Last Updated :
19 October 2023, 07:24 PM IST
Virat Kohli: ਆਸਟ੍ਰੇਲੀਆਈ ਦਿੱਗਜ ਖਿਡਾਰੀ ਰਿਕੀ ਪੋਂਟਿੰਗ ਨੇ ਰੋਹਿਤ ਸ਼ਰਮਾ (Rohit Sharma) ਨੂੰ ਭਾਰਤ ਦੇ ਸ਼ਾਨਦਾਰ ਖਿਡਾਰੀਆਂ ਵਿੱਚੋਂ ਇੱਕ ਦੱਸਿਆ। ਪੋਂਟਿੰਗ ਨੇ ਕਿਹਾ ਕਿ ਰੋਹਿਤ ਸ਼ਰਮਾ ਭਾਰਤ ਨੂੰ 2011 ਦੀ ਜਿੱਤ ਤੋਂ ਬਾਅਦ ਆਪਣੀ ਧਰਤੀ ਤੇ ਤੀਜਾ ਵਨਡੇ ਵਿਸ਼ਵ ਕੱਪ ਖਿਤਾਬ ਦਿਵਾਉਣ ਲਈ ਆਦਰਸ਼ ਕਪਤਾਨ ਹੈ। ਤਿੰਨ ਸ਼ਾਨਦਾਰ ਜਿੱਤਾਂ ਦੇ ਨਾਲ ਭਾਰਤ ਨੇ ਆਪਣੀ ਵਿਸ਼ਵ ਕੱਪ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਭਾਰਤ ਨੇ ਆਪਣੇ ਟੂਰਨਾਮੈਂਟ ਦੇ ਪਹਿਲੇ ਮੈਚ ਵਿੱਚ ਆਸਟਰੇਲੀਆ ਨੂੰ ਛੇ ਵਿਕਟਾਂ ਨਾਲ ਹਰਾਇਆ। ਇਸ ਤੋਂ ਪਹਿਲਾਂ ਅਫਗਾਨਿਸਤਾਨ ਅਤੇ ਪਾਕਿਸਤਾਨ ਨੂੰ ਅੱਠ ਅਤੇ ਸੱਤ ਵਿਕਟਾਂ ਨਾਲ ਹਰਾ ਕੇ ਅੰਕ ਸੂਚੀ ਵਿੱਚ ਸਿਖਰ ਦਾ ਸਥਾਨ ਹਾਸਿਲ ਕੀਤਾ। ਪੋਂਟਿੰਗ ਨੇ ਕਿਹਾ ਕਿ ਰੋਹਿਤ ਸ਼ਰਮਾ (Rohit Sharma) ਇੱਕ ਸ਼ਾਨਦਾਰ ਖਿਡਾਰੀ ਹੈ। ਉਹ ਜੋ ਵੀ ਕਰਦਾ ਹੈ ਬਹੁਤ ਆਰਾਮ ਅਤੇ ਸੰਜਮ ਨਾਲ ਕਰਦਾ ਹੈ। ਤੁਸੀਂ ਇਹ ਵੀ ਦੇਖ ਸਕਦੇ ਹੋ ਕਿ ਉਹ ਜਿਸ ਤਰ੍ਹਾਂ ਨਾਲ ਖੇਡਦਾ ਹੈ ਉੱਦਾ ਬਹੁਤ ਹੀ ਘੱਟ ਕਿਸਮ ਦਾ ਬੱਲੇਬਾਜ਼ ਖੇਡਦੇ ਹਨ। ਇਸ ਤਰ੍ਹਾਂ ਉਹ ਮੈਦਾਨ ਦੇ ਅੰਦਰ ਅਤੇ ਬਾਹਰ ਛਾਇਆ ਰਹਿੰਦਾ ਹੈ। ਰੋਹਿਤ ਨੇ ਦਸੰਬਰ 2021 ਵਿੱਚ ਵਿਰਾਟ ਕੋਹਲੀ (Virat Kohli) ਤੋਂ ਵਾਈਟ-ਬਾਲ ਦੇ ਦੋਵਾਂ ਫਾਰਮੈਟਾਂ ਵਿੱਚ ਕਪਤਾਨੀ ਦੀ ਕਮਾਨ ਸੰਭਾਲੀ ਸੀ। ਪੋਂਟਿੰਗ ਦਾ ਮੰਨਣਾ ਹੈ ਕਿ ਰੋਹਿਤ ਸ਼ਰਮਾ (Rohit Sharma) ਦਾ ਕਿਰਦਾਰ ਭਾਰਤ ਦੇ ਲਈ ਬਿਲਕੁਲ ਫਿੱਟ ਬੈਠਦਾ ਹੈ । ਉਸਦੇ ਕਿਹਾ ਕਿ ਰੋਹਿਤ ਦੀ ਅਗਵਾਈ ਵਿੱਚ ਕੋਹਲੀ ਆਪਣੀ ਬੱਲੇਬਾਜ਼ੀ ਤੇ ਧਿਆਨ ਦੇ ਸਕਦਾ ਹੈ।
ਹੋਰ ਪੜ੍ਹੋ: ਪੀਸੀਬੀ ਨੇ ‘ਅਣਉਚਿਤ ਵਿਵਹਾਰ’ ਲਈ ਆਈਸੀਸੀ ਕੋਲ ਕੀਤੀ ਸ਼ਿਕਾਇਤ
ਪੋਂਟਿੰਗ ਨੇ ਕਿਹਾ ਕਿ ਵਿਰਾਟ ਕੋਹਲੀ (Virat Kohli) ਦਾ ਆਪਣਾ ਇੱਕ ਵੱਖਰਾ ਅੰਦਾਜ਼ ਹੈ। ਉਹ ਵੱਡੇ ਦਿਲਵਾਲਾ ਹੈ। ਸ਼ਾਇਦ ਪ੍ਰਸ਼ੰਸਕਾਂ ਦੀ ਗੱਲ ਸੁਣਦਾ ਹੈ ਅਤੇ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕਰਦਾ ਹੈ। ਪਰ ਮੈਨੂੰ ਲੱਗਦਾ ਹੈ ਕਿ ਜਿੱਥੇ ਭਾਰਤ ਦੀ ਅਗਵਾਈ ਦੀ ਗੱਲ ਆਉਂਦੀ ਹੈ ਤਾਂ ਰੋਹਿਤ ਸ਼ਰਮਾ (Rohit Sharma) ਬੈਸਟ ਹੈ। ਉਹ ਇੱਕ ਸ਼ਾਨਦਾਰ ਬੱਲੇਬਾਜ਼ ਅਤੇ ਇੱਕ ਮਹਾਨ ਖਿਡਾਰੀ ਹੈ। ਉਸਨੇ ਭਾਰਤ ਦੇ ਨੇਤਾ ਦੇ ਰੂਪ ਵਿੱਚ ਸ਼ਾਨਦਾਰ ਕੰਮ ਕੀਤਾ ਹੈ। ਮੇਨ ਇਨ ਬਲੂ ਨੇ ਆਖਰੀ ਵਾਰ 2011 ਵਿੱਚ ਵਿਸ਼ਵ ਕੱਪ ਜਿੱਤਿਆ ਸੀ ਜਦੋਂ ਭਾਰਤ, ਸ਼੍ਰੀਲੰਕਾ ਅਤੇ ਬੰਗਲਾਦੇਸ਼ ਦੁਆਰਾ ਸਾਂਝੇ ਤੌਰ ਤੇ ਟੂਰਨਾਮੈਂਟ ਦੀ ਮੇਜ਼ਬਾਨੀ ਕੀਤੀ ਗਈ ਸੀ।
ਪੋਂਟਿੰਗ ਨੇ ਕਿਹਾ ਕਿ ਸਾਰੇ ਅਧਾਰਾਂ ਨੂੰ ਕਵਰ ਕਰਨ ਦੇ ਨਾਲ ਭਾਰਤ ਮੌਜੂਦਾ ਪ੍ਰਦਰਸ਼ਨ ਵਿੱਚ ਹਰਾਉਣ ਵਾਲੀ ਟੀਮ ਹੈ। ਮੈਂ ਸ਼ੁਰੂ ਤੋਂ ਹੀ ਕਿਹਾ ਸੀ ਕਿ ਮੈਨੂੰ ਲੱਗਦਾ ਹੈ ਕਿ ਉਹ ਹਰਾਉਣ ਵਾਲੀ ਟੀਮ ਬਣਨ ਜਾ ਰਹੇ ਹਨ। ਜੋ ਦੂਜਿਆਂ ਨੂੰ ਹਰਾਉਂਦੇ ਹੋਏ ਜਿੱਤ ਹਾਸਲ ਕਰਨਗੇ। ਉਨ੍ਹਾਂ ਕੋਲ ਬਹੁਤ ਪ੍ਰਤਿਭਾਸ਼ਾਲੀ ਟੀਮ ਹੈ। ਇਹ ਰੋਹਿਤ ਸ਼ਰਮਾ (Rohit Sharma) ਦੀ ਅਗਵਾਈ ਨਾਲ ਹੀ ਸੰਭਵ ਹੈ। ਉਨ੍ਹਾਂ ਨੇ ਆਪਣੀ ਤੇਜ਼ ਗੇਂਦਬਾਜ਼ੀ, ਆਪਣੀ ਸਪਿਨ ਅਤੇ ਆਪਣੇ ਸਿਖਰਲੇ ਕ੍ਰਮ, ਮੱਧ ਕ੍ਰਮ ਦੀ ਬੱਲੇਬਾਜ਼ੀ ਨਾਲ ਸਾਰੇ ਅਧਾਰਾਂ ਨੂੰ ਕਵਰ ਕੀਤਾ ਹੈ। ਉਨ੍ਹਾਂ ਨੂੰ ਹਰਾਉਣਾ ਬਹੁਤ ਮੁਸ਼ਕਲ ਹੋਵੇਗਾ। ਪਰ ਅਸੀਂ ਦੇਖਾਂਗੇ ਕਿ ਉਹ ਬਹੁਤ ਜ਼ਿਆਦਾ ਦਬਾਅ ਵਿੱਚ ਜਿੱਤ ਨੂੰ ਕਿਵੇਂ ਬਰਕਰਾਰ ਰੱਖਦੇ ਹਨ। ਭਾਰਤ ਦਾ ਅਗਲਾ ਮੁਕਾਬਲਾ ਵੀਰਵਾਰ ਨੂੰ ਪੁਣੇ ਵਿੱਚ ਬੰਗਲਾਦੇਸ਼ ਨਾਲ ਹੋਵੇਗਾ।
