Last Updated :
05 July 2026, 10:24 AM IST
Courtesy: pinterest
ਨਵੀਂ ਦਿੱਲੀ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਹਾਲ ਹੀ 'ਚ ਈਰਾਨ ਨੂੰ ਲੈ ਕੇ ਵੱਡਾ ਦਾਅਵਾ ਕੀਤਾ ਹੈ। ਹਾਲ ਹੀ 'ਚ ਇੱਕ ਇੰਟਰਵਿਊ 'ਚ ਟਰੰਪ ਨੇ ਕਿਹਾ ਕਿ ਅਮਰੀਕਾ ਚਾਹੁੰਦਾ ਤਾਂ ਅਲੀ ਖਾਮੇਨੇਈ ਦੇ ਜਨਾਜੇ 'ਚ ਪਹੁੰਚੇ ਸਾਰੇ ਵੱਡੇ ਨੇਤਾਵਾਂ ਨੂੰ ਇੱਕੋ ਵਾਰ ਤਬਾਹ ਕਰ ਸਕਦਾ ਸੀ, ਪਰ ਉਨ੍ਹਾਂ ਨੇ ਇੰਝ ਨਹੀਂ ਕੀਤਾ, ਕਿਉਂਕਿ ਉਹ ਈਰਾਨ ਨਾਲ ਪਰਮਾਣੂ ਗੱਲਬਾਤ ਅੱਗੇ ਵਧਾਉਣਾ ਚਾਹੁੰਦਾ ਹੈ।
ਇਹ ਬਿਆਨ ਟਰੰਪ ਨੇ ਸ਼ਨੀਵਾਰ ਨੂੰ ਏਕਸੀਓਸ ਦੇ ਨਾਲ ਫੋਨ ਤੇ ਵਾਰਤਾਲਾਪ ਵਿੱਚ ਦਿੱਤਾ। ਇਸ ਦੌਰਾਨ ਉਨ੍ਹਾਂ ਨੇ ਸਾਫ਼ ਕਿਹਾ ਕਿ, ਅਸੀ ਇੱਕ ਹੀ ਵਾਰ 'ਚ ਸਾਰਿਆਂ ਨੂੰ ਖ਼ਤਮ ਕਰ ਸਕਦੇ ਸੀ, ਪਰ ਅਸੀਂ ਇੰਝ ਨਹੀਂ ਕਰਾਂਗੇ। ਕੋਈ ਸਾਡੇ ਕੋਲ ਫਿਰ ਗੱਲਬਾਤ ਕਰਨ ਲਈ ਕੋਈ ਨਹੀਂ ਬਚੇਗਾ।
ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਈਰਾਨ ਇਸ ਸਮੇਂ ਸਮਝੌਤਾ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਕਿਸੇ ਵੀ ਤਰ੍ਹਾਂ ਗੱਲਬਾਤ ਕਰਨਾ ਚਾਹੁੰਦਾ ਹੈ।
ਟਰੰਪ ਦੇ ਮੁਤਾਬਿਕ, ਅਮਰੀਕਾ ਦੀ ਪਹਿਲ ਸਿਰਫ਼ ਸੈਨਿਕ ਕਾਰਵਾਈ ਨਹੀਂ, ਬਲਕਿ ਈਰਾਨ ਦੇ ਨਾਲ ਪਰਮਾਣੂ ਮੁੱਦੇ ਤੇ ਗੱਲਬਾਤ ਦੀ ਸੰਭਾਵਨਾ ਨੂੰ ਬਰਕਰਾਰ ਰੱਖਣਾ ਹੈ।
ਫਿਲਹਾਲ, ਦੋਵੇਂ ਧਿਰਾਂ ਕੁਝ ਦਿਨਾਂ ਲਈ ਗੱਲਬਾਤ ਰੋਕਣ ਲਈ ਸਹਿਮਤ ਹੋ ਗਈਆਂ ਹਨ। ਇਸਦਾ ਕਾਰਨ ਇਹ ਹੈ ਕਿ ਸਾਬਕਾ ਸੁਪਰੀਮ ਲੀਡਰ ਅਲੀ ਖਮੇਨੀ ਦੇ ਅੰਤਿਮ ਸੰਸਕਾਰ ਦੀਆਂ ਰਸਮਾਂ ਅਜੇ ਪੂਰੀਆਂ ਨਹੀਂ ਹੋਈਆਂ ਹਨ। ਇਨ੍ਹਾਂ ਵਿਚਾਰ-ਵਟਾਂਦਰੇ ਦੌਰਾਨ, ਉਨ੍ਹਾਂ ਨੇ ਆਪਣੇ ਲੰਬੇ ਸਮੇਂ ਤੋਂ ਚੱਲੇ ਆ ਰਹੇ ਦਾਅਵੇ ਨੂੰ ਦੁਹਰਾਇਆ ਕਿ ਖਾਮੇਨੇਈ ਯੁੱਧ ਦੇ ਪਹਿਲੇ ਦਿਨ ਹੀ ਅਮਰੀਕਾ-ਇਜ਼ਰਾਈਲੀ ਫੌਜੀ ਕਾਰਵਾਈ ਵਿੱਚ ਮਾਰੇ ਗਏ ਸਨ।
ਖਾਮੇਨੇਈ ਦੇ ਜਨਾਜੇ ਵਿੱਚ ਭੀੜ ਦੇਖ ਹੈਰਾਨ ਹੋਏ ਟਰੰਪ
ਈਰਾਨ ਵਿੱਚ ਵਾਪਰੀਆਂ ਘਟਨਾਵਾਂ ਦੇ ਪੂਰੇ ਕ੍ਰਮ ਬਾਰੇ ਬੋਲਦਿਆਂ, ਟਰੰਪ ਨੇ ਕਿਹਾ ਕਿ ਉਹ ਅਲੀ ਖਾਮੇਨੇਈ ਦੇ ਅੰਤਿਮ ਸੰਸਕਾਰ ਲਈ ਇਕੱਠੀ ਹੋਈ ਭੀੜ ਦੇਖ ਹੈਰਾਨ ਰਹਿ ਗਏ ਸਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਪਹਿਲਾਂ ਵਿਸ਼ਵਾਸ ਸੀ ਕਿ ਉੱਥੋਂ ਦੇ ਲੋਕ ਖਾਮੇਨੇਈ ਨੂੰ ਨਫ਼ਰਤ ਕਰਦੇ ਹਨ, ਇਸ ਲਈ ਇੰਨੀ ਵੱਡੀ ਭੀੜ ਦੇਖ ਕੇ ਉਹ ਹੈਰਾਨ ਰਹਿ ਗਏ। ਟਰੰਪ ਨੇ ਇਹ ਵੀ ਟਿੱਪਣੀ ਕੀਤੀ ਕਿ ਮੌਜੂਦ ਲੋਕਾਂ ਦੇ ਹੰਝੂ ਸੱਚੇ ਨਹੀਂ ਹੋ ਸਕਦੇ।
