Last Updated :
30 January 2024, 03:39 PM IST
Entertainment News: 'ਬਿੱਗ ਬੌਸ ਸੀਜ਼ਨ 17' ਤੋਂ ਬਾਅਦ ਉਡਾਰੀਆਂ ਅਤੇ 'ਬੇਕਾਬੂ ਵਰਗੇ ਸੀਰੀਅਲਾਂ 'ਚ ਕੰਮ ਕਰ ਚੁੱਕੇ ਅਭਿਸ਼ੇਕ ਕੁਮਾਰ ਦੀ ਕਿਸਮਤ ਪੂਰੀ ਤਰ੍ਹਾਂ ਬਦਲ ਗਈ ਹੈ। ਖਲਨਾਇਕ ਬਣਨ ਤੋਂ ਲੈ ਕੇ ਹੀਰੋ ਬਣਨ ਤੱਕ ਦੇ ਉਨ੍ਹਾਂ ਦੇ ਸਫ਼ਰ ਨੇ ਲੋਕਾਂ ਦੇ ਦਿਲਾਂ 'ਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਵੱਡੇ ਵਿਰੋਧੀਆਂ ਨੂੰ ਪਿੱਛੇ ਛੱਡਦੇ ਹੋਏ ਅਭਿਸ਼ੇਕ ਕੁਮਾਰ ਨੇ 'ਬਿੱਗ ਬੌਸ 17' ਦੇ ਫਾਈਨਲ 'ਚ ਜਗ੍ਹਾ ਬਣਾਈ ਸੀ। ਵੋਟਿੰਗ ਦੇ ਰੁਝਾਨ ਵਿੱਚ ਉਨ੍ਹਾਂ ਦਾ ਸ਼ੋਅ ਦੇ ਜੇਤੂ ਮੁਨੱਵਰ ਫਾਰੂਕੀ ਨਾਲ ਸਖ਼ਤ ਮੁਕਾਬਲਾ ਸੀ। ਉਹ ਸਿਖਰਲੇ 2 ਵਿੱਚ ਪਹੁੰਚ ਗਏ ਸਨ, ਪਰ ਟਰਾਫੀ ਤੋਂ ਖੁੰਝ ਗਏ। 'ਬਿੱਗ ਬੌਸ 17' ਦੇ ਖਤਮ ਹੋਣ ਤੋਂ ਬਾਅਦ ਘਰ ਪਹੁੰਚਣ 'ਤੇ ਉਨ੍ਹਾਂ ਦਾ ਸ਼ਾਨਦਾਰ ਸਵਾਗਤ ਹੋਇਆ। ਮੁੰਬਈ 'ਚ ਉਨ੍ਹਾਂ ਨੂੰ ਆਪਣੇ ਦੋਸਤਾਂ ਨਾਲ ਢੋਲ ਦੀ ਥਾਪ 'ਤੇ ਭੰਗੜਾ ਪਾਉਂਦੇ ਦੇਖਿਆ ਗਿਆ। ਉਨ੍ਹਾਂ ਨੇ ਆਪਣੇ ਦੋਸਤਾਂ ਨਾਲ ਖੁੱਲ੍ਹ ਕੇ ਭੰਗੜਾ ਪਾਇਆ।
ਸੋਸ਼ਲ ਮੀਡੀਆ 'ਤੇ ਲੋਕ ਅਭਿਸ਼ੇਕ ਕੁਮਾਰ ਨੂੰ ਅਸਲੀ ਜੇਤੂ ਕਹਿ ਰਹੇ ਹਨ। ਇੱਕ ਯੂਜ਼ਰ ਨੇ ਕਿਹਾ, ਡਿਜਰਵਿੰਗ।" ਇੱਕ ਨੇ ਕਿਹਾ, "ਅਭਿਸ਼ੇਕ ਨੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ।" ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ ਹੈ, "ਹੀ ਮੈਨ। ਇਹ ਮੁੰਡਾ ਹਮੇਸ਼ਾ ਦਿਲ ਜਿੱਤਦਾ ਹੈ।" ਇੱਕ ਪ੍ਰਸ਼ੰਸਕ ਨੇ ਕਿਹਾ, "ਅਸਲੀ ਜਿੱਤ ਅਭਿਸ਼ੇਕ ਦੀ ਹੈ।" ਇੱਕ ਹੋਰ ਨੇ ਲਿਖਿਆ, "ਅਸਲ ਵਿਜੇਤਾ ਅਭਿਸ਼ੇਕ।" ਇੱਕ ਪ੍ਰਸ਼ੰਸਕ ਨੇ ਕਮੈਂਟ ਵਿੱਚ ਲਿਖਿਆ, "ਅੰਤ ਤੱਕ ਬਣੇ ਰਹਿਣਾ ਬਹੁਤ ਵੱਡੀ ਗੱਲ ਹੈ। ਜਿੱਤ-ਹਾਰ ਹੁੰਦੀ ਰਹਿੰਦੀ ਹੈ।"
