Last Updated :
30 June 2026, 10:57 AM IST
Courtesy: pinterest
ਫਰਾਂਸ: ਗਰਮੀ ਨੇ ਨਾ ਸਿਰਫ਼ ਭਾਰਤ ਦੇ ਲੋਕਾਂ ਦੇ ਹੀ ਵੱਟ ਕੱਢੇ ਹੋਏ ਹਨ, ਬਲਕਿ ਕਈ ਹੋਰ ਦੇਸ਼ਾਂ ਵਿੱਚ ਵੀ ਇਸਦਾ ਭਿਆਨਕ ਪ੍ਰਕੋਪ ਦੇਖਣ ਨੂੰ ਮਿਲ ਰਿਹਾ ਹੈ। ਫਰਾਂਸ ਦੀ ਗੱਲ ਕਰੀਏ ਤਾਂ ਇੱਥੇ ਗਰਮੀ ਨੇ ਹਾਹਾਕਾਰ ਮਚਾਈ ਹੋਈ ਹੈ। ਹੀਟਵੇਵ ਦਾ ਇੰਨਾ ਪ੍ਰਕੋਪ ਹੈ ਕਿ ਸੈਂਕੜੇ ਲੋਕ ਆਪਣੀ ਜਾਨ ਗੰਵਾ ਚੁੱਕੇ ਹਨ। ਹਸਪਤਾਲਾਂ 'ਚ ਗਰਮੀ ਨਾਲ ਬੇਹਾਲ ਲੋਕਾਂ ਦੀ ਸੰਖਿਆ ਵੱਧ ਰਹੀ ਹੈ ਤੇ ਸ਼ਮਸ਼ਾਨਘਾਟ ਵੀ ਇੰਨੇ ਭਰ ਗਏ ਹਨ ਕਿ ਇੱਥੇ ਜਗ੍ਹਾ ਦੀ ਕਮੀ ਹੋ ਰਹੀ ਹੈ। ਗਰਮੀ ਕਾਰਨ ਵਿਗੜੇ ਹਾਲਾਤਾਂ ਨੂੰ ਦੇਖਦਿਆਂ ਉੱਥੇ ਦੇ ਪ੍ਰਧਾਨਮੰਤਰੀ ਸੇਬੇਸਟਿਅਨ ਲੇਕੋਰਨੂ ਨੂੰ ਹੀਟਵੇਵ ਦੇ ਅਸਰ ਨੂੰ ਲੈਕੇ ਕੇ ਇੱਕ ਅਹਿਮ ਬੈਠਕ ਕਰਨੀ ਪਈ।
ਫਰਾਂਸ ਦੇ ਸਿਹਤ ਅਧਿਕਾਰੀਆਂ ਨੇ ਰਿਪੋਰਟ ਦਿੱਤੀ ਕਿ ਭਿਆਨਕ ਗਰਮੀ ਦੇ ਪ੍ਰਕੋਪ ਕਾਰਨ ਫਰਾਂਸ 'ਚ 1000 ਤੋਂ ਜ਼ਿਆਦਾ ਮੌਤਾਂ ਹੋਈਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਮ੍ਰਿਤਕਾਂ ਵਿੱਚੋਂ 85 ਪ੍ਰਤੀਸ਼ਤ 65 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਸਨ।
🥵🇫🇷 France is facing an intense heatwave, with temperatures soaring to around 50°C in some areas. pic.twitter.com/MaE0dkmZzQ
— Disaster Zone (@Disaster_X_) June 29, 2026
ਸ਼ਮਸ਼ਾਨਾਂ 'ਚ ਘੱਟ ਪਈ ਜਗ੍ਹਾ
ਨੈਸ਼ਨਲ ਫਿਊਨਰਲ ਫੈਡਰੇਸ਼ਨ ਦੀ ਮੁਖੀ ਐਲਿਜ਼ਾਬੈਥ ਚੈਰੀਅਰ ਨੇ ਦੱਸਿਆ ਕਿ ਗਰਮੀਆਂ ਦੌਰਾਨ ਅੰਤਿਮ ਸੰਸਕਾਰ ਘਰ ਆਮ ਤੌਰ 'ਤੇ 30 ਤੋਂ 45 ਪ੍ਰਤੀਸ਼ਤ ਭਰੇ ਹੁੰਦੇ ਹਨ, ਪਰ ਹੁਣ ਇਹ ਅੰਕੜਾ ਦੇਸ਼ ਭਰ ਵਿੱਚ 66 ਪ੍ਰਤੀਸ਼ਤ ਤੋਂ ਵੱਧ ਹੋ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਈ ਥਾਵਾਂ 'ਤੇ ਮੁਰਦਾਘਰ ਪੂਰੀ ਤਰ੍ਹਾਂ ਭਰੇ ਹੋਏ ਹਨ, ਖਾਸ ਕਰਕੇ ਵੱਡੇ ਸ਼ਹਿਰਾਂ ਵਿੱਚ। ਚੈਰੀਅਰ ਨੇ ਏਐਫਪੀ ਨੂੰ ਦੱਸਿਆ, "ਸਭ ਤੋਂ ਵੱਡੀ ਸਮੱਸਿਆ ਕੇਂਦਰੀ ਪੈਰਿਸ ਵਿੱਚ ਹੈ। ਪਿਛਲੇ ਸ਼ੁੱਕਰਵਾਰ ਤੋਂ ਉੱਥੇ ਸਿਰਫ਼ ਦੋ ਹੀ ਅੰਤਿਮ ਸੰਸਕਾਰ ਘਰ ਪੂਰੀ ਤਰ੍ਹਾਂ ਭਰੇ ਹੋਏ ਹਨ।"
ਚੈਰੀਅਰ ਨੇ ਕਿਹਾ ਕਿ ਹਾਲਾਤ ਇੰਨੇ ਮਾੜੇ ਹੋ ਗਏ ਹਨ ਕਿ ਹੁਣ, ਲੋਕਾਂ ਨੂੰ ਆਪਣੇ ਅਜ਼ੀਜ਼ਾਂ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਅਤੇ ਅੰਤਿਮ ਸੰਸਕਾਰ ਕਰਨ ਲਈ ਪੈਰਿਸ ਤੋਂ ਬਾਹਰ - ਆਲੇ ਦੁਆਲੇ ਦੇ ਇਲਾਕਿਆਂ ਵਿੱਚ ਜਾਂ ਹੋਰ ਵੀ ਦੂਰ ਜਾਣਾ ਪੈ ਰਿਹਾ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਆਉਣ ਵਾਲੇ ਦਿਨਾਂ ਵਿੱਚ ਇੱਕ ਡੋਮਿਨੋ ਪ੍ਰਭਾਵ ਦੇਖਿਆ ਜਾ ਸਕਦਾ ਹੈ। ਇੱਕ ਡੋਮਿਨੋ ਪ੍ਰਭਾਵ ਇੱਕ ਚੇਨ ਪ੍ਰਤੀਕਿਰਿਆ ਨੂੰ ਦਰਸਾਉਂਦਾ ਹੈ ਜਿਸ ਵਿੱਚ ਇੱਕ ਛੋਟੀ ਜਿਹੀ ਘਟਨਾ ਸਮਾਨ ਘਟਨਾਵਾਂ ਦੀ ਇੱਕ ਲੜੀ ਨੂੰ ਚਾਲੂ ਕਰਦੀ ਹੈ।
ਐਲਿਜ਼ਾਬੈਥ ਚੈਰੀਅਰ ਨੇ ਕਿਹਾ ਕਿ ਸਭ ਤੋਂ ਵੱਡੀ ਪਰੇਸ਼ਾਨੀ ਇਹ ਹੋ ਸਕਦੀ ਹੈ ਕਿ ਲੋਕਾਂ ਨੂੰ ਆਪਣੇ ਕਰੀਬੀਆਂ ਦੇ ਅੰਤਿਮ ਸੰਸਕਾਰ ਲਈ ਸਮਾਂ ਮਿਲਣ ਲਈ ਇੰਤਜਾਰ ਕਰਨਾ ਪੈ ਸਕਦਾ ਹੈ ਜਾਂ ਕਬਰੀਸਤਾਨ 'ਚ ਦਫ਼ਨਾਉਣ ਲਈ ਜਗ੍ਹਾ ਮਿਲਣ ਤੇ ਦੇਰੀ ਹੋ ਸਕਦੀ ਹੈ।
ਦੱਸ ਦੇਈਏ, ਇਸ ਝੁਲਸਾਉਣ ਵਾਲੀ ਗਰਮੀ ਕਾਰਨ ਲੋਕਾਂ ਦੀ ਜ਼ਿੰਦਗੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ। ਕਈ ਸਕੂਲਾਂ ਅਤੇ ਮਸ਼ਹੂਰ ਘੁੰਮਣ ਵਾਲੀਆਂ ਥਾਵਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਲੋਕ ਸੜਕਾਂ 'ਤੇ ਤੁਰਨ ਤੋਂ ਵੀ ਝਿਜਕ ਰਹੇ ਹਨ ਕਿਉਂਕਿ ਸੜਕ ਦੀ ਸਤ੍ਹਾ ਪਿਘਲ ਰਹੀ ਹੈ ਅਤੇ ਉਨ੍ਹਾਂ ਦੇ ਜੁੱਤੀਆਂ ਅਤੇ ਸੈਂਡਲ ਨਾਲ ਚਿਪਕ ਰਹੀ ਹੈ। ਜ਼ਿਆਦਾਤਰ ਮੌਤਾਂ ਘਰਾਂ ਦੇ ਅੰਦਰ ਹੋ ਰਹੀਆਂ ਹਨ।
ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਸ ਅੱਤ ਦੀ ਗਰਮੀ ਦਾ ਸਿੱਧਾ ਸੰਬੰਧ ਜਲਵਾਯੂ ਪਰਿਵਰਤਨ ਨਾਲ ਹੈ।
