੰਜਨ ਕੀਤਾ। ਪਰ ਰਾਜਸਥਾਨ ਦੇ ਗੇਂਦਬਾਜ਼ਾਂ ਨੇ ਲਗਾਤਾਰ ਦਬਾਅ ਬਣਾਈ ਰੱਖਿਆ। Ravindra Jadeja ਨੇ ਦੋਵੇਂ ਬੱਲੇਬਾਜ਼ਾਂ ਨੂੰ ਆਊਟ ਕਰਕੇ ਮੈਚ ਪੂਰੀ ਤਰ੍ਹਾਂ ਰਾਜਸਥਾਨ ਦੇ ਹੱਕ ਵਿੱਚ ਕਰ ਦਿੱਤਾ। ਇਸ ਤੋਂ ਬਾਅਦ ਹੈਦਰਾਬਾਦ ਦੀ ਟੀਮ ਵਾਪਸੀ ਨਹੀਂ ਕਰ ਸਕੀ।

ਹੁਣ ਗੁਜਰਾਤ ਨਾਲ ਹੋਵੇਗੀ ਵੱਡੀ ਟੱਕਰ
ਇਸ ਜਿੱਤ ਨਾਲ ਰਾਜਸਥਾਨ ਰੌਇਲਜ਼ ਦਾ ਹੌਸਲਾ ਕਾਫੀ ਵੱਧ ਗਿਆ ਹੈ। ਟੀਮ ਹੁਣ ਦੂਜੇ ਕਵਾਲੀਫਾਇਰ ਵਿੱਚ Gujarat Titans ਨਾਲ ਭਿੜੇਗੀ। ਇਹ ਮੁਕਾਬਲਾ ਵੀ ਮੁੱਲਾਂਪੁਰ ਦੇ ਇਸੇ ਮੈਦਾਨ ਵਿੱਚ 29 ਮਈ ਨੂੰ ਸ਼ਾਮ 7:30 ਵਜੇ ਖੇਡਿਆ ਜਾਵੇਗਾ। ਫੈਂਸ ਹੁਣ ਇਸ ਵੱਡੇ ਮੁਕਾਬਲੇ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਮੈਚ IPL 2026 ਦਾ ਸਭ ਤੋਂ ਰੋਮਾਂਚਕ ਮੁਕਾਬਲਾ ਹੋ ਸਕਦਾ ਹੈ।