Last Updated :
20 June 2026, 01:49 PM IST
Courtesy: ai image
ਨਵੀਂ ਦਿੱਲੀ: ਪੁਲਿਸ ਤੇ ਜਾਂਚ ਏਜੰਸੀਆਂ ਨੂੁੰ ਇੱਕ ਕਮਾਲ ਦੀ ਤਕਨੀਕ ਮਿਲਣ ਵਾਲੀ ਹੈ, ਜਿਸ ਨਾਲ ਉਨ੍ਹਾਂ ਦਾ ਕੰਮ ਹੋਰ ਆਸਾਨ ਹੋ ਜਾਵੇਗਾ। ਦਰਅਸਲ, ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (NCRB) ਨੇ ਅਭਿਗਿਆਨ ਐਪ ਬਣਾਇਆ ਹੈ, ਜਿਸਨੂੰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸ਼ੁੱਕਰਵਾਰ ਨੂੰ ਲਾਂਚ ਕੀਤਾ। ਇਹ ਐਪ NAFIS ਨਾਲ ਜੁੜਿਆ ਹੋਵੇਗਾ, ਜੋ ਕਿ ਮੁਲਜ਼ਮਾਂ, ਦੋਸ਼ੀਆਂ ਅਤੇ ਕੈਦੀਆਂ ਦੇ ਫਿੰਗਰਪ੍ਰਿੰਟਸ ਨੂੰ ਇੱਕ ਕੇਂਦਰੀ ਪਲੇਟਫਾਰਮ 'ਤੇ ਸਟੋਰ ਕਰਦਾ ਹੈ ਤੇ ਇਸ ਨਾਲ ਆਸਾਨੀ ਨਾਲ ਕਿਸੇ ਵੀ ਸ਼ੱਕੀ ਦੇ ਅੰਗੂਠੇ ਦੇ ਨਿਸ਼ਾਨ ਲੈ ਕੇ ਉਸਦਾ ਚਿੱਠਾ ਖੋਲ੍ਹਿਆ ਜਾ ਸਕਦਾ ਹੈ।
ਅਭਿਗਿਆਨ ਐਪ ਦੇ ਫਾਇਦੇ
ਇਸ ਐਪ ਰਾਹੀ ਪੁਲਿਸ ਸੜਕ ਜਾਂਦੇ ਸ਼ੱਕੀਆਂ ਦਾ ਬਾਓਮੈਟ੍ਰਿਕ ਚੈਕ ਕਰ ਪਾਵੇਗੀ, ਜਿਸ ਨਾਲ ਉਨ੍ਹਾਂ ਨੂੰ ਅਪਰਾਧੀਆਂ ਨੂੰ ਫੜਨਾ ਆਸਾਨ ਹੋ ਜਾਵੇਗਾ। ਇਸ ਨਾਲ ਪੁਲਿਸ ਤੇ ਜਾਂਚ ਏਜੰਸੀਆਂ ਕੁੱਝ ਸੈਕੰਡਾਂ 'ਚ ਸ਼ੱਕੀਆ ਦਾ ਇਤਿਹਾਸ ਜਾਣ ਸਕਣਗੀਆਂ।
ਇਸ ਐਪ ਦੇ ਡੈਮੋ 'ਚ ਦਿਖਾਇਆ ਗਿਆ ਹੈ ਕਿ ਫਿੰਗਰਪ੍ਰਿੰਟ ਡਾਟਾਬੇਸ ਤੋਂ ਸਿਰਫ਼ 35 ਸੈਕੰਡ ਤੇ ਮੈਚ ਹੋ ਜਾਂਦੇ ਹਨ।
ਸਮਾਰਟਫੋਨ ਰਾਹੀਂ ਅਸਲ-ਸਮੇਂ ਦੀ ਪਛਾਣ
ਰਿਪੋਰਟਾਂ ਦੇ ਅਨੁਸਾਰ, ਫਿੰਗਰਪ੍ਰਿੰਟਸ ਦੀ ਜਾਂਚ ਕਰਨ ਦੀ ਸਹੂਲਤ ਇਸ ਸਮੇਂ ਦੇਸ਼ ਭਰ ਦੇ ਪੁਲਿਸ ਥਾਣਿਆਂ ਅਤੇ ਜ਼ਿਲ੍ਹਾ ਹੈੱਡਕੁਆਰਟਰਾਂ ਵਿੱਚ ਸਥਿਤ ਸਿਰਫ 1,556 ਵਰਕਸਟੇਸ਼ਨਾਂ 'ਤੇ ਉਪਲਬਧ ਹੈ। ਨਤੀਜੇ ਵਜੋਂ, ਇਸ ਸਮੇਂ ਕਿਸੇ ਵਿਅਕਤੀ ਨੂੰ ਉਸਦੇ ਫਿੰਗਰਪ੍ਰਿੰਟਸ ਦੀ ਪੁਸ਼ਟੀ ਕਰਨ ਲਈ ਪੁਲਿਸ ਸਟੇਸ਼ਨ ਲਿਜਾਣਾ ਜ਼ਰੂਰੀ ਹੈ।
ਹਾਲਾਂਕਿ, 'ਅਭਿਗਿਆਨ' ਐਪ ਦੇ ਨਾਲ, ਪੁਲਿਸ ਕਰਮਚਾਰੀ ਅਤੇ ਸੁਰੱਖਿਆ ਏਜੰਸੀਆਂ ਹੁਣ ਸਿੱਧੇ ਆਪਣੇ ਫੋਨਾਂ 'ਤੇ ਅਪਰਾਧਿਕ ਰਿਕਾਰਡ ਖੋਜਣ ਦੇ ਯੋਗ ਹੋਣਗੇ।
ਐਪ ਨੂੰ ਦੋ-ਸਟੈਪ ਪ੍ਰਮਾਣਿਕਤਾ ਨਾਲ ਸੁਰੱਖਿਅਤ ਕੀਤਾ ਜਾਵੇਗਾ ਅਤੇ ਅਸਲ-ਸਮੇਂ ਵਿੱਚ ਨਤੀਜੇ ਪ੍ਰਦਾਨ ਕਰੇਗਾ।
NAFIS ਡੇਟਾਬੇਸ ਵਿੱਚ 9.91 ਲੱਖ ਨਸ਼ਾ ਤਸਕਰਾਂ, 3.65 ਲੱਖ ਮਨੁੱਖੀ ਤਸਕਰੀ ਦੇ ਮਾਮਲਿਆਂ ਅਤੇ ਜੇਲ੍ਹ ਰਿਕਾਰਡਾਂ ਬਾਰੇ ਵਿਆਪਕ ਡੇਟਾ ਸ਼ਾਮਲ ਹੈ।
ਪੁਲਿਸ ਨੂੰ ਆਧੁਨਿਕ ਬਣਾਉਣ ਦੀ ਕੋਸ਼ਿਸ਼
ਰਿਪੋਰਟਾਂ ਮੁਤਾਬਿਕ, ਅਭਿਗਿਆਨ ਐਪ ਨੂੰ ਲਾਂਚ ਕਰਦੇ ਸਮੇਂ ਗ੍ਰਹਿ ਮੰਤਰੀ ਅਮਿਤਾ ਸ਼ਾਹ ਨੇ ਕਿਹਾ ਕਿ ਸਿਰਫ਼ ਅਪਰਾਧੀਆਂ ਨੂੰ ਫੜਨਾ ਜਰੂਰੀ ਨਹੀਂ ਹੈ, ਬਲਕਿ ਤੈਅ ਸਮੇਂ ਅੰਦਰ ਉਨ੍ਹਾਂ ਨੂੰ ਸਜ਼ਾ ਵੀ ਦਿਲਾਉਣਾ ਜਰੂਰੀ ਹੈ। ਇਸਦੇ ਲਈ ਉਨ੍ਹਾਂ ਨੇ ਤਕਨਾਲੋਜੀ ਦੇ ਇਸਤੇਮਾਲ ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਫਿੰਗਰਪ੍ਰਿੰਟ, ਡੀਏਨਏ, ਮੋਬਾਇਲ ਟਾਵਰ ਡਾਟਾ, ਫੇਸ਼ੀਅਲ ਰਿਕਾਗਨੇਸ਼ਨ ਅਤੇ ਆਈਰਿਸ ਸਕੈਨ ਵਰਗੇ ਸਬੂਤਾਂ ਨੂੰ ਵਿਗਿਆਨਿਕ ਤਰੀਕੇ ਨਾਲ ਚਾਰਜਸ਼ੀਟ 'ਚ ਪੇਸ਼ ਕਰਨ ਤੇ ਅਪਰਾਧੀਆਂ ਨੂੰ ਸਜ਼ਾ ਦਿਲਾਉਣ 'ਚ ਮਦਦ ਮਿਲ ਸਕਦੀ ਹੈ।
