Last Updated :
11 December 2023, 02:44 PM IST
ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਕਰਵਾਉਣ ਆਈ ਪੁਲਿਸ ਫੋਰਸ ਵੱਲੋਂ ਚਲਾਈ ਰੇਲ ਗੱਡੀ ਵਿੱਚ ਇੱਕ ਔਰਤ ਨਾਲ ਜਬਰ ਜਿਨਾਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਐਤਵਾਰ ਦੇਰ ਰਾਤ ਕਟਨੀ ਅਤੇ ਸਤਨਾ ਵਿਚਕਾਰ ਦੀ ਦੱਸੀ ਜਾ ਰਹੀ ਹੈ। ਟਰੇਨ ਪੁਲਿਸ ਫੋਰਸ ਨੂੰ ਛੱਡ ਕੇ ਖਾਲੀ ਪਰਤ ਰਹੀ ਸੀ। ਇਸ ਦੌਰਾਨ ਇਹ ਕਾਫੀ ਦੇਰ ਤੱਕ ਪਕੜੀਆ ਸਟੇਸ਼ਨ 'ਤੇ ਖੜ੍ਹੀ ਰਹੀ। ਫਿਰ ਔਰਤ ਟਰੇਨ 'ਚ ਚੜ੍ਹੀ ਤਾਂ ਮੁਲਜ਼ਮ ਨੇ ਉਸ ਨੂੰ ਫੜ ਲਿਆ। ਜਦੋਂ ਟਰੇਨ ਸਤਨਾ ਸਟੇਸ਼ਨ 'ਤੇ ਰੁਕੀ ਤਾਂ ਮੁਲਜ਼ਮ ਨੇ ਔਰਤ ਨੂੰ ਬੋਗੀ ਤੋਂ ਬਾਹਰ ਸੁੱਟ ਦਿੱਤਾ ਅਤੇ ਦਰਵਾਜਾ ਬੰਦ ਕਰ ਦਿੱਤਾ। ਟਰੇਨ 30 ਮਿੰਟ ਤੱਕ ਸਟੇਸ਼ਨ 'ਤੇ ਖੜ੍ਹੀ ਰਹੀ ਪਰ ਜੀਆਰਪੀ ਬੋਗੀ ਦਾ ਦਰਵਾਜਾ ਨਹੀਂ ਖੋਲ੍ਹ ਸਕੀ। ਸਤਨਾ ਤੋਂ ਰਵਾਨਾ ਹੋਣ ਤੋਂ ਬਾਅਦ ਪੁਲਿਸ ਨੇ ਰੇਲਗੱਡੀ ਨੂੰ ਰੇਵਾ ਤੋਂ ਪਹਿਲਾਂ ਬਘਾਈ ਵਿਖੇ ਰੋਕਿਆ।
ਦਰਵਾਜਾ ਤੋੜ ਕੇ ਕੱਡਿਆ ਬਾਹਰ
ਪੁਲਿਸ ਦਾ ਦਾਅਵਾ ਹੈ ਕਿ ਮੁਲਜ਼ਮ ਨੇ ਖੁਦ ਨੂੰ ਟਾਇਲਟ 'ਚ ਬੰਦ ਕਰ ਲਿਆ ਸੀ। ਟਾਇਲਟ ਦਾ ਦਰਵਾਜਾ ਤੋੜ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਮੁਲਜ਼ਮ ਦੀ ਪਛਾਣ ਕਮਲੇਸ਼ ਕੁਸ਼ਵਾਹਾ ਵਜੋਂ ਹੋਈ ਹੈ। ਉਹ ਬਾਂਦਾ, ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ। ਉਸ ਨੂੰ ਕਟਾਣੀ ਜੀਆਰਪੀ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ।
ਪਹਿਲਾਂ ਵੀ ਕਈ ਕੇਸ ਦਰਜ
ਮੁਲਜ਼ਮ ਕਮਲੇਸ਼ ਇਸ ਸਮੇਂ ਗਾਇਤਰੀ ਨਗਰ, ਕਟਨੀ ਵਿੱਚ ਰਹਿੰਦਾ ਹੈ। ਉਹ ਇਕ ਹੋਰ ਰੇਲਗੱਡੀ ਰਾਹੀਂ ਕਟਨੀ ਤੋਂ ਪਕਰੀਆ ਸਟੇਸ਼ਨ ਆਇਆ। ਪਕਰੀਆ ਵਿਖੇ ਮਹਿਲਾ ਨੂੰ ਖਾਲੀ ਗੱਡੀ 'ਚ ਸਵਾਰ ਹੁੰਦੇ ਦੇਖ ਉਹ ਵੀ ਉਸ 'ਤੇ ਸਵਾਰ ਹੋ ਗਿਆ। ਜੀਆਰਪੀ ਮੁਤਾਬਕ ਮੁਲਜ਼ਮ ਖ਼ਿਲਾਫ਼ ਪਹਿਲਾਂ ਵੀ ਕਈ ਕੇਸ ਦਰਜ ਹਨ। ਉਸ ਦੇ ਖਿਲਾਫ ਵਾਰੰਟ ਜਾਰੀ ਹੋ ਚੁੱਕੇ ਹਨ।
