Last Updated :
25 August 2026, 01:56 PM IST
Courtesy: ai image
ਨਵੀਂ ਦਿੱਲੀ: ਕਰਨਾਟਕ ਸਿਹਤ ਵਿਭਾਗ ਦੇ ਫੂਡ ਸੇਫਟੀ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ ਡਿਵੀਜ਼ਨ ਨੇ ਜ਼ਹਿਰੀਲੇ ਨੇ ਐਮਾਜ਼ਾਨ, ਸਵਿਗੀ ਇੰਸਟਾਮਾਰਟ ਅਤੇ ਬਿਗਬਾਸਕੇਟ 'ਤੇ ਵੱਡੀ ਕਾਰਵਾਈ ਕੀਤੀ ਹੈ ਅਤੇ ਇਨ੍ਹਾਂ ਪਲੇਟਫਾਰਮਾਂ ਦੇ ਫੂਡ ਲਾਇਸੈਂਸ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰ ਦਿੱਤੇ ਹਨ। ਫੂਡ ਸੇਫਟੀ ਡਿਪਾਰਟਮੇਂਟ ਨੇ ਇਹ ਕਾਰਵਾਈ ਔਨਲਾਈਨ ਧਤੂਰਾ ਵਿਕਰੀ ਨੂੰ ਲੈ ਕੇ ਕੀਤੀ ਹੈ ਅਤੇ ਇਸਦੇ ਨਾਲ ਹੀ ਇਨ੍ਹਾਂ ਵਿਸ਼ੈਲੇ ਫਲ ਧਤੂਰਾ ਦਾ ਪ੍ਰਚਾਰ ਆਪਣੀ ਲਿਸਟ ਤੋਂ ਹਟਾਉਣ ਦਾ ਹੁਕਮ ਦਿੱਤਾ ਹੈ। ਉਨ੍ਹਾਂ ਚੇਤਾਵਨੀ ਦਿੰਦਿਆ ਕਿਹਾ ਕਿ ਭੋਜਨ ਉਤਪਾਦਾਂ ਦੇ ਤੌਰ ਤੇ ਇਨ੍ਹਾਂ ਵਿਸ਼ੈਲੇ ਪਦਾਰਥਾਂ ਦੀ ਵਿਕਰੀ ਨਾ ਕੀਤੀ ਜਾਵੇ।
ਫੂਡ ਸੇਫਟੀ ਵਿਭਾਗ ਨੇ ਦੱਸਿਆ ਕਿ ਇਹ ਕਾਰਵਾਈ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਐਕਟ, 2006, ਅਤੇ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਰੂਲਜ਼, 2011 ਦੇ ਤਹਿਤ ਕੀਤੀ ਜਾ ਰਹੀ ਹੈ ਅਤੇ ਇਹ ਸਸਪੇਂਸ਼ਨ ਅਗਲੇ ਆਦੇਸ਼ਾਂ ਤੱਕ ਜਾਰੀ ਰਹੇਗੀ। ਪਲੇਟਫਾਰਮਾਂ ਨੂੰ ਹੁਕਮਾਂ ਦੀ ਪਾਲਣਾ ਕਰਨੀ ਹੋਵੇਗੀ, ਉਲੰਘਣਾ ਕਰਨ 'ਤੇ ਬਣਦੀ ਕਾਰਵਾਈ ਕੀਤੀ ਜਾ ਸਕਦੀ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ, ਫੂਡ ਸੇਫਟੀ ਅਤੇ ਡਰੱਗ ਐਡਮਿਨਿਸਟ੍ਰੇਸ਼ਨ ਡਿਵੀਜ਼ਨ ਨੇ ਤਿੰਨਾ ਪਲੇਟਫਾਰਮਾਂ ਨੂੰ ਤੁਰੰਤ ਹੀ ਆਪਣੇ ਪਲੇਟਫਾਰਮ ਤੋਂ ਧਤੂਰੇ ਦੀ ਲਿਸਟਿੰਗ ਹਟਾਉਣ ਨੂੰ ਕਿਹਾ ਹੈ। ਇਨ੍ਹਾਂ ਨੂੰ ਹੁਕਮ ਦਿੱਤਾ ਗਿਆ ਕਿ ਉਹ ਵਿਸ਼ੈਲੇ ਫਲ ਧਤੂਰਾ ਦਾ ਪ੍ਰਚਾਰ ਹਟਾਉਣ ਅਤੇ ਉਸਦੀ ਵਿਕਰੀ ਨਾ ਕਰਨ।
ਵਿਭਾਗ ਨੇ ਕਿਹਾ ਧਤੁਰਾ ਇੱਕ ਜ਼ਹਿਰੀਲਾ ਪਦਾਰਥ ਹੈ ਅਤੇ ਇਸਦਾ ਇਸਤੇਮਾਲ ਮਨੁੱਖੀ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ। ਸੁਣਵਾਈ ਦੌਰਾਨ ਐਮਾਜ਼ਾਨ ਵੱਲੋਂ ਕੋਈ ਜਵਾਬ ਦਾਇਰ ਨਹੀਂ ਕੀਤਾ ਗਿਆ। ਦੂਜੇ ਪਾਸੇ ਸਵਿਗੀ ਇੰਸਟਾਮਾਰਟ ਨੇ ਦਸਤਾਵੇਜ਼ ਜਮ੍ਹਾਂ ਕਰਾਉਣ ਲਈ ਵਾਧੂ ਸਮਾਂ ਮੰਗਿਆ। ਬਿਗਬਾਸਕੇਟ ਨੇ ਦਲੀਲ ਦਿੱਤੀ ਕਿ ਉਸਨੇ ਧਤੂਰਾ ਵੇਚਣਾ ਬੰਦ ਕਰ ਦਿੱਤਾ ਅਤੇ ਭਵਿੱਖ ਵਿੱਚ ਵੀ ਲੇਬਲ 'ਤੇ ਸਪੱਸ਼ਟ ਤੌਰ 'ਤੇ "ਮਨੁੱਖੀ ਖਪਤ ਲਈ ਨਹੀਂ" ਲਿਖਿਆ ਜਾਵੇਗਾ।
ਹਾਲਾਂਕਿ, ਫੂਡ ਸੇਫਟੀ ਅਥਾਰਟੀ ਨੇ ਇਹਨਾਂਜਵਾਬਾਂ ਨੂੰ ਤਸੱਲੀਬਖਸ਼ ਨਹੀਂ ਮੰਨਿਆ। ਨਿਰੀਖਣ ਦੌਰਾਨ, ਦਾਤੁਰਾ ਫਲ ਅਤੇ ਬੀਜਾਂ ਦੇ ਪੈਕੇਟ ਮਿਲੇ, ਜਿਨ੍ਹਾਂ 'ਤੇ ਫੂਡ ਲਾਇਸੈਂਸ/ਰਜਿਸਟ੍ਰੇਸ਼ਨ ਨੰਬਰ ਸਨ। ਇਹ ਉਤਪਾਦ ਗੋਦਾਮ ਵਿੱਚ ਸਟੋਰ ਕੀਤੇ ਗਏ ਸਨ ਅਤੇ ਔਨਲਾਈਨ ਪਲੇਟਫਾਰਮਾਂ ਰਾਹੀਂ ਵਿਕਰੀ ਜਾਂ ਵੰਡ ਲਈ ਉਪਲਬਧ ਸਨ।
ਇਸ ਕਾਰਵਾਈ ਤੋਂ ਪਹਿਲਾ ਫੂਡ ਸੇਫਟੀ ਵਿਭਾਗ ਨੇ ਇਨ੍ਹਾਂ ਈ-ਕਾਮਰਸ ਪਲੇਟਫਾਰਮਾਂ 'ਤੇ ਦਾਤੁਰਾ ਉਤਪਾਦਾਂ ਦੀ ਔਨਲਾਈਨ ਸੂਚੀਕਰਨ ਅਤੇ ਵਿਕਰੀ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਸਨ। ਜਾਂਚ ਦੌਰਾਨ ਪਤਾ ਚੱਲਿਆ ਕਿ ਕੁਝ ਮਾਮਲਿਆਂ ਵਿੱਚ, ਧਤੂਰਾ ਫਲ ਅਤੇ ਬੀਜਾਂ ਨੂੰ FSSAI ਲਾਇਸੈਂਸ ਜਾਂ ਰਜਿਸਟ੍ਰੇਸ਼ਨ ਨੰਬਰਾਂ ਵਾਲੇ ਭੋਜਨ ਉਤਪਾਦਾਂ ਵਜੋਂ ਵਿਕਰੀ ਲਈ ਪ੍ਰਦਰਸ਼ਿਤ ਕੀਤਾ ਜਾ ਰਿਹਾ ਸੀ। ਉਸਦੇ ਬਾਅਦ ਮਾਮਲੇ ਦੀ ਸੁਣਵਾਈ 24 ਅਗਸਤ ਨੂੰ ਹੋਈ ਸੀ।
