Last Updated :
22 August 2026, 03:42 PM IST
Courtesy: ai image
ਨਵੀਂ ਦਿੱਲੀ: ਰੱਖੜੀ ਦੇ ਤਿਉਹਾਰ ਨੂੰ ਹੁਣ ਸਿਰਫ਼ 6 ਦਿਨ ਬਾਕੀ ਹਨ। ਇਸ ਵਾਰ ਇਹ 28 ਅਗਸਤ 2026 (ਸ਼ੁੱਕਰਵਾਰ) ਨੂੰ ਮਨਾਇ ਜਾ ਰਿਹਾ ਹੈ। ਰੱਖੜੀ ਦੇ ਮੌਕੇ ਭੈਣ-ਭਰਾ ਇਕ-ਦੂਜੇ ਨੂੰ ਤੋਹਫ਼ੇ ਦੇ ਕੇ ਆਪਣਾ ਪਿਆਰ ਜ਼ਾਹਿਰ ਕਰਦੇ ਹਨ ਅਤੇ ਅੱਜਕੱਲ੍ਹ ਦੂਰ ਰਹਿਣ ਕਾਰਨ ਕਈ ਭੈਣ-ਭਰਾ ਵੀ ਆਨਲਾਈਨ ਸ਼ਾਪਿੰਗ ਪਲੇਟਫਾਰਮਾਂ ਰਾਹੀਂ ਇਕ-ਦੂਜੇ ਦੇ ਪਤੇ 'ਤੇ ਗਿਫਟ ਭੇਜਦੇ ਹਨ। ਹਾਲਾਂਕਿ, ਤਿਉਹਾਰ ਨੇੜੇ ਆਉਂਦੇ ਹੀ ਆਨਲਾਈਨ ਸ਼ਾਪਿੰਗ ਦੌਰਾਨ ਕੁਝ ਮੁਸ਼ਕਲਾਂ ਵੀ ਆ ਸਕਦੀਆਂ ਹਨ।
ਪਸੰਦ ਕੀਤਾ ਹੋਇਆ ਗਿਫਟ ਆਖਰੀ ਸਮੇਂ 'ਤੇ ਆਊਟ ਆਫ ਸਟਾਕ ਵੀ ਹੋ ਸਕਦਾ ਹੈ ਜਾਂ ਫਿਰ ਆਰਡਰ ਦੀ ਡਿਲੀਵਰੀ ਤੈਅ ਸਮੇਂ ਤੋਂ ਦੇਰ ਨਾਲ ਹੋਣ ਦਾ ਡਰ ਰਹਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਰੱਖੜੀ ਦੀ ਖੁਸ਼ੀ ਵੀ ਪ੍ਰਭਾਵਿਤ ਹੋ ਸਕਦੀ ਹੈ। ਜੇਕਰ ਤੁਸੀ ਇਸ ਸਮੱਸਿਆ ਤੋਂ ਬਚਣਾ ਚਾਹੁੰਦੇ ਹੋ ਤਾਂ ਅਸੀ ਤੁਹਾਡੇ ਲਈ ਵਧੀਆ ਤਰੀਕਾ ਲਿਆਏ ਹਾਂ, ਜਿਸ ਨਾਲ ਤੁਹਾਡਾ ਤਿਉਹਾਰ ਪ੍ਰਭਾਵਿਤ ਨਹੀਂ ਹੋਵੇਗਾ।
ਆਪਣੇ ਗਿਫ਼ਟ ਨੂੰ ਸਮੇਂ ਸਿਰ ਪਤੇ ਤੇ ਪਹੁੰਚਾਉਣ ਲਈ ਅਤੇ ਕਿਸੇ ਟੈਕਨੀਕਲ ਸਮੱਸਆ ਤੋਂ ਦਾ ਇੱਕ ਆਸਾਨ ਤਰੀਕਾ ਹੈ ਕਿ ਤੁਸੀਂ ਆਪਣਾ ਗਿਫਟ ਪਹਿਲਾਂ ਹੀ ਚੁਣ ਕੇ ਉਸ ਦੀ ਡਿਲੀਵਰੀ ਤਾਰੀਖ ਨੂੰ ਸ਼ੈਡਿਊਲ ਕਰ ਦਿਓ। ਇਸ ਨਾਲ ਤੁਹਾਨੂੰ ਆਖਰੀ ਸਮੇਂ ਦੀ ਭੱਜ-ਦੌੜ ਤੋਂ ਬਚਣ ਵਿੱਚ ਮਦਦ ਮਿਲ ਸਕਦੀ ਹੈ।
ਗਿਫਟ ਨੂੰ ਸਮੇਂ ਸਿਰ ਪਹੁੰਚਾਉਣ ਲਈ ਆਰਡਰ ਕਰਦੇ ਸਮੇਂ ਹੇਠ ਲਿਖੀਆਂ ਗੱਲਾਂ ਦਾ ਧਿਆਨ ਰੱਖੋ:
ਸਭ ਤੋਂ ਪਹਿਲਾਂ ਤਾਂ ਇਹੀ ਸਲਾਹ ਹੈ ਕਿ ਤੁਸੀ ਆਪਣੀ ਲੋੜ ਦੇ ਮੁਤਾਬਕ ਕਿਸੇ ਭਰੋਸੇਯੋਗ ਆਨਲਾਈਨ ਸ਼ਾਪਿੰਗ ਜਾਂ ਕਵਿਕ-ਕਾਮਰਸ ਪਲੇਟਫਾਰਮ ਦੀ ਚੋਣ ਕਰੋ। ਇੱਥੇ ਤੁਸੀਂ ਰੱਖੜੀ, ਕੱਪੜੇ, ਜੁੱਤੇ, ਗਹਿਣੇ, ਇਲੈਕਟ੍ਰਾਨਿਕਸ, ਮਿਠਾਈ ਜਾਂ ਹੋਰ ਪਸੰਦੀਦਾ ਤੋਹਫ਼ੇ ਲੱਭ ਸਕਦੇ ਹੋ।
ਜੇਕਰ ਤੁਸੀਂ ਆਪਣਾ ਤੋਹਫ਼ਾ ਤੈਅ ਕਰ ਲਿਆ ਹੈ ਤਾਂ ਇਸ ਲਈ ਆਖਰੀ ਦਿਨ ਤੱਕ ਦਾ ਇੰਤਜ਼ਾਰ ਨਾ ਕਰੋ। ਤਿਉਹਾਰ ਨੇੜੇ ਆਉਣ 'ਤੇ ਕੁਝ ਲੋਕਪ੍ਰਿਯ ਚੀਜ਼ਾਂ ਦੀ ਉਪਲਬਧਤਾ ਘੱਟ ਹੋ ਸਕਦੀ ਹੈ। ਜੇਕਰ ਪਲੇਟਫਾਰਮ 'ਤੇ ਸ਼ੈਡਿਊਲ ਡਿਲੀਵਰੀ ਦਾ ਵਿਕਲਪ ਉਪਲਬਧ ਹੈ ਤਾਂ ਆਪਣੀ ਲੋੜ ਮੁਤਾਬਕ ਤਾਰੀਖ ਚੁਣੀ ਜਾ ਸਕਦੀ ਹੈ।
ਉਦਾਹਰਨ ਲਈ, ਰੱਖੜੀ 28 ਅਗਸਤ ਨੂੰ ਹੈ ਤਾਂ ਤੁਸੀਂ ਉਪਲਬਧਤਾ ਦੇ ਅਨੁਸਾਰ 27 ਜਾਂ 28 ਅਗਸਤ ਦੀ ਡਿਲੀਵਰੀ ਚੁਣ ਸਕਦੇ ਹੋ।
ਜਰੂਰੀ ਨਹੀਂ ਕਿ ਹਰ ਪਲੇਟਫਾਰਮ 'ਤੇ ਡਿਲੀਵਰੀ ਸ਼ੈਡਿਊਲ ਕਰਨ ਦਾ ਆਪਸ਼ਨ ਹੋਵੇ। ਹਾਲਾਂਕਿ, ਕੁਝ ਪਲੇਟਫਾਰਮਾਂ 'ਤੇ ਉਪਲਬਧਤਾ ਦੇ ਅਨੁਸਾਰ ਡਿਲੀਵਰੀ ਦਾ ਸਮਾਂ ਜਾਂ ਸਲਾਟ ਚੁਣਨ ਦੀ ਸਹੂਲਤ ਨਹੀਂ ਹੁੰਦੀ। ਇਸ ਲਈ ਇਹ ਦੇਖਣਾ ਬਹੁਤ ਜਰੂਰੀ ਹੈ।
ਗਿਫਟ ਭੇਜਣ ਵੇਲੇ ਸਭ ਤੋਂ ਮਹੱਤਵਪੂਰਨ ਗੱਲ ਸਹੀ ਡਿਲੀਵਰੀ ਐਡਰੈੱਸ ਹੈ। ਆਰਡਰ ਕਨਫਰਮ ਕਰਨ ਤੋਂ ਪਹਿਲਾਂ ਘਰ ਦਾ ਪਤਾ, ਫਲੈਟ ਜਾਂ ਮਕਾਨ ਨੰਬਰ, ਇਲਾਕਾ, ਪਿੰਨ ਕੋਡ ਅਤੇ ਲੈਂਡਮਾਰਕ ਦੀ ਜਾਂਚ ਕਰੋ। ਇਸ ਦੇ ਨਾਲ ਪ੍ਰਾਪਤ ਕਰਨ ਵਾਲੇ ਵਿਅਕਤੀ ਦਾ ਚਾਲੂ ਮੋਬਾਈਲ ਨੰਬਰ ਵੀ ਦਰਜ ਕਰੋ।
ਸਾਰੀਆਂ ਜਾਣਕਾਰੀਆਂ ਦੀ ਜਾਂਚ ਕਰਨ ਤੋਂ ਬਾਅਦ ਭੁਗਤਾਨ ਦੀ ਪ੍ਰਕਿਰਿਆ ਪੂਰੀ ਕਰੋ ਅਤੇ ਇਹ ਯਕੀਨੀ ਬਣਾਓ ਕਿ ਆਰਡਰ ਸਫਲਤਾਪੂਰਵਕ ਪਲੇਸ ਹੋ ਗਿਆ ਹੈ। ਆਰਡਰ ਨੰਬਰ ਅਤੇ ਡਿਲੀਵਰੀ ਦੀ ਸੰਭਾਵਿਤ ਤਾਰੀਖ ਨੂੰ ਸੰਭਾਲ ਕੇ ਰੱਖਣਾ ਵੀ ਫਾਇਦੇਮੰਦ ਹੈ।
ਇੱਥੇ ਤੁਹਾਡੇ ਲਈ ਇੱਕ ਸਲਾਹ ਹੈ ਕਿ ਜੇਕਰ ਤੁਸੀਂ ਆਮ ਗਿਫਟ ਦੀ ਬਜਾਏ ਕੋਈ ਪਸਨਲਾਈਜ਼ਡ ਜਾਂ ਕਸਟਮਾਈਜ਼ਡ ਤੋਹਫ਼ਾ ਦੇਣਾ ਚਾਹੁੰਦੇ ਹੋ ਤਾਂ ਉਸ ਨੂੰ ਆਖਰੀ ਸਮੇਂ 'ਤੇ ਆਰਡਰ ਨਾ ਕਰੋ। ਫੋਟੋ ਫ੍ਰੇਮ, ਨਾਮ ਵਾਲੇ ਗਿਫਟ, ਕਸਟਮ ਮੱਗ, ਫੋਟੋ ਪ੍ਰਿੰਟਿੰਗ ਜਾਂ ਹੋਰ ਨਿੱਜੀ ਡਿਜ਼ਾਈਨ ਵਾਲੇ ਤੋਹਫ਼ਿਆਂ ਨੂੰ ਤਿਆਰ ਕਰਨ ਵਿੱਚ ਵਾਧੂ ਸਮਾਂ ਲੱਗ ਸਕਦਾ ਹੈ। ਇਸ ਲਈ ਅਜਿਹੇ ਗਿਫਟਾਂ ਲਈ ਲਗਭਗ 7 ਤੋਂ 10 ਦਿਨ ਪਹਿਲਾਂ ਆਰਡਰ ਕਰਨਾ ਬਿਹਤਰ ਰਹਿੰਦਾ ਹੈ। ਆਰਡਰ ਕਰਨ ਤੋਂ ਪਹਿਲਾਂ ਪਲੇਟਫਾਰਮ ਵੱਲੋਂ ਦਿੱਤੀ ਗਈ ਅਨੁਮਾਨਿਤ ਡਿਲੀਵਰੀ ਤਾਰੀਖ ਜ਼ਰੂਰ ਚੈੱਕ ਕਰੋ।
