Last Updated :
21 April 2023, 04:30 PM IST
ਸੂਚਕਾਂਕ ਪ੍ਰਮੁੱਖ ਰਿਲਾਇੰਸ ਇੰਡਸਟਰੀਜ਼ ਅਤੇ ਆਈਟੀ ਕਾਊਂਟਰਾਂ ਵਿੱਚ ਖਰੀਦਦਾਰੀ ਕਾਰਨ ਸ਼ੁੱਕਰਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਇਕੁਇਟੀ ਬੈਂਚਮਾਰਕ ਸੂਚਕਾਂਕ ਉੱਪਰ ਉੱਠੇ।
ਬੀਐੱਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ ‘ਚ 134 ਅੰਕ ਚੜ੍ਹ ਕੇ 59,766.37 ‘ਤੇ ਖੁੱਲ੍ਹਿਆ। ਐਂਨਐੱਸਈ ਨਿਫਟੀ 36.4 ਅੰਕ ਵਧ ਕੇ 17,660.85 ‘ਤੇ ਪਹੁੰਚ ਗਿਆ।
ਸੈਂਸੈਕਸ ਫਰਮਾਂ ਵਿੱਚੋਂ, ਐਚਸੀਐਲ ਟੈਕਨਾਲੋਜੀ ਸਭ ਤੋਂ ਵੱਧ ਲਾਭ ਪ੍ਰਾਪਤ ਕਰਨ ਵਾਲਿਆਂ ਵਜੋਂ ਉਭਰੀ, ਇਹ ਸ਼ੁਰੂਆਤੀ ਸੌਦਿਆਂ ਵਿੱਚ ਲਗਭਗ 2 ਫ਼ੀਸਦੀ ਚੜ੍ਹ ਗਈ। ਐੱਚਸੀਐੱਲ ਟੈਕਨੋਲੋਜੀਜ਼ ਨੇ ਵੀਰਵਾਰ ਨੂੰ 2022-23 ਦੀ ਚੌਥੀ ਤਿਮਾਹੀ ਲਈ ਏਕੀਕ੍ਰਿਤ ਸ਼ੁੱਧ ਮੁਨਾਫੇ ਵਿੱਚ 10.85 ਫ਼ੀਸਦੀ ਦੇ ਵਾਧੇ ਨੂੰ ₹3,983 ਕਰੋੜ ਤੱਕ ਪਹੁੰਚਾਇਆ।
ਕੋਟਕ ਮਹਿੰਦਰਾ ਬੈਂਕ, ਇੰਡਸਇੰਡ ਬੈਂਕ, ਏਸ਼ੀਅਨ ਪੇਂਟਸ, ਟਾਈਟਨ, ਵਿਪਰੋ, ਇੰਫੋਸਿਸ, ਸਨ ਫਾਰਮਾ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼, ਬਜਾਜ ਫਾਈਨਾਂਸ ਅਤੇ ਰਿਲਾਇੰਸ ਇੰਡਸਟਰੀਜ਼ ਦੂਸਰੇ ਹੋਰ ਜੇਤੂਆਂ ਵਿੱਚ ਸ਼ੁਮਾਰ ਰਹੇ।
ਟਾਟਾ ਸਟੀਲ, ਟੈਕ ਮਹਿੰਦਰਾ, ਮਾਰੂਤੀ, ਟਾਟਾ ਮੋਟਰਜ਼, ਅਲਟਰਾਟੈਕ ਸੀਮੇਂਟ ਅਤੇ ਲਾਰਸਨ ਐਂਡ ਟੂਬਰੋ ਇਸ ਦੌੜ ਵਿੱਚ ਪਛੜੇ।
ਏਸ਼ੀਆਈ ਬਾਜ਼ਾਰਾਂ ‘ਚ ਸਿਓਲ, ਜਾਪਾਨ, ਸ਼ੰਘਾਈ ਅਤੇ ਹਾਂਗਕਾਂਗ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ। ਅਮਰੀਕੀ ਬਾਜ਼ਾਰ ਵੀਰਵਾਰ ਨੂੰ ਘਾਟੇ ‘ਚ ਬੰਦ ਹੋਏ ਸਨ।
ਕਿਊ4 ਨਤੀਜਿਆਂ ਦਾ ਸੀਜ਼ਨ, ਹੁਣ ਤੱਕ, ਆਈਟੀ ਵਿੱਚ ਨਿਰਾਸ਼ਾਜਨਕ ਅਤੇ ਬੈਂਕਿੰਗ ਜੋ ਕਿ ਨਿਰੰਤਰ ਮਜ਼ਬੂਤੀ ਦੇ ਸ਼ੁਰੂਆਤੀ ਸੰਕੇਤ ਦੇ ਰਿਹਾ ਹੈ, ਮਿਸ਼ਰਤ ਰੁਝਾਨ ਰਿਹਾ ਹੈ। ਮੋਟੇ ਤੌਰ ‘ਤੇ, ਇਸ ਰੁਝਾਨ ਦੇ ਬਰਕਰਾਰ ਰਹਿਣ ਦੀ ਸੰਭਾਵਨਾ ਹੈ, ਪਰ ਆਈ.ਟੀ. ਵਿੱਚ ਕਦੇ-ਕਦਾਈਂ ਇੱਕਦਮ ਸੁਧਾਰ ਤੋਂ ਬਾਅਦ ਪਿੱਛੇ ਜਾਣ ਦੀ ਸੰਭਾਵਨਾ ਵੀ ਬਣੀ ਹੋਈ ਹੈ।
ਜੀਓਜੀਤ ਫਾਈਨੈਂਸ਼ੀਅਲ ਸਰਵਿਸਿਜ਼ ਦੇ ਚੀਫ ਇਨਵੈਸਟਮੈਂਟ ਸਟ੍ਰੈਟਿਜਿਸਟ ਵੀ ਕੇ ਵਿਜੇਕੁਮਾਰ ਨੇ ਕਿਹਾ, “ਐੱਚਸੀਐੱਲ ਟੈਕ ਦੇ ਨਤੀਜਿਆਂ ਨੇ ਨਿਰਾਸ਼ ਨਹੀਂ ਕੀਤਾ; ਕੁਝ ਆਈਟੀ ਮਿਡਕੈਪ ਬਾਜ਼ਾਰ ਦੀਆਂ ਉਮੀਦਾਂ ਨੂੰ ਮਾਤ ਦੇ ਸਕਦੇ ਹਨ, ਫਿਰ ਵੀ, ਕਮਜ਼ੋਰ ਗਲੋਬਲ ਸੰਕੇਤਾਂ ਦੇ ਮੱਦੇਨਜ਼ਰ, ਆਈਟੀ ਵਿੱਚ ਇੱਕ ਮਜ਼ਬੂਤ ਅਤੇ ਟਿਕਾਊ ਰੀਬਾਉਂਡ ਆਉਣਾ ਮੁਸ਼ਕਲ ਹੈ।”
ਵੀਰਵਾਰ ਨੂੰ ਸੈਂਸੈਕਸ 64.55 ਅੰਕ ਜਾਂ 0.11 ਫੀਸਦੀ ਚੜ੍ਹ ਕੇ 59,632.35 ‘ਤੇ ਬੰਦ ਹੋਇਆ ਅਤੇ ਨਿਫਟੀ 5.70 ਅੰਕ ਜਾਂ 0.03 ਫੀਸਦੀ ਵਧ ਕੇ 17,624.45 ‘ਤੇ ਬੰਦ ਹੋਇਆ। ਇਸ ਦੌਰਾਨ, ਗਲੋਬਲ ਆਇਲ ਬੈਂਚਮਾਰਕ ਬ੍ਰੈਂਟ ਕਰੂਡ 0.09 ਫੀਸਦੀ ਡਿੱਗ ਕੇ 81.03 ਡਾਲਰ ਪ੍ਰਤੀ ਬੈਰਲ ਹੋ ਗਿਆ।
ਐਕਸਚੇਂਜ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (ਐੱਫਪੀਆਈ) ਨੇ ਵੀਰਵਾਰ ਨੂੰ 1,169.32 ਕਰੋੜ ਰੁਪਏ ਦੀਆਂ ਇਕਵਿਟੀਜ਼ ਕਢਵਾਈਆਂ।
