Last Updated :
05 July 2026, 06:12 PM IST
Courtesy: @Mahendra Sisodiya
ਆਗਰਾ: ਤੁਸੀ ਅੱਜ ਤੱਕ ਆਲੂ, ਗੋਭੀ, ਪਨੀਰ ਅਤੇ ਮੇਥੀ ਵਾਲੇ ਪਰਾਂਠੇ ਤਾਂ ਜਰੂਰ ਖਾਧੇ ਹੋਣੇ, ਪਰ ਕੀ ਨਿੰਮ ਦੇ ਪਰਾਂਠੇ ਦਾ ਸਵਾਦ ਚੱਖਿਆ ਹੈ ਕਦੇ? ਸੁਣ ਕੇ ਲੱਗਾ ਨਾ ਥੋੜ੍ਹਾ ਹੈਰਾਨੀਜਨਕ! ਜੀ ਹਾਂ, ਸੋਸ਼ਲ ਮੀਡੀਆ ਤੇ ਨਿੰਮ ਦੇ ਪਰਾਂਠੇ ਦਾ ਜੋ ਵੀਡਿਓ ਵਾਇਰਲ ਹੋ ਰਿਹਾ ਹੈ, ਉਸਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਰਿਹਾ ਹੈ ਤੇ ਹੈਰਾਨੀਜਨਕ ਕਮੇਂਟ ਵੀ ਆ ਰਹੇ ਹਨ। ਤਾਂ ਚੱਲੋ ਆਓ ਦੇਖਦੇ ਹਾਂ ਆਖਿਰ ਕੀ ਹੈ ਇਸ ਵੀਡਿਓ 'ਚ...
ਦਰਅਸਲ, ਇਸ ਵੀਡਿਓ ਨੂੰ @indorifoodist ਨਾਮਕ ਹੈਂਡਲ ਤੋਂ ਸਾਂਝਾ ਕੀਤਾ ਗਿਆ ਹੈ, ਜਿਸ ਵਿੱਚ ਵਿਕਰੇਤਾ ਨੂੰ 'ਭਾਰਤ ਦਾ ਪਹਿਲਾ ਨਿੰਮ ਦਾ ਪਰਾਂਠਾ' ਬਣਾਉਂਦੇ ਦੇਖਿਆ ਜਾ ਸਕਦਾ ਹੈ।
ਵੀਡਿਓ ਵਿੱਚ ਪਹਿਲਾਂ ਵਿਅਕਤੀ ਰੁੱਖ ਤੋਂ ਤਾਜ਼ੇ ਨਿੰਮ ਦੇ ਪੱਤੇ ਤੋੜਦਾ ਹੈ ਤੇ ਫਿਰ ਉਹ ਪੱਤਿਆਂ ਨੂੰ ਬਾਰੀਕ ਕੱਟਦਾ ਹੈ ਅਤੇ ਉਸ ਵਿੱਚ ਕੱਟੇ ਹੋਏ ਪਿਆਜ਼, ਪੀਸਿਆ ਹੋਇਆ ਅਦਰਕ ਅਤੇ ਭਾਰਤੀ ਮਸਾਲੇ ਮਿਕਸ ਕਰਦਾ ਹੈ, ਤਾਂ ਜੋ ਭਰਾਈ ਬਣਾਈ ਜਾ ਸਕੇ। ਅੱਗੇ, ਇੱਕ ਕਰਮਚਾਰੀ ਇਸ ਮਿਸ਼ਰਣ ਨੂੰ ਆਟੇ ਵਿੱਚ ਰੱਖ ਕੇ ਬੇਲਦਾ ਹੈ ਤੇ ਤਵੇ ਤੇ ਪਾ ਕੇ ਇਸਨੂੰ ਚੰਗੀ ਤਰ੍ਹਾਂ ਤੇਲ ਨਾਲ ਪਕਾਉਂਦਾ ਹੈ। ਦੋਵੇਂ ਪਾਸਿਓਂ ਪਰਾਂਠਾ ਕਰਿਸਪੀ ਅਤੇ ਸੁਨਹਿਰਾ ਹੋਣ ਤੇ ਇਸਨੂੰ ਕੱਟ ਕੇ ਥਾਲੀ ਵਿੱਚ ਪਰੋਸਦਾ ਹੈ।
ਇਸ ਵੀਡਿਓ ਨੂੰ ਪੋਸਟ ਕਰਕੇ ਕੈਪਸ਼ਨ ਦਿੱਤਾ ਗਿਆ- 'ਆਗਰਾ ਵਿੱਚ ਭਾਰਤ ਦਾ ਪਹਿਲਾ ਨਿੰਮ ਪਰਾਠਾ | ਇੰਡੀਅਨ ਸਟ੍ਰੀਟ ਫੂਡ।' ਸਥਾਨ: ਜੈ ਸ਼੍ਰੀ ਰਾਮ ਪਰਾਠਾ, ਬਸਾਈ ਖੁਰਦ, ਫਤਿਹਾਬਾਦ, ਆਗਰਾ, ਉੱਤਰ ਪ੍ਰਦੇਸ਼।'
ਇਹ ਪਰਾਂਠਾ ਦੇਖਣ 'ਚ ਭਾਵੇਂ ਹੀ ਬੇਹਦ ਕਰਿਸਪੀ ਲੱਗ ਰਿਹਾ ਹੈ ਪਰ ਇਸਨੂੰ ਖਾਣ ਤੇ ਇਹ ਕਿਹੋ ਜਿਹਾ ਲਗੇਗਾ, ਇੰਟਰਨੈੱਟ 'ਤੇ ਇਸਨੇ ਕਾਫ਼ੀ ਚਰਚਾ ਛੇੜ ਦਿੱਤੀ ਹੈ। ਯੂਜ਼ਰਸ ਵੀਡਿਓ ਤੇ ਕਮੇਂਟ ਕਰ ਆਪਣੀ ਪ੍ਰਤਿਕਿਰਿਆ ਦੇ ਰਹੇ ਹਨ।
ਇੱਕ ਉਪਭੋਗਤਾ ਨੇ ਲਿਖਿਆ, "ਮੇਰੇ ਰਿਸ਼ਤੇਦਾਰਾਂ ਲਈ ਸੰਪੂਰਨ ਨਾਸ਼ਤਾ।"
ਇੱਕ ਹੋਰ ਨੇ ਟਿੱਪਣੀ ਕੀਤੀ, "ਮੰਨ ਲਓ, ਨਿੰਮ ਦੇ ਫਾਇਦੇ ਹਨ, ਪਰ ਅਸਲ ਵਿੱਚ ਇੰਨੀ ਵੱਡੀ ਮਾਤਰਾ ਵਿੱਚ ਬਣੇ ਪਰਾਠੇ ਨੂੰ ਕੌਣ ਖਾਵੇਗਾ?"
ਤੀਜੇ ਨੇ ਕਿਹਾ, "ਓਹ, ਇਸਦਾ ਸਿਰਫ਼ ਵਿਚਾਰ ਹੀ ਮੇਰੇ ਮੂੰਹ ਨੂੰ ਕੌੜਾ ਬਣਾ ਦਿੰਦਾ ਹੈ।"
ਚੌਥੇ ਉਪਭੋਗਤਾ ਨੇ ਲਿਖਿਆ, "ਜੋ ਵੀ ਇਹ ਖਾਂਦਾ ਹੈ ਉਸਨੂੰ 21 ਬੰਦੂਕਾਂ ਦੀ ਸਲਾਮੀ।"
ਪੰਜਵੇਂ ਉਪਭੋਗਤਾ ਨੇ ਲਿਖਿਆ, "ਮੇਰੇ ਪਿਤਾ ਜੀ ਨੂੰ ਇਹ ਸੱਚਮੁੱਚ ਪਸੰਦ ਆਵੇਗਾ।"
ਇਸ ਦੌਰਾਨ, ਇੱਕ ਹੋਰ ਉਪਭੋਗਤਾ ਨੇ ਟਿੱਪਣੀ ਕੀਤੀ, "ਇਹ ਪਹਿਲੀ ਵਾਰ ਹੈ ਜਦੋਂ ਪਰਾਠਾ ਦੇਖ ਕੇ ਮੇਰੀ ਭੁੱਖ ਘੱਟ ਗਈ ਹੈ।"
